EPFO: 15 દિવસ ભૂલી જાઓ, બસ ગણતરીના દિવસોમાં PFના પૈસા ખાતામાં થશે જમા, ઉપાડવાની મર્યાદામાં પણ થયો ફેરફાર
નવી સુવિધા હેઠળ, ક્લેમ સેટલમેન્ટનો સમયગાળો 10 દિવસથી ઘટાડવામાં આવ્યો છે, સભ્યો ઓટો-મોડ સેટલમેન્ટ દ્વારા 1 લાખ રૂપિયા સુધી ઉપાડી શકશે. પહેલા આ મર્યાદા 50,000 રૂપિયા હતી. EPFO સામાન્ય રીતે એડવાન્સ ક્લેમ સેટલ કરવામાં થોડો સમય લે છે કારણ કે EPF સભ્યની પાત્રતા, દાવા માટે સબમિટ કરાયેલા દસ્તાવેજો, KYC સ્ટેટસ, માન્ય બેંક એકાઉન્ટ વગેરેની ચકાસણી કરવામાં આવે છે.
ઓટો મોડ હેઠળ પીએફ ખાતામાંથી એડવાન્સ રકમ ઉપાડવા માટે, EPFOના ઈ-સેવા પોર્ટલ દ્વારા અરજી કરવાની રહેશે. આ માટે સભ્યએ ફોર્મ-31 ઓનલાઈન ભરીને સબમિટ કરવાનું ફરજિયાત છે.
જો તમે 10 હજાર રૂપિયા ઉપાડો છો, તો 20 વર્ષ પછી 50 હજાર રૂપિયા અને 30 વર્ષ પછી 1 લાખ 14 હજાર રૂપિયાનું નુકસાન થશે. જો તમે અત્યારે 20 હજાર રૂપિયા ઉપાડો છો, તો 20 વર્ષ પછી 1 લાખ 01 હજાર રૂપિયા અને 30 વર્ષ પછી 2 લાખ 28 હજાર રૂપિયાનું નુકસાન થશે. જો તમે 50 હજાર રૂપિયા ઉપાડો છો તો 20 વર્ષ પછી 2 લાખ 53 હજાર રૂપિયા અને 30 વર્ષ પછી 5 લાખ 71 હજાર રૂપિયાનું નુકસાન થશે.
જો તમે આજે 1 લાખ રૂપિયા ઉપાડો છો, તો 20 વર્ષ પછી નુકસાન વધીને 5 લાખ 7 હજાર રૂપિયા અને 30 વર્ષમાં 11 લાખ 43 હજાર રૂપિયા થઈ જશે. જો અત્યારે 2 લાખ રૂપિયા ઉપાડી લઈએ તો 20 વર્ષમાં 10 લાખ 15 હજાર રૂપિયા અને 22 લાખ 87 હજાર રૂપિયાનું નુકસાન થશે.
