Australian Open 2022: નોવાક જોકોવિચ અંગેની અનિશ્ચિતતા વચ્ચે ઓસ્ટ્રેલિયન ઓપનનો ડ્રો સ્થગિત કરાયો
ઓસ્ટ્રેલિયન ઓપન 2022 (Australian Open 2022)17 જાન્યુઆરીથી શરૂ થઈ રહી છે. નોવાક જોકોવિચ (Novak Djokovic)આ ગ્રાન્ડસ્લેમ નવ વખત જીતી ચૂક્યો છે.
ટોચના ક્રમાંકિત નોવાક જોકોવિચ (Novak Djokovic) માટે ઓસ્ટ્રેલિયન ઓપન(Australian Open 2022)માં રમવાનો રસ્તો સાફ દેખાઈ રહ્યો છે. તેને ગુરુવારે (13 જાન્યુઆરી) ઓસ્ટ્રેલિયન ઓપનના ડ્રોમાં સામેલ કરવામાં આવ્યો હતો. આ મુજબ પ્રથમ રાઉન્ડમાં નોવાક જોકોવિચનો મુકાબલો સર્બિયાના મિઓમિર કેકમાનોવિક(Miomir Kecmanovic) સામે થશે. ઓસ્ટ્રેલિયન ઓપન માટે ડ્રો જાહેર કરવામાં વિલંબ થયો હતો. અગાઉ તે અનિશ્ચિત સમય માટે મુલતવી રાખવામાં આવ્યું હતો પરંતુ પછી લગભગ 75 મિનિટના વિલંબ બાદ ડ્રો બોલાવવામાં આવ્યો હતો. ઓસ્ટ્રેલિયન ઓપન સોમવાર (17 જાન્યુઆરી)થી શરૂ થઈ રહી છે. ડ્રો અનુસાર, રાફેલ નડાલ પ્રથમ રાઉન્ડમાં અમેરિકાના માર્કોસ ગિરોન સામે રમશે.
અગાઉ, જોકોવિચની રમત અંગે અનિશ્ચિતતા વચ્ચે ઓસ્ટ્રેલિયન ઓપનનો ડ્રો મુલતવી રાખવો પડ્યો હતો. વર્ષના પ્રથમ ગ્રાન્ડ સ્લેમ માટે, મહિલા અને પુરૂષોનો ડ્રો ઓસ્ટ્રેલિયાના સમય મુજબ બપોરે 3 વાગ્યે યોજાનાર હતો. પરંતુ ટુર્નામેન્ટ અધિકારીએ કહ્યું કે તેને આગળની સૂચના સુધી સ્થગિત કરવામાં આવી છે. બાદમાં આયોજકો દ્વારા કહેવામાં આવ્યું છે કે ડ્રો ઓસ્ટ્રેલિયન સમય મુજબ સાંજે 4.15 કલાકે યોજાશે. ડ્રોમાં સામેલ થયા બાદ પણ જોકોવિચ ઓસ્ટ્રેલિયન ઓપનમાં રમશે કે કેમ તે હજુ નક્કી નથી.
જોકોવિચે કોરોનાની રસી લગાવી નથી
ઓસ્ટ્રેલિયન ઈમિગ્રેશન અધિકારીઓ હાલમાં જાહેર હિતમાં નવ વખતના ઓસ્ટ્રેલિયન ઓપન ચેમ્પિયન જોકોવિચને હાંકી કાઢવા અંગે વિચારી રહ્યા છે કે જેને કોરોનાની રસી લીધી નથી. જોકોવિચનો વિઝા ગયા અઠવાડિયે મેલબોર્નમાં તેના આગમન પર રદ કરવામાં આવ્યો હતો કારણ કે, તે કોરોના રસીકરણ નિયમોમાં તબીબી મુક્તિ માટે જરૂરી માપદંડોને પૂર્ણ કરતો ન હતો. બાદમાં તેણે કાનૂની લડાઈ જીતી લીધી અને તેના વિઝા પુનઃસ્થાપિત કરવામાં આવ્યા. ઈમિગ્રેશન મિનિસ્ટર એલેક્સ હોક કોર્ટના નિર્ણય સામે પોતાની અંગત સત્તાનો ઉપયોગ કરીને વિઝા રદ કરવાનું વિચારી રહ્યા છે.
જોકોવિચ રેકોર્ડ બનાવવાની નજીક
નોવાક જોકોવિચ 20 વખત ગ્રાન્ડ સ્લેમ ટાઈટલ જીતી ચૂક્યો છે. સૌથી વધુ ગ્રાન્ડ સ્લેમ જીતનાર પુરૂષ ટેનિસ ખેલાડીઓમાં તે રોજર ફેડરર અને રાફેલ નડાલની બરાબરી પર છે. જો જોકોવિચ અહીં જીતશે તો તે આગળ વધશે. ફેડરર ઈજાના કારણે ઓસ્ટ્રેલિયન ઓપનમાંથી ગાયબ છે. ત્યાં જ નડાલ તેનો ભાગ છે.
