RBI MPC Meeting : RBI એ લોકોને કર્યા નિરાશ ! રેપો રેટમાં ન કર્યો ઘટાડો, નહીં ઓછી થાય તમારી લોનની EMI
હાલમાં RBIનો રેપો રેટ 6.5 ટકા છે. મે 2022 થી ફેબ્રુઆરી 2023 સુધી, રિઝર્વ બેંકના MPCએ ફુગાવાને કાબૂમાં રાખવા માટે રેપો રેટમાં કુલ 2.50 ટકાનો વધારો કર્યો હતો.
ઓક્ટોબર મહિનામાં દેશનો મોંઘવારી દર 6 ટકાથી વધુ હતો. જ્યારે RBIએ ઓક્ટોબરના MPCમાં ત્રીજા ક્વાર્ટરમાં ફુગાવાનો દર 4.8 ટકા રહેવાનો અંદાજ મૂક્યો હતો. જે તેના કરતા 4.7 ટકા વધુ હતું. ચોથા ક્વાર્ટરમાં, ફુગાવાના દરના અંદાજમાં 1 બેસિસ પોઈન્ટનો ઘટાડો કરવામાં આવ્યો હતો અને તે ઘટાડીને 4.2 ટકા કરવામાં આવ્યો હતો. આગામી નાણાકીય વર્ષના પ્રથમ ત્રિમાસિક ગાળામાં ફુગાવાના દરનો અંદાજ એક બેસિસ પોઈન્ટ ઘટીને 4.3 ટકા થયો હતો. જ્યારે ચાલુ નાણાકીય વર્ષમાં 4.5 ટકાના ફુગાવાના દરના અંદાજમાં કોઈ ફેરફાર થયો નથી.
આરબીઆઈની મોનેટરી પોલિસી કમિટીની ત્રણ દિવસીય બેઠક 4 ડિસેમ્બરે શરૂ થઈ હતી અને આ બેઠકમાં લેવાયેલા નિર્ણયોની આજે જાહેરાત કરવામાં આવી છે. આરબીઆઈ ગવર્નરે કહ્યું કે અમારો ઉદ્દેશ્ય ફુગાવાને અંકુશમાં રાખવાનો અને વૃદ્ધિ જાળવી રાખીને ભાવ સ્થિર રાખવાનો છે. આરબીઆઈ ગવર્નરે કહ્યું કે કિંમતોને સ્થિર રાખવી સૌથી મહત્વપૂર્ણ છે પરંતુ તેની સાથે જ વૃદ્ધિ જાળવી રાખવી પણ મહત્વપૂર્ણ છે અને આ RBI એક્ટમાં પણ કહેવામાં આવ્યું છે.
Published On - 10:21 am, Fri, 6 December 24
