ગુજરાતી ફિલ્મના સુપરસ્ટાર અને પૂર્વ ધારાસભ્ય નરેશ કનોડીયાનું કોરોનાને કારણે નિધન

ગુજરાતી ફિલ્મના સુપરસ્ટાર અને કરજણના પૂર્વ ધારાસભ્ય નરેશ કનોડીયાનુ કોરોનાની સારવાર દરમિયાન યુ એન મહેતા હોસ્પિટલમાં નિધન થયું છે. બે દિવસ પૂર્વે જ નરેશ કનોડીયાના મોટાભાઈ મહેશ કનોડીયાનું પણ લાંબી બિમારીને કારણે નિધન થયુ હતું.

નરેશ કનોડીયા ગત સપ્તાહે કોરોનાને કારણે શ્વાસ લેવામાં તકલીફ થતા, અમદાવાદ સ્થિત યુ એન મહેતા હોસ્પિટલમાં સારવારઅર્થે દાખલ થયા હતા. તબીબોએ તેમને વેન્ટીલેટરની સુવિધા આપી હતી પરંતુ તે કારગત નિવડી નહોતી.

નરેશ કનોડીયાએ અનેક ગુજરાતી ફિલ્મમાં કામ કર્યું હતું. છેલ્લા 40 કરતા પણ વધુ વર્ષ તેઓ ફિલ્મક્ષેત્રે સંકળાયેલા રહ્યાં હતા. નરેશ કનોડીયા 77 વર્ષે નિધન થયુ છે. તેઓ વિધાનસભાની કરજણ બેઠક પરથી બે વાર ધારાસભ્યપદે ચૂંટાયા હતા. તેમના મોટાભાઈ મહેશ કનોડીયા કે જેઓનું બે દિવસ પૂર્વે જ અવસાન થયુ હતું. નરેશ કનોડીયાના નિધન અંગે રાજકીય ક્ષેત્ર, ફિલ્મ ક્ષેત્ર અને સામાજીક ક્ષેત્રના અનેક અગ્રણીઓએ સોશ્યલ મિડીયાના માધ્યમ દ્વારા દુઃખ વ્યક્ત કર્યુ છે.

આ પણ વાંચોઃ ભારતમાં રહેવા છતા ભારતના કાયદાઓ મંજૂર ના હોય તો, મહેબુબા મુફ્તી પોતાના પરિવાર સાથે પાકિસ્તાન જતા રહેઃ નિતીન પટેલ

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો