Breaking News : કોણ છે સોફ્ટ ટેનિસમાં ભારત માટે બ્રોન્ઝ મેડલ જીતનાર જય મીણા, જાણો

Asian Games 2026 : જય મીણા સેમિફાઈનલમાં 2-4થી હાર્યો છે. તેમણે ઐતિહાસિક બ્રોન્ઝ મેડલ જીત્યો છે. આ એશિયન ગેમ્સમાં સોફ્ટ ટેનિસમાં ભારતનો પહેલો મેડલ છે.

Nirupa Duva | Updated on: Sep 23, 2026 | 11:12 AM

Asian Games 2026 : ભારતે સોફ્ટ ટેનિસમાં ઈતિહાસ રચ્યો છે. ભારત માટે આ ઈતિહાસ રચનાર જય મીણા છે. જેમણે દેશને પહેલો મેડલ જીતાડ્યો છે. તેમણે ભારત માટે સોફ્ટ ટેનિસમાં બ્રોન્ઝ મેડલ જીત્યો છે. જય મીણાને સેમિફાઈનલમાં હાર બાદ બ્રોન્ઝ મેડલથી સંતોષ કરવો પડ્યો હતો.જય મીણા સેમિફાઇનલમાં 2-4 થી હાર્યો અને ઐતિહાસિક બ્રોન્ઝ મેડલ જીત્યો. એશિયન ગેમ્સમાં સોફ્ટ ટેનિસમાં આ ભારતનો પહેલો મેડલ છે. ભારતનો જય સેમિફાઇનલમાં જાપાનના ત્સુયોયા કુરોસાકા સામે હારી ગયો હતો.

એશિયન ગેમ્સ 2026માં જય મીણાએ બ્રોન્ઝ મેડલ જીતતા ભારતનો આ 9મો મેડલ છે. ભારતના ખાતામાં આ ચોથો બ્રોન્ઝ મેડલ છે. ત્રીજો એવો મેડલ છે. જે શૂટિંગથી કોઈ અલગ રમતમાં આવ્યો છે.

જાણો ભારતે અત્યારસુધી કેટલા મેડલ જીત્યા

ઇલાવેનિલ વાલારિવન, સોનમ મસ્કર અને વિદર્શા વિનોદ – મહિલા 10 મીટર એર રાઇફલ ટીમ ઇવેન્ટ (શૂટિંગ): સિલ્વર
ઇલાવેનિલ વાલારિવન – મહિલા 10 મીટર એર રાઇફલ (શૂટિંગ): સિલ્વર
રુદ્રાક્ષ પાટિલ, હિમાંશુ ધિલ્લોન અને પાર્થ રાકેશ માને – પુરુષોની 10 મીટર એર રાઇફલ ટીમ ઇવેન્ટ (શૂટિંગ): સિલ્વર
સુચિકા તરિયાલ – મહિલા પરંપરાગત 60 કિગ્રા (એમએમએ) – બ્રોન્ઝ
રુદ્રાક્ષ પાટિલ – પુરુષોની 10 મીટર એર રાઇફલ (શૂટિંગ): બ્રોન્ઝ
હિમાંશુ ધિલ્લોન – પુરુષોની 10 મીટર એર રાઇફલ (શૂટિંગ): સિલ્વર
મહિલા ક્રિકેટ ટીમ: ગોલ્ડ મેડલ
રાયઝા ધિલ્લોન, મહેશ્વરી ચૌહાણ અને પરિનાઝ ધાલીવાલ (શૂટિંગ, સ્કીટ મહિલા ટીમ ઇવેન્ટ): બ્રોન્ઝ
અનંતજીત સિંહ નારુકા, મૈરાજ અહેમદ ખાન અને ભવતેજ સિંહ ગિલ (શૂટિંગ, સ્કીટ મેન્સ ટીમ ઇવેન્ટ): બ્રોન્ઝ
જય મીના (સોફ્ટ ટેનિસ): બ્રોન્ઝ

કોણ છે જય મીણા ?

જય મીણા મધ્યપ્રદેશના દેવાસ જિલ્લાનો રહેવાસી છે. જય મીણા બાળપણથી બાળકોની જેમ ક્રિકેટ જ પસંદ હતી પરંતુ શાળામાં તેની નજર ટેનિસ તરફ ગઈ હતી. અહી તેમણે સોફ્ટ ટેનિસમાં પોતાનું કરિયર બનાવવાનું નક્કી કર્યું હતુ. જય મીણા સોફ્ટ ટેનિસમાં ભારતનું નામ રોશન કરી રહ્યો છે. જય મીણા પહેલી વખત ચર્ચામાં ગત્ત વર્ષે આવ્યો હતો. જ્યારે તેમણે એશિયન સોફ્ટ ટેનિસ ચેમ્પિયનશીપમાં બ્રોન્ઝ મેડલ જીત્યો હતો. અહી સુધી પહોંચનાર પહેલો ભારતીય બન્યો હતો. હવે તેમણે એશિયન ગેમ્સ 2026માં પણ ભારતનું નામ રોશન કર્યું છે.