Delhi Capitals vs Punjab Kingsની મેચનું સ્થળ બદલાયું, કોરોનાને કારણે BCCIએ લીધો મોટો નિર્ણય

દિલ્હી કેપિટલ્સના પાંચ સભ્યોને કોરોના થયા બાદ BCCIએ પંજાબ અને દિલ્હી મેચનું સ્થળ બદલ્યું (Delhi Capitals vs Punjab Kings) આ મેચ પૂણેના બદલે મુંબઈના બ્રેબોર્ન સ્ટેડિયમમાં રમાશે.

Delhi Capitals vs Punjab Kingsના મેચનું સ્થળ બદલાયુંImage Credit source: IPL

TV9 Gujarati | Edited By: Nirupa Duva | Updated on: Apr 19, 2022 | 4:08 PM

IPL (IPL 2022)ની 32મી મેચનું સ્થળ બદલાઈ ગયું છે. BCCIએ દિલ્હી કેપિટલ્સ અને પંજાબ કિંગ્સ વચ્ચેની મેચ જે પૂણેમાં યોજાવા જઈ રહી હતી, તેને મુંબઈમાં શિફ્ટ કરી દીધી છે. બીસીસીઆઈના સચિવ જય શાહે એક પ્રેસ રિલીઝમાં માહિતી આપી હતી કે એમસીએ સ્ટેડિયમમાં દિલ્હી-પંજાબ (Delhi Capitals vs Punjab Kings) મેચ મુંબઈના બ્રેબોર્ન સ્ટેડિયમમાં રમાશે. આ મેચ નિર્ધારિત તારીખ 20 એપ્રિલે જ યોજાશે. BCCIએ એક નિવેદન જાહેર કરીને કહ્યું કે ‘દિલ્હી કેપિટલ્સ અને પંજાબ કિંગ્સની મેચ પૂણેથી મુંબઈના બ્રેબોર્ન સ્ટેડિયમમાં શિફ્ટ કરવામાં આવી છે.

BCCIએ તેની પ્રેસ રિલીઝમાં જણાવ્યું કે દિલ્હી કેપિટલ્સના કયા 5 સભ્યોને કોરોના થયો છે. સૌથી પહેલા દિલ્હી કેપિટલ્સના ફિઝિયો પેટ્રિક ફરહાર્ટ કોરોનાની ઝપેટમાં આવ્યા હતા. 15 એપ્રિલે તે પોઝિટિવ મળી આવ્યો હતો. આ પછી દિલ્હીના સ્પોર્ટ્સ મસાજ નિષ્ણાત ચેતન કુમાર 16 એપ્રિલે કોરોના પોઝિટિવ હોવાનું જાણવા મળ્યું હતું. 18 એપ્રિલના રોજ દિલ્હીના ઓલરાઉન્ડર મિશેલ માર્શ કોરોના પોઝિટિવ હોવાનું જાણવા મળ્યું હતું. ટીમના ડૉક્ટર અભિજીત સાલ્વીને તે જ દિવસે કોરોના થયો હતો. 18 એપ્રિલે દિલ્હીની સોશિયલ મીડિયા કન્ટેન્ટ ટીમના સભ્ય આકાશ માને પણ કોવિડ પોઝિટિવ હોવાનું જાણવા મળ્યું હતું.

NEWS 🚨: CCI – Brabourne to host Delhi Capitals vs. Punjab Kings on April 20th.

Details – https://t.co/8zPLVsS7qJ #TATAIPL pic.twitter.com/yGqEaHfycT

— IndianPremierLeague (@IPL) April 19, 2022

IPL 2022 મોટી મુશ્કેલીમાં

તમને જણાવી દઈએ કે IPL 2022 હવે મોટી મુશ્કેલીમાં છે, કારણ કે દિલ્હી કેપિટલ્સના જે સભ્યો દરેક ખેલાડીના સંપર્કમાં છે, તેઓને કોરોના થઈ ગયો છે. ટીમ ફિઝિયો, મસાજ નિષ્ણાત અને ટીમ ડૉક્ટર કોરોનાના સંપર્કમાં આવ્યા છે.

મેચ બાદ ખેલાડીઓ તેમની સાથે રહે છે. મિશેલ માર્શે પણ ફિઝિયો પેટ્રિક ફરહાર્ટ સાથે ઘણો સમય વિતાવ્યો હતો. માર્શની જેમ, કેટલાક અન્ય ખેલાડીઓ પણ હશે જેઓ ફિઝિયો અથવા ટીમ ડૉક્ટર, મસાજ નિષ્ણાત સાથે હોવા જોઈએ. આવી સ્થિતિમાં ટીમના અન્ય સભ્યો પર પણ કોરોનાની તલવાર લટકી રહી છે.

વધુ સમાચાર વાંચવા માટે અમારી ટ્વીટર કોમ્યુનિટીમાં જોડાવા અહીં ક્લિક કરો-