ભારત સાથેની મેચ પહેલા દક્ષિણ આફ્રિકા પર ગુસ્સે થયો આ મહાન કેપ્ટન, જાણો કેમ?
સાઉથ આફ્રિકાએ તાજેતરમાં જ ન્યૂઝીલેન્ડ પ્રવાસ માટે ટીમની જાહેરાત કરી ત્યારે બધાને આશ્ચર્ય થયું હતું. નીલ બ્રાન્ડને આ ટીમનો કેપ્ટન બનાવવામાં આવ્યો છે, જેણે હજુ સુધી કોઈ ટેસ્ટ મેચ રમી નથી. આફ્રિકામાંથી મજબૂત ટીમ પસંદ ન કરવા બદલ ઘણી ટીકા થઈ રહી છે. જેમાં ઓસ્ટ્રેલિયાના મહાન કેપ્ટન પણ સામેલ છે.
ઓસ્ટ્રેલિયાના પૂર્વ કેપ્ટન સ્ટીવ વોએ સાઉથ આફ્રિકન ક્રિકેટ સામે કાર્યવાહી કરવાની માંગ કરી છે. સાઉથ આફ્રિકાએ ભારત સામે ચાલી રહેલી શ્રેણી દરમિયાન ન્યૂઝીલેન્ડ પ્રવાસ માટે ટીમની જાહેરાત કરી છે. દક્ષિણ આફ્રિકાએ આ પ્રવાસ માટે એકદમ નવી ટીમ મોકલી છે, કુલ 14 ખેલાડીઓમાંથી સાત ખેલાડીઓ એવા છે કે જેમણે ક્યારેય કોઈ ટેસ્ટ રમી નથી. આ ઉપરાંત કેપ્ટન પણ એવા ખેલાડીને બનાવવામાં આવ્યો છે જે ડેબ્યૂ કરવા જઈ રહ્યો છે.
આફ્રિકન ક્રિકેટ બોર્ડથી ઘણા પૂર્વ ક્રિકેટરો નારાજ
દક્ષિણ આફ્રિકાના આ વલણથી ઘણા પૂર્વ ક્રિકેટરો નારાજ છે. સ્ટીવ વો પણ તેમાંથી એક છે. તેમણે કહ્યું કે મને લાગે છે કે આફ્રિકન ક્રિકેટ બોર્ડને ટેસ્ટ ક્રિકેટની કોઈ ફિકર નથી. દક્ષિણ આફ્રિકન ક્રિકેટ બોર્ડ પોતાનું ભવિષ્ય બતાવી રહ્યું છે, તેઓ પોતાના ખેલાડીઓને ઘરે રાખી રહ્યા છે અને નવા બાળકોને મોકલી રહ્યા છે. જો હું ન્યુઝીલેન્ડર હોત તો હું તેમની સાથે ક્રિકેટ ન રમત.
સ્ટીવ વો ઘણી ટીમો પર ગુસ્સે થયો
સ્ટીવ વોએ કહ્યું કે મને ખબર નથી કે આફ્રિકન ટીમ શા માટે ટેસ્ટ રમી રહી છે? શું તમે ન્યૂઝીલેન્ડ ક્રિકેટ પ્રત્યે અનાદર દર્શાવી રહ્યા છો. આ દર્શાવે છે કે કેવી રીતે માત્ર T20 લીગના કારણે ટીમો પોતાની જાતને બદલી રહી છે. વેસ્ટ ઈન્ડિઝ છેલ્લા બે વર્ષથી તેની શ્રેષ્ઠ ટેસ્ટ ટીમ પસંદ કરી રહ્યું નથી, વિન્ડીઝનો નિકોલસ પૂરન એક એવો બેટ્સમેન છે જે વધુ સારી ટેસ્ટ ક્રિકેટ રમી શકે છે પરંતુ તે ટેસ્ટ બિલકુલ રમતો નથી.
ICCએ ટેસ્ટ ક્રિકેટ પર ધ્યાન આપવું પડશે
એટલું જ નહીં ઓસ્ટ્રેલિયાના પૂર્વ કેપ્ટને કહ્યું કે પાકિસ્તાન પણ પોતાની શ્રેષ્ઠ ટેસ્ટ ટીમ સાથે ઓસ્ટ્રેલિયા નથી આવ્યું. આવી સ્થિતિમાં, તે દર્શાવે છે કે ટીમો ટેસ્ટ ક્રિકેટ પર ધ્યાન આપી રહી નથી અને ICCએ આ તરફ ધ્યાન આપવું જોઈએ. કારણ કે મોટી ટીમોની જેમ અન્ય તમામ ટીમોએ પણ ટેસ્ટ ક્રિકેટને ગંભીરતાથી લેવી પડશે.
દક્ષિણ આફ્રિકા બોર્ડની ઘણી ટીકા થઈ
ઘરઆંગણે યોજાનાર દક્ષિણ આફ્રિકા T20 લીગના કારણે આફ્રિકાએ પોતાના વરિષ્ઠ અને મુખ્ય ખેલાડીઓને ટેસ્ટ શ્રેણીમાં પસંદ નથી કર્યા. દક્ષિણ આફ્રિકા ઈચ્છે છે કે તેમના દેશના મોટા (સ્ટાર) ખેલાડીઓ લીગ રમે, જેથી અન્ય દેશોના સ્ટાર ક્રિકેટરો પણ અહીં જોડાયેલા રહે. આ જ કારણ છે કે દક્ષિણ આફ્રિકા બોર્ડની ઘણી ટીકા થઈ રહી છે.
આ પણ વાંચો : રન મશીન કોહલીએ 2023માં રચ્યા 88 “વિરાટ” રેકોર્ડ, લકી રહ્યું વર્ષ
