ઈન્ડિયા A ટીમ ટૂંક સમયમાં ન્યૂઝીલેન્ડના પ્રવાસે જશે. ભારતીય ક્રિકેટ કંટ્રોલ બોર્ડે ન્યુઝીલેન્ડ A સામે ત્રણ મેચની બિનસત્તાવાર ટેસ્ટ શ્રેણી માટે ભારત A ટીમની જાહેરાત કરી દીધી છે. જોકે, હવે આ ટીમમાં મોટો ફેરફાર કરવામાં આવ્યો છે. સ્ટાર વિકેટકીપર-બેટ્સમેન રિષભ પંત ઈજાને કારણે ઈન્ડિયા A ની પ્રથમ બે મેચમાંથી બહાર થઈ ગયો છે. પ્રવાસ માટે પંતની ઉપલબ્ધતા તેની ફિટનેસ પર આધારિત હતી, પરંતુ તે સમયસર સંપૂર્ણ રીતે ફિટ થયો નથી. પ્રથમ બે મેચ માટે પંતના સ્થાને યુવા વિકેટકીપર-બેટ્સમેન કુમાર કુશાગ્રનો ટીમમાં સમાવેશ કરવામાં આવ્યો છે.

ઈરાની કપ દરમિયાન ઈજા થઈ હતી

ધ્રુવ જુરેલના નેતૃત્વ હેઠળની ઈન્ડિયા A ટીમ આ શ્રેણી રમશે, જેનાથી ખેલાડીઓને સિનિયર ટેસ્ટ શ્રેણી પહેલા વાતાવરણમાં અનુકૂલન સાધવાની તક મળશે. જોકે, રિષભ પંતની ઈજા ભારત માટે એક મોટો આંચકો છે. ઈરાની કપમાં રેસ્ટ ઓફ ઈન્ડિયાની કેપ્ટનશીપ કરતી વખતે રિષભ પંતને ડાબા હેમસ્ટ્રિંગમાં ખેંચાણનો સામનો કરવો પડ્યો હતો. તે ભારતીય ક્રિકેટ કંટ્રોલ બોર્ડની મેડિકલ ટીમમાં સતત દેખરેખ હેઠળ છે અને તેની રિકવરી સારી રીતે ચાલી રહી છે.

News

Rishabh Pant has been ruled out of the first two India A matches against New Zealand A.

Kumar Kushagra has been named as his replacement in the squad.

More Details ▶️ https://t.co/GlNfm5b5or

#NZAvINDA

— BCCI (@BCCI) October 12, 2026

કુમાર કુશાગ્રનું નસીબ ચમક્યું

રિષભ પંત બહાર થતાં, ઝારખંડના યુવા વિકેટકીપર-બેટ્સમેન કુમાર કુશાગ્રને પ્રથમ બે મેચ માટે બેકઅપ વિકેટકીપર તરીકે ટીમમાં સામેલ કરવામાં આવ્યો છે. કેપ્ટન ધ્રુવ જુરેલ પહેલાથી જ વિકેટકીપર તરીકે ટીમમાં સામેલ છે. કુશાગ્ર માટે વિદેશી પરિસ્થિતિઓમાં પોતાની ક્ષમતા સાબિત કરવાની આ એક શ્રેષ્ઠ તક હશે.

ઈન્ડિયા A ટીમ

યશસ્વી જયસ્વાલ, કેએલ રાહુલ, દેવદત્ત પડિકલ, રવિચંદ્રન અશ્વિન, ધ્રુવ જુરેલ (કેપ્ટન), વોશિંગ્ટન સુંદર, આકિબ નબી, આકાશ દીપ, અંશુલ કંબોજ, માનવ સુથાર, મુકેશ ચૌધરી, સાઈ સુદર્શન, યશ રાઠોડ, મુકેશ કુમાર, કુમાર કુશાગ્ર.

W,W,W… રણજી ટ્રોફીમાં તુષાર દેશપાંડેનો કહેર, સતત 3 બોલમાં 3 વિકેટ લઈને કર્યો કમાલ