GT vs CSK Playing XI IPL 2023: ગુજરાત ટાઈટન્સે જીત્યો ટોસ, ચેન્નાઈ પહેલા બેટિંગ કરશે, જુઓ પ્લેઈંગ 11
Gujarat Titans Vs Chennai Super Kings: ટોસ સાથે જ IPL 2023 ની શરુઆત થઈ ચુકી છે. ગુજરાત ટાઈટન્સના કેપ્ટન હાર્દિક પંડ્યાએ ટોસ જીતીને પ્રથમ બોલિંગ પસંદ કરી છે.
IPL 2023 ની શરુઆત થઈ ચુકી છે. વિશ્વની સૌથી લોકપ્રિય ક્રિકેટ લીગનો પ્રારંભ ટોસ સાથે થયો છે. પ્રથમ મેચમાં ચેન્નાઈ સુપર કિંગ્સ અને ગુજરાત ટાઈટન્સ વચ્ચે ટક્કર થઈ રહી છે. ગુજરાત ટાઈટન્સના સુકાની હાર્દિક પંડ્યાએ ટોસ જીતીને પ્રથમ બોલિંગ પસંદ કરી છે. ધોનીની ટીમ ચેન્નાઈ સુપર કિંગ્સ પ્રથમ બેટિંગ કરશે. હાર્દિકે પ્રથમ બોલિંગ કરીને રન ચેઝ કરવાની રણનિતી અપનાવી છે.
અમદાવાદના નરેન્દ્ર મોદી સ્ટેડીયમમાં રમાઈ રહેલી ઓપનિંગ મેચ દરમિયાન દર્શકોના ગજબના ઉત્સાહ વચ્ચે ટોસ ઉછાળવામાં આવ્યો હતો. હાર્દિક પંડ્યાએ ગુજરાત ટીમના હોમગ્રાઉન્ડ પર ટોસ જીત્યો હતો અને તેણે ધોનીને પ્રથમ બેટિંગ કરવા માટે નિમંત્રણ આપ્યુ હતુ. ટોસ બાદ પ્લેઈંગ ઈલેવન પસંદ કરવાના નિયમની શરુઆત થઈ છે. જે મુજબ બંને ટીમોએ ટોસ બાદ પોતાની ઈલેવન જાહેર કરી હતી.
ચેન્નાઈની ટીમમાં બે ખેલાડીઓનુ ડેબ્યૂ
ધોનીની આગેવાની ધરાવતી ચેન્નાઈ સુપર કિંગ્સ માટે બે ખેલાડીઓને ડેબ્યૂ કર્યુ છે. ચન્નાઈના ઝડપી બોલર દીપક ચાહર સંપૂર્ણ ફિટ થવા સાથે પરત ફર્યો છે એ રાહતની વાત છેય ઈજાને લઈ તે ગત સિઝનમાં ટૂર્નામેન્ટથી બહાર રહ્યો હતો. બેન સ્ટોક્સે ચેન્નાઈ માટે ડેબ્યૂ કર્યુ છે. આ સાથે જ ગત સિઝનમાં બેંચ પર બેસીને સમય પસાર કરનારા રાજ્યવર્ધન હંગરેકરને અંતિમ ઈલેવનમાં ધોનીએ સ્થાન આપ્યુ છે. હંગરેકર અંડર 19 વિશ્વકર 2022માં ભારતનો ચેમ્પિયન ટીમનો હિસ્સો હતો.
ગુજરાતે જીત્યો ટોસ
🚨 Toss Update🚨@gujarat_titans win the toss and opt to field first against @ChennaiIPL at the Narendra Modi Stadium in Ahmedabad 🏟️
Follow the match ▶️ https://t.co/61QLtsnj3J#TATAIPL | #GTvCSK pic.twitter.com/F2KNPMuHTy
— IndianPremierLeague (@IPL) March 31, 2023
ગુજરાત ટાઈટન્સ અને ચેન્નાઈ સુપર કિંગ્સની પ્લેઈંગ ઈલેવન
🚨 Team Updates🚨
A look at the Playing XIs of @gujarat_titans & @ChennaiIPL 👌👌
Follow the match ▶️ https://t.co/61QLtsnj3J#TATAIPL | #GTvCSK pic.twitter.com/EvOxWNsk2d
— IndianPremierLeague (@IPL) March 31, 2023
GT અને CSK ની Playing Xi
ગુજરાત ટાઈટન્સની પ્લેઈંગ ઈલેવન: રિદ્ધિમાન સાહા(વિકેટકીપર), શુભમન ગિલ, કેન વિલિયમસન, હાર્દિક પંડ્યા(કેપ્ટન), વિજય શંકર, રાહુલ તેવટિયા, રાશિદ ખાન, મોહમ્મદ શમી, જોશુઆ લિટલ, યશ દયાલ, અલઝારી જોસેફ.
ચેન્નાઈ સુપર કિંગ્સની પ્લેઈંગ ઈલેવન: ડેવોન કોનવે, ઋતુરાજ ગાયકવાડ, બેન સ્ટોક્સ, અંબાતી રાયડુ, મોઈન અલી, શિવમ દુબે, એમએસ ધોની (કેપ્ટન-વિકેટકીપર), રવિન્દ્ર જાડેજા, મિશેલ સેન્ટનર, દીપક ચહર, રાજવર્ધન હંગરગેકર
રમત ગમતના તાજા સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
રમતગમતના તાજા સમાચાર, IPL 2023, ફૂટબોલ, ટેનિસ, ક્રિકેટ સાથે જોડાયેલા તમામ સમાચાર જાણવા માટે જોડાયેલા રહો…