CSK vs KKR, IPL 2021 Match Prediction: ધોનીની ટીમ કલકત્તા સામે ટકરાશે, બિન્દાસ્ત બનેલી કલકત્તા અંતિમ ચારમાં ટકી રહેવા દાવ લગાવશે

IPL 2021 માં આજે CSK અને KKR ની બીજી ટક્કર થશે. અગાઉ બંને વચ્ચે પ્રથમ ટક્કર મુંબઈમાં થઇ હતી, જેમાં ચેન્નાઈએ કલકત્તાને 18 રનથી હરાવ્યું હતું.

MS Dhoni-Eoin Morgan

TV9 Gujarati | Edited By: Avnish Goswami | Updated on: Sep 26, 2021 | 9:43 AM

IPL 2021 માં આજે સુપર સંડે છે. તેનો મતલબ ડબલ ધમાલ થશે. આજની પ્રથમ મેચ ટીમ ધોની (MS Dhoni) એટલે કે ચેન્નઈ સુપર કિંગ્સ (Chennai Super Kings) અને કોલકાતા નાઈટ રાઈડર્સ (Kolkata Knight Riders) વચ્ચે રમાનારી છે. IPL 2021 ના બીજા તબક્કાની શરૂઆત પહેલા, KKR ના કેપ્ટન ઈયોન મોર્ગને (Eoin Morgan) કહ્યું હતું કે, તેની પાસે હવે ગુમાવવાનું કંઈ નથી તેથી ફિયરલેસ ક્રિકેટ રમીશુ. તેના આ ઈરાદાની અસર ટીમના પ્રદર્શન પર પડી. KKR અત્યાર સુધી બીજા હાફમાં પોતાની બંને મેચ સુંદર રીતે રમી હતી.

તેણે RCB સામે 10 ઓવરમાં 93 રનના લક્ષ્યાંકનો પીછો કર્યો હતો. તો બીજી મેચમાં મુંબઈ ઇન્ડીયન્સે આપેલા લક્ષ્યાંકનો પીછો માત્ર 15.1 ઓવરમાં કર્યો હતો. આ બે જીત KKR માટે સંજીવન તરીકે કામ કરી ગઇ. પ્લે-ઓફમાં પહોંચવાની તેની આશાને જીવંત બનાવી દીધી હતી. એટલે કે, હવે CSK સામેની જીત તેના આગળનો માર્ગ સરળ બનાવી શકે છે. પરંતુ આ કાર્ય સરળ રહેશે નહીં કારણ કે ધોની (Dhoni) ની સુપર કિંગ્સ બીજા હાફમાં માત્ર વિજય રથ પર સવાર નથી, પણ પ્લે-ઓફ રમવાનો દાવેદાર પણ છે.

IPL 2021 માં આજે CSK અને KKR ની બીજી ટક્કર થશે. અગાઉ બંને વચ્ચે પ્રથમ મુકાબલો મુંબઈમાં યોજાયો હતો, જેમાં ચેન્નાઈએ કોલકાતાને 18 રનથી હરાવ્યું હતું. છેલ્લી 5 મેચમાં પણ કલકત્તા નાઈટ રાઈડર્સ ઉપર ચેન્નાઇ સુપર કિંગ્સનો હાથ ઉંચો છે. બંને ટીમો વચ્ચે છેલ્લી 5 મેચમાં, CSK એ 4 મેચ જીતી છે. અત્યાર સુધી બંને ટીમો IPL ની પિચ પર 26 વખત ટકરાઈ છે. જેમાં ચેન્નાઈ સુપર કિંગ્સ 16 વખત અને કોલકાતા નાઈટ રાઈડર્સ માત્ર 9 વખત જીતી છે.

Web Stories View more

મહાયુતિ સરકારના ફેવરિટ છે આ સેક્ટર, આ શેર પર છે રોકાણકારોની નજર

IPL Auction ની શરૂઆતમાં જ કાવ્યા મારનને પ્રીટિ ઝિન્ટાએ આપ્યો ઝટકો ! આ ફાસ્ટ બોલર હાથમાંથી ગયો

અમદાવાદમાં હવે અંબાણીની જેમ કરી શકાશે પાણી વચ્ચે લગ્નનું આયોજન, જાણો ક્યાં

કુંડળીમાં ગ્રહોને મજબૂત કરવા લલાટ પર કરો આ તિલક

Amla with Honey : આમળા અને મધ એકસાથે ખાવાથી થાય છે ગજબના ફાયદા

આંકડા ચેન્નાઈ સુપર કિંગ્સ સાથે

એકંદરે આંકડાઓને જોવામાં આવે તો યલો જર્સી સાથે છે. આવી સ્થિતિમાં, મોર્ગનની સેના માટે આજે મેદાનમાં ટકરાવું એટલું સરળ રહેશે નહીં, જેટલું છેલ્લી બે મેચમાં હતું. કારણ કે આજે તેણે માત્ર એક ટીમ સાથે જ નહીં પણ, ધોનીના ક્રિકેટિંગ દિમાગ સાથે પણ લડવાનું છે. કાગળ પર બંને ટીમો મજબૂત છે. બંનેની તાજેતરની રમત જબરદસ્ત છે. બંનેની તાકાત તેમની ઓપનિંગ જોડી છે. પરંતુ, એક વસ્તુ જે CSK ની તરફેણમાં જાય છે તે છે, ખેલાડીઓનો અનુભવ અને દરેક મેચમાં જીતવાના અલગ કેરેકટર. તે સ્પષ્ટ છે કે કલકત્તા નાઈટ રાઈડર્સે આજે જીતવા માટે ઘણી મહેનત કરવી પડશે.