ભારતમાં ભભૂકતા આક્રોશને જોઈ યુદ્ધના ભયથી ગભરાયું પાકિસ્તાન, લાજવાને બદલે ગાજ્યા PM ઇમરાન, ભારતને આપી ખુલ્લી ધમકી : VIDEO

એક તરફ પુલવામા આતંકી હુમલાને લઈને ભારતમાં ભારોભાર રોષ છે, તો બીજી બાજુ પાકિસ્તાને આ બાબતમાં યુદ્ધ પર ખુલ્લી ધમકી આપી છે.

Web Stories View more

iPhone vs Android : ઓનલાઈન ખરીદીમાં અલગ-અલગ કિંમત દેખાવાનું કારણ શું ?

ગુજરાતના આ જિલ્લામાં ભગવાન શ્રી રામે ખાધા હતા શબરીના એઠાં બોર, જુઓ Video

રોહિતે સચિન-ધોનીની કરી બરાબરી, વિરાટ બન્યો સૌથી ખરાબ બેટ્સમેન

કાનનો કચરો કેવી રીતે સાફ કરવો ? જાણી લો 6 ઘરેલુ નુસખા

શું તમે દરરોજ ઘી વાળી રોટલી ખાઓ છો? જાણો શરીર પર શું અસર થાય

યશસ્વી જયસ્વાલની બેટિંગ દરમિયાન મેદાનમાં ફરતી છોકરી કોણ છે?

પાકિસ્તાની વડાપ્રધાન ઇમરાન ખાને 14 ફેબ્રુઆરીએ થયેલા પુલવામા આતંકી હુમલા પર 5 દિવસ મૌન રહ્યા બાદ મંગળવારે આ હુમલામાં પાકિસ્તાનનો હાથ હોવાનો દાવો ફગાવી દીધો. ઇમરાને કહ્યું કે ભારતે કોઈ પણ જાતના પુરાવા વગર ઇસ્લામાબાદ પર આરોપ લગાવ્યો છે. તેમણે કહ્યું કે જો ભારત પાકિસ્તાન પર સૈન્ય કાર્યવાહી કરશે, તો પાકિસ્તાન પણ એવો પલટવાર કરશે કે યુદ્ધ રોકાવું મુશ્કેલ થઈ જશે. ઇમરાને આતંકવાદ પર વિક્ટિમ કાર્ડ રમતા ફરી એક વાર કાશ્મીર રાગ આલાપ્યો. તેમણે કહ્યું કે કાશ્મીરમાં આ પ્રકારની ઘટનાઓ કેમ બની રહી છે, તેના પર વિચારવાની જરૂર છે.

ઇમરાને કહ્યું, ‘અમે આ હુમલો કેમ કરાવીશું ? અમને આનાથી શું ફાયદો થશે ? પાકિસ્તાન આતંકવાદનો સૌથી મોટો ભોગ બનેલો દેશ છે. આ નવું પાકિસ્તાન, નવી માઇંડસેટ અને નવી વિચાસરણી છે. અમે પણ આતંકનો ખાત્મો ઇચ્છીએ છીએ.’

ઇમરાને ભારતને ખુલ્લી ધમકી આપતા આરોપ લગાવ્યો કે ભારતમાં ચૂંટણી વર્ષનું વર્ષ છે અને ત્યાંના નેતાઓ પાકિસ્તાનને બોધપાઠ ભણાવવાની વાત કરી રહ્યા છે. ઇમરાન ખાને કહ્યું, ‘દુનિયાનો કયો એવો કાયદો છે કે જે કોઈ પણ એક શખ્સ કે દેશને જજ, જ્યૂરી અને સજાની શક્તિ આપે છે. જો આપ એમ વિચારો છો કે આપ પાકિસ્તાન પર હુમલો કરશે, તો અમે પણ પલટવાર કરીશું. ત્યાર બાદ વાત ક્યાં જશે, કોઈ નથી જાણતું.’

જુઓ VIDEO :

[yop_poll id=1595]

Watch more interesting videos on TV9 Gujarati YouTube channel