Breaking News: લખનૌએ ટોસ જીતી બોલિંગ પસંદ કરી, ચેન્નાઈ પહેલા કરશે બેટિંગ, જાણો બંને ટીમની પ્લેઈંગ 11
IPL ની 19 મી સિઝનની 59 મી મેચમાં લખનૌ સુપર જાયન્ટ્સ અને ચેન્નાઈ સુપર કિંગ્સની ટક્કર થઈ રહી છે. લખનૌના ભારત રત્ન શ્રી અટલ બિહારી વાજપેયી એકાના ક્રિકેટ સ્ટેડિયમમાં મેચ પહેલા ટોસ યોજાયો હતો, જેમાં લખનૌ સુપર જાયન્ટ્સે ટોસ જીતી બોલિંગ પસંદ કરી હતી, એટલે આજની મેચમાં ચેન્નાઈ સુપર કિંગ્સ પહેલા બેટિંગ કરશે.
IPL 2026માં આજે સિઝનના 59 મા મુકાબલામાં લખનૌ સુપર જાયન્ટ્સ અને ચેન્નાઈ સુપર કિંગ્સ વચ્ચે મુકાબલો યોજાઈ રહ્યો છે. મેચ પહેલા બંને ટીમના કેપ્ટનો વચ્ચે ટોસ થયો હતો, જેમાં LSGએ ટોસ જીતી બોલિંગ પસંદ કરી, એટલે કે CSK આ મેચમાં પહેલા બેટિંગ કરશે. LSG અને CSK બંને આ સિઝનની બારમી મેચ રમી રહી છે. બંને ટીમો મેચ જીતવા પ્રયાસ કરશે.
રિષભ પંતે ટોસ જીતી બોલિંગ પસંદ કરી
લખનૌ સુપર જાયન્ટ્સના કેપ્ટન રિષભ પંતે ટોસ જીતીને પહેલા બોલિંગ કરવાનો નિર્ણય લીધો. રિષભ પંતે કહ્યું કે અમે પહેલા બોલિંગ કરીશું. વિકેટ થોડી ભીની દેખાઈ રહી છે, તેથી અમે પહેલા બેટિંગ કરવા માંગતા નથી. એક ટીમ તરીકે અમારે ઘણું બધું પ્રાપ્ત કરવાનું છે. અમે એક એવી ટીમ છીએ જે વિશ્વાસ પર ચાલે છે, અમે આગામી સિઝન માટે થોડી વસ્તુઓ કરવાનો પ્રયાસ કરી રહ્યા છીએ, અને અમારું 200% આપી રહ્યા છીએ. અમે આજે ટીમમાં ચાર ફેરફાર કર્યા છે. અબ્દુલ સમદ, મુકુલ ચૌધરી, મયંક યાદવ અને આકાશ મહારાજ સિંહ આજની મેચમાં રમશે.
ઋતુરાજ ગાયકવાડે શું કહ્યું?
ટોસ હાર્યા બાદ ચેન્નાઈ સુપર કિંગ્સના કેપ્ટન ઋતુરાજ ગાયકવાડે કહ્યું કે આ એક એવું સ્થળ છે જ્યાં તમારે સારી બેટિંગ અને બોલિંગ કરવી પડે છે. પિચ ભીની લાગી રહી છે, પરંતુ જો આપણે સારી શરૂઆત કરીએ અને 170-180 સુધી પહોંચીએ તો તે એક પડકારજનક સ્કોર હશે. અમે આજની મેચમાં પ્લેઈંગ ઈલેવનમાં બે ફેરફાર કર્યા છે. સ્પેન્સર જોહ્ન્સન CSK માટે ડેબ્યૂ કરી રહ્યો છે અને અકીલની જગ્યાએ ગુર્જપનીત રમશે.
Tonight’s mood: pic.twitter.com/I3CTJd8lcx
— Lucknow Super Giants (@LucknowIPL) May 15, 2026
ચેન્નાઈ સુપર કિંગ્સ પ્લેઈંગ ઈલેવન
સંજુ સેમસન (વિકેટકિપર), ઋતુરાજ ગાયકવાડ (કેપ્ટન), ઉર્વિલ પટેલ, કાર્તિક શર્મા, ડેવોલ્ડ બ્રેવિસ, શિવમ દુબે, પ્રશાંત વીર, અંશુલ કંબોજ, નૂર અહમદ, સ્પેન્સર જોન્સન, મુકેશ ચૌધરી.
ઈમ્પેક્ટ સબ્સ: ગુર્જપનીત સિંહ, અકેલ હોસેન, સરફરાઝ ખાન, મેથ્યુ શોર્ટ, મેટ હેનરી.
લખનૌ સુપર જાયન્ટ્સ પ્લેઈંગ ઈલેવન
મિશેલ માર્શ, નિકોલસ પૂરન, એડન માર્કરામ, રિષભ પંત (વિકેટકિપર/કેપ્ટન), મુકુલ ચૌધરી, અબ્દુલ સમદ, શાહબાઝ અહેમદ, મોહમ્મદ શમી, મયંક યાદવ, આકાશ મહારાજ સિંહ, પ્રિન્સ યાદવ.
ઈમ્પેક્ટ સબ્સ: જોશ ઈંગ્લિસ, મણિમરણ સિદ્ધાર્થ, દિગ્વેશ સિંહ રાઠી, હિંમત સિંહ, આયુષ બદોની.
Breaking News : કોલકાતા નાઈટ રાઈડર્સનો સ્ટાર ખેલાડી IPL 2026 અધવચ્ચે છોડી પોતાના દેશ પરત ફર્યો
