ધ્રુવ જુરેલે એક જ મેચમાં બે સદી ફટકારી, ટેસ્ટ શ્રેણી પહેલા આ સ્ટાર ખેલાડી માટે બની ગયો ખતરો!
વિકેટકીપર-બેટ્સમેન ધ્રુવ જુરેલે દક્ષિણ આફ્રિકા A સામેની બીજી બિનસત્તાવાર ટેસ્ટ મેચમાં વધુ એક શાનદાર ઈનિંગ રમી. તેણે બંને ઈનિંગમાં સદી ફટકારીને ભારતને મજબૂત સ્થિતિમાં પહોંચાડ્યું. હવે તે આગામી સિરીઝમાં સ્ટાર વિકેટકીપર માટે ખતરો બની ગયો છે.
ભારત અને દક્ષિણ આફ્રિકા A ટીમો વચ્ચે બીજી બિનસત્તાવાર ટેસ્ટ મેચ બેંગલુરુના BCCI સેન્ટર ઓફ એક્સેલન્સ ગ્રાઉન્ડ 1 ખાતે રમાઈ રહી છે. વિકેટકીપર -બેટ્સમેન ધ્રુવ જુરેલના કારણે ભારતીય ટીમ આ મેચમાં મજબૂત સ્થિતિમાં છે. ધ્રુવ જુરેલે પહેલી ઈનિંગમાં 175 બોલમાં અણનમ 132 રન બનાવ્યા હતા. હવે, બીજી ઈનિંગમાં પણ ધ્રુવ જુરેલે શાનદાર સદી ફટકારી હતી.
ધ્રુવ જુરેલની સદી
પહેલી ઈનિંગમાં શાનદાર પ્રદર્શન કરનાર ધ્રુવ જુરેલે બીજી ઈનિંગમાં પણ પોતાનું શાનદાર ફોર્મ જાળવી રાખ્યું. ભારતને 104 રન પર મોટો ઝટકો લાગ્યો ત્યારે તે ફરી એકવાર બેટિંગ કરવા આવ્યો. રિષભ પંતને ઈજાને કારણે મેદાન છોડવું પડ્યું હતું અને ત્યાં સુધીમાં ભારત ચાર વિકેટ ગુમાવી ચૂક્યું હતું. જોકે, ધ્રુવ જુરેલે ઈનિંગને સ્થિર રાખવામાં સફળતા મેળવી અને ફરી એકવાર 100 રનનો આંકડો પાર કર્યો.
First Innings – 132*(175) Second Innings – 127*(170)
DHRUV JUREL DESERVES TO PLAY IN THE INDIAN TEST TEAM AS BATTER. pic.twitter.com/od200y8uzO
— Johns. (@CricCrazyJohns) November 8, 2025
બંને ઈનિંગમાં ફટકારી સદી
ધ્રુવ જુરેલે આ ઈનિંગમાં 159 બોલનો સામનો કરીને પોતાની સદી પૂરી કરી. આ ઈનિંગમાં 12 ચોગ્ગાનો સમાવેશ થાય છે, જેનાથી ભારતીય ટીમ 300 રનનો આંકડો પાર કરી શકી. તેણે હર્ષ દુબે સાથે છઠ્ઠી વિકેટ માટે 184 રનની ભાગીદારી પણ કરી , જેનાથી ભારત મેચમાં મજબૂત સ્થિતિમાં આવી ગયું. પહેલી ઈનિંગમાં, ધ્રુવ જુરેલે એવા સમયે સદી ફટકારી જ્યારે ભારતીય ટીમે 126 રનમાં 7 વિકેટ ગુમાવી દીધી હતી. ત્યારબાદ તેણે ટીમને 255 રન સુધી પહોંચાડી.
રિષભ પંત માટે બન્યો ખતરો
ધ્રુવ જુરેલે દક્ષિણ આફ્રિકા સામેની ટેસ્ટ શ્રેણી પહેલા આ બંને ઈનિંગ્સ રમીને પોતાનો દાવો મજબૂત બનાવ્યો હતો . જોકે, આ શ્રેણીમાં રિષભ પંત પણ ટીમમાં વાપસી કરવા માટે તૈયાર છે. પંત પ્રથમ પસંદગીનો વિકેટકીપર રહેશે, પરંતુ તે નીતિશ રેડ્ડી માટે નોંધપાત્ર ખતરો બની શકે છે . નીતિશ રેડ્ડીનો પાછલી શ્રેણીમાં બોલર તરીકે વધુ ઉપયોગ થયો ન હતો. તેથી, તેની બેટિંગ કુશળતાને ધ્યાનમાં રાખીને ધ્રુવ જુરેલ ટીમની પ્રથમ પસંદગીની પસંદગી બની શકે છે.
આ પણ વાંચો: Rishabh Pant: રિટાયર્ડ હર્ટ થયા બાદ ફરી મેદાનમાં આવી રિષભ પંતે મચાવી ધમાલ, નવ ચોગ્ગા અને છગ્ગા ફટકાર્યા
ક્રિકેટ સહિત રમતગમતના દરેક સમાચાર વાંચવા અહીં ક્લિક કરો
