IND vs PAK, T20 World Cup 2021: પૂર્વ ક્રિકેટરે અમિતાભ બચ્ચનનો જાણીતો ડાયલોગ ‘મોત કે સાથ અપોઇન્ટમેન્ટ’ શેર કર્યો, ‘મૌકા-મૌકા’ ટ્રેન્ડ થવા લાગ્યુ
સોશિયલ મીડિયા પર ભારત પાકિસ્તાન (India vs Pakistan) ની મેચને લઇને અનેક બાબતો ટ્રેન્ડ થવા લાગી છે. જેમાં પાકિસ્તાનની અનેક લોકો ખૂબ મજા પણ લઇ લીધી છે.
ભારત અને પાકિસ્તાન (India vs Pakistan) વચ્ચે આજે હાઇ વોલ્ટેજ મેચ રમાનારી છે. મહાસંગ્રામને લઇને તમામ તૈયારીઓ ટીમ ઇન્ડીયા (Team India) એ કરી લીધી છે. હવે મેચ શરુ થવા માટે ની પળોને ગણવામાં આવી રહી છે. BCCI દ્વારા ટી20 વિશ્વકપ 2021 (T20 World Cup 2021) નુ આયોજન UAE માં કરવામાં આવ્યુ છે. આજે ભારત વિશ્વકપમાં તેની પ્રથમ મેચ પાકિસ્તાન સામે રમીને અભિયાનનો પ્રારંભ કરશે. મેચ પહેલા જ સોશિયલ મીડિયા પર મેચને લઇને કેટલીક બાબતો ટ્રેન્ડ થઇ રહી છે. જેમાં મૌકા-મૌકા (Mauka Mauka)પણ સૌથી આગળ ચાલી રહ્યુ છે.
શનિવાર થી જ ભારત પાકિસ્તાન વચ્ચેની મેચનો ફિવર સોશિયલ મીડિયામાં જોવા મળી રહ્યો છે. શનિવારે અને આજે રવિવારે પણ મેચને લઇને અનેક બાબતો ટ્રેન્ડ થવા લાગી છે. જેમાં ખાસ કરીને તો મૌકા-મૌકા શબ્દ તો ખૂબ ટ્રેન્ડ થયો છે. ક્રિકેટ ચાહકોએ પણ તે શબ્દ પર ખૂબ મજા લીધી છે. તો વળી આવી જ રીતે INDvPAK અને T20WorldCup2021 પણ ખૂબ ટ્રેન્ડ કરી રહ્યુ છે.
આ દરમિયાન પૂર્વ ભારતીય ક્રિકેટર વાસિમ જાફર પણ પાકિસ્તાનની ખેંચવામાં પાછળ કેવી રીતે રહી જાય. કારણ કે તે દરેક હરીફ ટીમની મજા લેતો હોય છે, એમાંય આવા માહોલ અને પાકિસ્તાનની વાતમાં તો તે સ્વભાવિક જ આગળ હોય. તેણે અગ્નિપથ ફિલ્મના એક ડાયલોગ વાળી અમિતાભ બચ્ચન અને એક બાળકની તસ્વીર શેર કરી છે.
જેમાં બાળકના ફોટો શેર કરીને લખ્યુ છે કે, તે દુબઇ મેચ જોવા માટે માટે જવા ઇચ્છે છે. તો બચ્ચનની તસ્વીર પર ડાયલોગ લખ્યો છે કે, આજ સાંજે 6 વાગ્યે મારુ મોત સાથે એપોઇન્ટમેન્ટ છે. જાફરે બીજી એક પોસ્ટ શેર કરી છે, જેમાં અમરીશ પુરીને તસ્વીર શેર કરી છે. જેમાં લખ્યુ છે કે, આખરે તે દિવસ આવી ગયો.
Indian fans and Pakistani fans today 😉 #INDvPAK #T20WorldCup pic.twitter.com/NKUqF8OMY4
— Wasim Jaffer (@WasimJaffer14) October 24, 2021
INDIAAAA INDIAA 🇮🇳💪🏼 #INDvPAK #T20WorldCup pic.twitter.com/b26tnGfHTs
— Wasim Jaffer (@WasimJaffer14) October 24, 2021
આજે સાંજે દુબઇમાં આંતરરાષ્ટ્રીય સ્ટેડિયમ પર ભારત અને પાકિસ્તાન વચ્ચે મેચ રમાનારી છે. પાકિસ્તાન હજુ સુધી એક પણ વાર ભારત સામે ટી20 વિશ્વકપમાં મેચ જીતી શક્યુ નથી.