ભાઈ-બહેન વચ્ચે કાંટાની ટક્કર… બોક્સ ઓફિસ પર ‘સની દેઓલ’ સામે ટકરાશે ‘ઈશા દેઓલ’

બોલિવૂડમાં વિતેલા અઠવાડિયે બોક્સ ઓફિસ પર જોરદાર ટક્કર જોવા મળી હતી. સિનેમાઘરોમાં એકસાથે ત્રણ ફિલ્મો રિલીઝ થઈ હતી અને હવે આગામી સમયમાં વધુ બે ફિલ્મો આમને-સામને જોવા મળશે.

ખાસ વાત એ છે કે, સામાન્ય રીતે મોટા સ્ટાર્સ બોક્સ ઓફિસ પર આમને-સામને હોય છે પરંતુ આ વખતે બે ભાઈ-બહેન વચ્ચે ટક્કર જોવા મળશે. નવેમ્બરમાં સિનેમાઘરોમાં એવો સંજોગ બની રહ્યો છે, જ્યાં એક જ પરિવારના બે સભ્યો આમને-સામને હશે.

સની દેઓલની સામે ‘ઇશા દેઓલ’

એક તરફ સની દેઓલ અભિનીત ફિલ્મ ‘સૂર્યા: અંત સે આરંભ તક’ સિનેમાઘરોમાં રિલીઝ થઈ રહી છે. બીજી તરફ તેમની બહેન ઇશા દેઓલ, જે લાંબા સમય પછી મોટા પડદા પર પુનરાગમન કરી રહી છે, તેની ફિલ્મ ‘પ્રતાપ’ પણ બિલકુલ તે જ દિવસે રિલીઝ થવાની છે. ટૂંકમાં કહીએ તો, બંને ફિલ્મો નવેમ્બરમાં સિનેમાઘરોમાં ધમાકેદાર દસ્તક દઈ રહી છે.

સૂર્યા Vs પ્રતાપ

12 ઓક્ટોબરે સની દેઓલની ફિલ્મ ‘સૂર્યા: અંત સે આરંભ તક’ના નિર્માતાઓએ એક મોશન પૉસ્ટર રિલીઝ કરીને ફિલ્મની રિલીઝ ડેટ જાહેર કરી હતી, જે મુજબ આ ફિલ્મ 20 નવેમ્બરે સિનેમાઘરોમાં રિલીઝ થવાની છે. આ એક ક્રાઇમ થ્રિલર છે, જેના દ્વારા સની દેઓલ દર્શકો સમક્ષ આવશે.

‘પ્રતાપ’ની વાત કરીએ તો, આ ફિલ્મમાં અમિત સાધ મુખ્ય ભૂમિકામાં જોવા મળશે અને એક એન્કાઉન્ટર સ્પેશિયાલિસ્ટનું પાત્ર ભજવશે. આ ફિલ્મમાં અમિત સાધની સાથે ઇશા દેઓલ મહત્ત્વની ભૂમિકામાં છે અને થોડા કલાક પહેલા જ નિર્માતાઓએ આ ફિલ્મની રિલીઝ ડેટ જાહેર કરી છે.

A Deol family box-office clash is on the cards! #SunnyDeol’s #Suryaa and #EshaDeol’s #Pratap are set to release on November 20.

Two films, one release date, and a fascinating face-off!

Which film has caught your attention, and do you think the clash will affect their box-office prospects? https://t.co/kTdvDVXKNQ

— BollyHungama (@Bollyhungama) October 18, 2026

મળતી માહિતી અનુસાર, ‘પ્રતાપ’ પણ 20 નવેમ્બરે જ સિનેમાઘરોમાં રિલીઝ થવા જઈ રહી છે. બોક્સ ઓફિસ પર ભાઈ અને બહેનની આ ટક્કર હવે ચર્ચાનો વિષય બની ગઈ છે.

એન્કાઉન્ટર સ્પેશિયાલિસ્ટના રોલમાં નજરે પડશે ‘અમિત સાધ’

સચિન સરાફના દિગ્દર્શનમાં બનેલી ‘પ્રતાપ’ એક ક્રાઇમ ડ્રામા છે, જેમાં અમિત સાધ મુંબઈના એક પ્રતિષ્ઠિત એન્કાઉન્ટર સ્પેશિયાલિસ્ટની ભૂમિકા ભજવતા નજરે પડશે. તાજેતરમાં જ નિર્માતાઓએ ફિલ્મની પહેલી ઝલક શેર કરી છે, જે તેની ગંભીર અને તણાવપૂર્ણ વાર્તા તરફ ઈશારો કરે છે.

ફિલ્મમાં અમિત સાધ ઉપરાંત ઇશા દેઓલ પણ મહત્ત્વની ભૂમિકામાં હશે અને તેમની સાથે સીમા બિશ્વાસ, તિગ્માંશુ ધુલિયા તથા મિલિન્દ ગુણાજી જેવા કલાકારો પણ આ ફિલ્મનો હિસ્સો છે. ઇશા દેઓલ માટે પણ આ ફિલ્મ અત્યંત ખાસ છે, કારણ કે તે લાંબા સમય પછી મોટા પડદા પર પાછી ફરી રહી છે.

સની દેઓલ ફરીથી દેખાડશે પોતાનો ‘ઇન્ટેન્સ અંદાજ’

બીજીબાજુ, સની દેઓલ અભિનીત ફિલ્મ ‘સૂર્યા: અંત સે આરંભ તક’ની વાત કરીએ તો, આ ફિલ્મમાં સની દેઓલ એકદમ અલગ અને ગંભીર અવતારમાં નજરે પડવાના છે.

તાજેતરમાં જ નિર્માતાઓએ ફિલ્મનું ટીઝર રિલીઝ કર્યું હતું, જેમાં તબીબી પ્રણાલી (મેડિકલ સિસ્ટમ)ના એક મોટા ષડયંત્ર સામે મોરચો માંડવાની વાર્તા જોવા મળે છે. ટીઝરમાં સની દેઓલનું પાત્ર વ્યક્તિગત નુકસાન (પર્સનલ લોસ) વેઠ્યા બાદ ભ્રષ્ટાચારનો પર્દાફાશ કરવા માટે મેદાને પડે છે.

ટીઝરમાં દર્શાવવામાં આવ્યું છે કે, કેવી રીતે ધરતીના ભગવાન કહેવાતા ડૉક્ટરો દર્દીઓને લૂંટે છે અને માત્ર પૈસા ખાતર પોતાના દર્દીઓના જીવની પણ પરવા કરતા નથી. ‘એમ. પદ્મકુમાર’ના દિગ્દર્શનમાં બનેલી આ ‘ક્રાઇમ થ્રિલર’ રહસ્યો, સવાલો અને ન્યાયની શોધની આસપાસ ફરે છે.

15 કરોડના 4 BHK ઘરમાં એકલી રહે છે 53 વર્ષીય અભિનેત્રી, જુઓ ફોટો