Ashes: ઈંગ્લેન્ડ ટીમના કોચ બ્રેન્ડન મેક્કુલમને સ્ટેડિયમમાં ન મળી એન્ટ્રી, મેચ પહેલા જ થયો હોબાળો
હેડિંગલી ટેસ્ટ પહેલા ઈંગ્લેન્ડના કોચ બ્રેન્ડન મેક્કુલમને એક વિચિત્ર પરિસ્થિતિનો સામનો કરવો પડ્યો હતો. તેને ગાર્ડ દ્વારા સ્ટેડિયમમાં પ્રવેશતા અટકાવવામાં આવ્યો હતો. જે બાદ મોટો હોબાળો થઈ ગયો હતો.
ઈંગ્લેન્ડ ક્રિકેટ ટીમના ટેસ્ટ કોચ બ્રેન્ડન મેક્કુલમ આ દિવસોમાં બધાના નિશાના પર છે. તેમના મતે, ‘બેઝબોલ’ ક્રિકેટ જેણે છેલ્લા એક વર્ષમાં ખળભળાટ મચાવ્યો હતો, તે અત્યારે તેની સૌથી મોટી કસોટીમાં નિષ્ફળ જણાઈ રહ્યું છે. ઓસ્ટ્રેલિયા સામેની Ashes શ્રેણીની પ્રથમ બે ટેસ્ટમાં ઈંગ્લેન્ડની ટીમ પાછળ રહી ગઈ છે અને તેમના પર સવાલો ઉભા થઈ રહ્યા છે. આ બધા વચ્ચે મેક્કુલમને ત્રીજી ટેસ્ટ પહેલા લીડ્ઝના હેડિંગલી સ્ટેડિયમમાં પ્રવેશતા અટકાવવામાં આવતા તેની મુશ્કેલીઓનો વધી ગઈ હતી.
મેચ પહેલા જ ડ્રામા
ઈંગ્લેન્ડ અને ઓસ્ટ્રેલિયા વચ્ચે ત્રીજી ટેસ્ટ મેચ લીડ્ઝમાં ગુરુવારે 6 જુલાઈથી શરૂ થઈ હતી. આ ટેસ્ટની બે દિવસીય રમતમાં ઘણી એક્શન જોવા મળી હતી. જો કે, મેચમાં એક્શન શરૂ થાય તે પહેલા જ એક ડ્રામા શરૂ થઈ ગયો હતો અને ઈંગ્લેન્ડના કોચ મેક્કુલમ તેનો શિકાર બન્યો, જેને અજીબ પરિસ્થિતિનો સામનો કરવો પડ્યો હતો.
Stadium check ✅
📍 Headingley, Leeds #EnglandCricket | #Ashes pic.twitter.com/dH90eBNhvV
— England Cricket (@englandcricket) July 6, 2023
મેક્કુલમને ગાર્ડે રોક્યો
બ્રિટિશ અખબાર ધ ટાઈમ્સના અહેવાલમાં જણાવવામાં આવ્યું છે કે 6 જુલાઈએ મેચની શરૂઆત પહેલા જ્યારે મેક્કુલમ હેડિંગલી સ્ટેડિયમમાં પ્રવેશી રહ્યો હતો ત્યારે ત્યાંના ગાર્ડે તેને રોક્યો હતો. રિપોર્ટમાં કહેવામાં આવ્યું છે કે ગાર્ડ્સ તે સમયે મેક્કુલમને ઓળખી ન શક્યો. તે સમયે મેક્કુલમ પાસે એન્ટ્રી પાસ પણ નહોતો.
કોચને આવ્યો ગુસ્સો
મેક્કુલમ સાથે આવેલા વ્યક્તિએ દરમિયાનગીરી કરી પ્રવેશ મેળવવાનો પ્રયાસ કર્યો હતો, પરંતુ ગાર્ડ હજુ પણ સંમત ન થયો. થોડા સમય બાદ ગાર્ડે રેડિયો પર તેના વરિષ્ઠ અધિકારી સાથે વાત કરીને આ બાબતને સમજાવવાનો પ્રયાસ કર્યો હતો, પરંતુ ત્યાં સુધીમાં મેક્કુલમની ધીરજ ખૂટી ગઈ હતી. આ ઘટના પર તે ગુસ્સે થઈ ગયો અને તેણે ગાર્ડને ગુસ્સામાં ઠપકો આપ્યો અને કહ્યું કે હવે તેણે આ બાબતનો સામનો કરવો જોઈએ. આટલું કહીને મેક્કુલમ ત્યાંથી ચાલ્યો ગયો.
📺 Now playing on Twitter 💽 Headingley Day 2
▶️ 🔘──────── 06:59#EnglandCricket | #Ashes pic.twitter.com/E7O6DxJIPN
— England Cricket (@englandcricket) July 8, 2023
આ પણ વાંચો : 365 કરોડનો આસામી છે સૌરવ ગાંગુલી, 48 રૂમના આલીશાન ઘરમાં રહે છે ‘દાદા’
હેડિંગ્લીમાં પણ ઈંગ્લેન્ડની ખરાબ હાલત
જોકે, આખરે મેક્કુલમને સ્ટેડિયમમાં જવા દેવામાં આવ્યો હતો. જો કે તેની ટીમની હાલત સીરિઝમાં હજુ પણ કંઈ ખાસ નથી રહી. ટેસ્ટના પહેલા દિવસે ઈંગ્લિશ ટીમે ઓસ્ટ્રેલિયાને માત્ર 263 રન પર રોકી દીધું હતું. જવાબમાં ઇંગ્લેન્ડે તેની પ્રથમ ઇનિંગમાં 237 રન બનાવ્યા હતા.
