Viral: એક ઓવરમાં 7 સિક્સર, છ બોલમાં 48 રન ફટકાર્યા, જુઓ Video
અફઘાનિસ્તાનમાં અફઘાનિસ્તાનમાં સેદીકુલ્લાહ અટલે 56 બોલમાં 7 ચોગ્ગા અને 10 છગ્ગાની મદદથી અણનમ 118 રન બનાવ્યા હતા. તેણે 19મી ઓવરમાં 7 સિક્સ ફટકારીને 100 રન પૂરા કર્યા હતા. સતહે જ એક ઓવરમાં 7 છગ્ગા ફટકાર્યા હતા.
અફઘાનિસ્તાન (Afghanista)ના 21 વર્ષીય બેટ્સમેન સિદીકુલ્લાહ અટલે એક ઓવરમાં 7 સિક્સ મારીને કમાલ કરી હતી. તેણે બોલર અમીર જઝાઈના દરેક બોલ પર સિકસ ફટકારી હતી. કાબુલ પ્રીમિયર લીગ (Kabul Premier League)ની 10મી મેચમાં શાહીન હંટર્સ અને અબાસીન ડિફેન્ડર્સની ટીમ આમને-સામને હતી. શાહીન હંટર્સ પ્રથમ બેટિંગ કરવા ઉતરી હતી અને માત્ર 16 રનમાં પોતાની 3 વિકેટ ગુમાવી દીધી હતી.
સિદીકુલ્લાહ અટલે મચાવી તબાહી
ખરાબ શરૂઆત છતાં શાહીન હંટર્સની ટીમ જીતી ગઈ અને આ જીતનો અસલી હીરો સિદીકુલ્લાહ અટલ હતો, જેણે તોફાની સદી ફટકારી હતી. 3 વિકેટ ઝડપથી પડી ગયા પછી, અટલ ક્રિઝ પર ટકી ગયો હતો. તે ઇનિંગ્સના છેલ્લા બોલ સુધી રહ્યો હતો. તે 56 બોલમાં 7 ચોગ્ગા અને 10 છગ્ગાની મદદથી 118 રન બનાવીને અણનમ રહ્યો હતો. 19મી ઓવરમાં તેણે હંગામો મચાવ્યો હતો.
48 runs from 1 over. @Sediq_Atal26 is now in the cricketing history books. Equalled Rituraj Gaikwad’s 7 sixes in an over. Poor Amir Zazai, almost escaped a heartache. This 💯 must open the doors of international cricket & leagues for Atal. 🇦🇫 #FutureStar #WorldRecord #SevenSixes pic.twitter.com/Ntt0lkZVUm
— Cricket Afghanistan (@AFG_Sports) July 29, 2023
એક ઓવરમાં 48 રન બનાવ્યા
19મી ઓવરના પહેલા બોલે જઝાઈએ નો બોલ નાખ્યો, જેના પર અટલે સિક્સર ફટકારી. જઝાઈએ આગળનો બોલ વાઈડ ફેંક્યો. આ પછી, તેણે તેની ઓવરના તમામ 6 બોલ વ્યવસ્થિત રીતે ફેંક્યા, પરંતુ વાઈડ પછી, અટલે તેના તમામ 6 બોલ પર બાઉન્ડ્રી ફટકારી, જઝાઈએ તેની ઓવરમાં કુલ 48 રન આપી દીધા હતા.
ગાયકવાડની કરી બરાબરી
જઝાઈની આ ઓવરમાં અટલ 71 રનથી સીધા 113 રન સુધી પહોંચી ગયો હતો. તેણે એક ઓવરમાં 7 છગ્ગા ફટકારીને ભારતીય બેટ્સમેન ઋતુરાજ ગાયકવાડના રેકોર્ડની બરાબરી કરી હતી. ગાયકવાડે ગયા વર્ષે વિજય હજારે ટ્રોફીમાં સતત 7 સિક્સર ફટકારી કમાલ પ્રદર્શન કર્યું હતું.
આ પણ વાંચો : IPLમાં કાવ્યા મારનને ઉદાસ જોઈ રજનીકાંતને થાય છે દુઃખ, તેના પિતાને આપી આ સલાહ
92 રને મેચ જીતી
આટલું જ નહીં, આ મોંઘી ઓવરના કારણે શાહીન હંટર્સની ટીમનો સ્કોર પણ 158થી 206 રન સુધી પહોંચી ગયો હતો. ભલે નાવેદ ઝદરાને છેલ્લી ઓવરમાં 7 રન આપ્યા પરંતુ 19મી ઓવર અબાસીન માટે ભારે પડી. 214 રનના ટાર્ગેટના જવાબમાં ડિફેન્ડર્સને શાહીન હંટર્સે 18.3 ઓવરમાં 121 રનમાં જ રોકી દીધા હતા. ફિલ્ડિંગ ટીમે મેચ 92 રને જીતી લીધી હતી. સૈયદ ખાન અને ઝાહિદુલ્લા બંનેએ 3-3 વિકેટ લીધી હતી.
