10 ભાગમાં વિભાજિત થશે આ શેર, રોકાણકારોને 1 પર 1 ફ્રી મળશે શેર, જાહેર થઈ રેકોર્ડ ડેટ
Bonus Share: BN Rathi Securities Ltd એ સ્ટોક સ્પ્લિટ અને બોનસ શેર માટે રેકોર્ડ તારીખ જાહેર કરી છે. કંપની તેના શેરને 10 ભાગોમાં વહેંચી રહી છે. ઉપરાંત, રોકાણકારોને 1 શેર પર 1 શેર ફ્રિ પણ મળશે.
Stock Split:BN Rathi Securities Ltd એ શેર વિભાજિત કરવાનો અને બોનસ શેર આપવાનો નિર્ણય લીધો છે. કંપનીએ સ્ટોક સ્પ્લિટ અને બોનસ શેર માટે રેકોર્ડ ડેટ જાહેર કરી છે. જે આ મહિને છે. તમને જણાવી દઈએ કે, શુક્રવારે બજાર બંધ થવાના સમયે બીએન રાઠી સિક્યોરિટીઝના શેરની કિંમત 2.45 ટકાના ઘટાડા બાદ 266.95 રૂપિયા હતી.
આ અઠવાડિયે શેરબજારોને આપવામાં આવેલી માહિતીમાં કંપનીએ કહ્યું છે કે 24 જાન્યુઆરી, 2025ને બોનસ શેર અને સ્ટોક સ્પ્લિટ માટે રેકોર્ડ ડેટ તરીકે જાહેર કરવામાં આવી છે. બીએન રાઠી સિક્યોરિટીઝ લિમિટેડે અગાઉ કહ્યું હતું કે રૂ. 10ની ફેસ વેલ્યુ ધરાવતા એક શેરને 10 ભાગોમાં વહેંચવામાં આવશે.
સ્ટોક સ્પ્લિટ પછી, કંપનીના શેરની ફેસ વેલ્યુ ઘટીને રૂ. 1 થઈ જશે. કંપનીએ કહ્યું છે કે તે પાત્ર રોકાણકારોને બોનસ તરીકે એક શેર પણ આપશે. આ માટેની રેકોર્ડ ડેટ પણ 24 જાન્યુઆરી 2025 છે.
છેલ્લા કેટલાક વર્ષોમાં બીએન રાઠી સિક્યોરિટીઝના શેરનું પ્રદર્શન શાનદાર રહ્યું છે. છેલ્લા 6 મહિનામાં કંપનીના શેરના ભાવમાં 80 ટકાથી વધુનો વધારો જોવા મળ્યો છે. તે જ સમયે, જે રોકાણકારો એક વર્ષથી આ સ્ટોક ધરાવે છે, તેમને અત્યાર સુધીમાં 176 ટકા નફો થયો છે. તમને જણાવી દઈએ કે, કંપનીનું 52 વીક હાઈ સ્તર 291 રૂપિયા છે. કંપનીનું 52 વીક લો સ્તર રૂ. 86.65 છે.
છેલ્લા 3 વર્ષમાં બીએન રાઠી સિક્યોરિટીઝના શેરના ભાવમાં 600 ટકાથી વધુનો વધારો જોવા મળ્યો છે. આ સ્ટોકની કિંમત 5 વર્ષમાં 1800 ટકાથી વધુ વધી છે. તમને જણાવી દઈએ કે, કંપનીનું માર્કેટ કેપ 276 કરોડ રૂપિયા છે.
Published On - 11:56 am, Sat, 4 January 25