PFC Q1 Results: આ સરકારી કંપનીએ પહેલા ત્રિમાસિક પરિણામોમાં 28 ટકા નફો દર્જ કર્યો, જાણો કેટલું મળશે ડિવિડન્ડ

PFC એ શેરબજારને આપેલી માહિતીમાં જણાવ્યું હતું કે અગાઉ તેને નાણાકીય વર્ષ 2020-21ના એપ્રિલ-જૂન ક્વાર્ટરમાં રૂ 3,557.23 કરોડનો એકત્રિત ચોખ્ખો નફો થયો હતો. જૂન 2021 માં પૂરા થયેલા ત્રિમાસિક ગાળામાં PFC ની આવક વધીને રૂ 18,973.93 કરોડ થઈ છે જે એક વર્ષ અગાઉના સમાન ત્રિમાસિક ગાળામાં રૂ 16,932.24 કરોડ હતી.

સમાચાર સાંભળો
PFC Q1 Results: આ સરકારી કંપનીએ પહેલા ત્રિમાસિક પરિણામોમાં 28 ટકા નફો દર્જ કર્યો, જાણો કેટલું મળશે ડિવિડન્ડ
Power Finance Corporation - PFC

જાહેર ક્ષેત્રની પાવર ફાઇનાન્સ કોર્પોરેશન (Power Finance Corporation – PFC ) એ ચાલુ નાણાકીય વર્ષના પ્રથમ ત્રિમાસિક ગાળાના પરિણામો જાહેર કર્યા છે. વર્તમાન નાણાકીય વર્ષ 2021-22ના એપ્રિલ-જૂન ક્વાર્ટરમાં કંપનીનો એકત્રિત ચોખ્ખો નફો રૂ 4,554.98 કરોડ હતો જે 28 ટકા વધ્યો છે. કંપનીની આવકમાં વધારામાં વધારાથી તેનો નફો વધ્યો છે.

કંપનીએ શેરબજાર(Share Market)ને આપેલી માહિતીમાં જણાવ્યું હતું કે અગાઉ તેને નાણાકીય વર્ષ 2020-21ના એપ્રિલ-જૂન ક્વાર્ટરમાં રૂ 3,557.23 કરોડનો એકત્રિત ચોખ્ખો નફો થયો હતો. જૂન 2021 માં પૂરા થયેલા ત્રિમાસિક ગાળામાં PFC ની આવક વધીને રૂ 18,973.93 કરોડ થઈ છે જે એક વર્ષ અગાઉના સમાન ત્રિમાસિક ગાળામાં રૂ 16,932.24 કરોડ હતી.

ઇક્વિટી શેર દીઠ રૂ 2.25 ના વચગાળાના ડિવિડન્ડની ભલામણ
કંપનીના બોર્ડ ઓફ ડિરેક્ટર્સે ગુરુવારે મળેલી બેઠકમાં 2021-22 માટે 10 રૂપિયા ફેસ વેલ્યુના પેઇડ અપ શેર પર 2.25 રૂપિયા પ્રતિ ઇક્વિટી શેરના વચગાળાના ડિવિડન્ડની ભલામણ કરી હતી. તે સ્રોત પર કર કપાત (TDS) ને આધીન છે. કંપનીના જણાવ્યા અનુસાર 2021-22 માટે વચગાળાના ડિવિડન્ડની ચુકવણી માટે શેરધારકોની પાત્રતા નક્કી કરવાના હેતુ 1 સપ્ટેમ્બર, 2021 રેકોર્ડ તારીખ તરીકે ગણવામાં આવશે.

 

કોન્સોલિડેટેડ નેટ NPA રેશિયો ઘટ્યો
વર્ષ 2021-22ના પ્રથમ ક્વાર્ટરમાં PFC નો કોન્સોલિડેટેડ નેટ NPA રેશિયો ઘટીને 1.80 ટકા થયો છે. એક વર્ષ પહેલા સમાન ક્વાર્ટરમાં તે 3.15 ટકા હતો. દબાણ હેઠળની સંપત્તિના સમાધાનના કારણે નેટ એનપીએમાં ઘટાડો થયો છે.

પ્રથમ ક્વાર્ટરમાં જ ડિવિડન્ડ ચૂકવવામાં સફળ
PFCના ચેરમેન અને એમડી આર.એસ. ઢિલ્લોને જણાવ્યું હતું કે “અમે અમારા નફામાં 34 ટકા વૃદ્ધિ નોંધાવી છે અને આ ત્રિમાસિક ગાળામાં અમારી કામગીરીએ ફરી એક વખત PFCના મજબૂત બિઝનેસની તાકાત દર્શાવી છે. હું એ જણાવવામાં પણ ખુશ છું કે સતત સારી કામગીરીને કારણે અમે પ્રથમ ત્રિમાસિક ગાળામાં જ અમારા શેરધારકોને ડિવિડન્ડ ચૂકવવામાં સફળ રહ્યા છીએ.

 

આ પણ વાંચો :  Gold Price Today : સોનાના ભાવમાં અચાનક આવ્યો ઉછાળો ? જાણો શું છે કારણ?

 

આ પણ વાંચો :  EPFO : 6 કરોડ લોકોના ખાતામાં પૈસા જમા કરવા જઈ રહી છે સરકાર, આ રીતે ચેક કરો PF BALANCE

 

Read Full Article

Click on your DTH Provider to Add TV9 Gujarati