Enviro Infraના IPOનું ધમાકેદાર લિસ્ટિંગ, 48.65 % ટકાના વધારા સાથે થયો લિસ્ટ, જાણો અહીં હાલની કિંમત
કંપનીના કર્મચારીઓને IPOમાં શેર દીઠ 13 રૂપિયાનું ડિસ્કાઉન્ટ આપવામાં આવ્યું છે. જેમાં ફ્રેશ ઈશ્યુ દ્વારા રૂ. 572.46 કરોડ અને ઓફર ફોર સેલ દ્વારા રૂ. 77.97 કરોડ એકત્ર કરવામાં આવ્યા છે.
Enviro Infra Engineers Limitedના IPOનું સ્ટોક એક્સચેન્જમાં શાનદાર લિસ્ટિંગ થયું છે. રૂ. 148ની ઇશ્યૂ કિંમત ધરાવતો સ્ટોક NSE પર રૂ. 220 પર 48.65 ટકાના લિસ્ટિંગ ગેઇન સાથે લિસ્ટ થયો છે. જ્યારે એન્વિરો ઇન્ફ્રાના શેર 47.30 ટકાના ઉછાળા સાથે BSE પર રૂ. 218 પર લિસ્ટેડ છે. એટલે કે રોકાણકારોને પ્રતિ શેર 70 થી 72 રૂપિયાનો બમ્પર નફો થયો છે. NSE પર રૂ. 233.70ની ઊંચી સપાટીને સ્પર્શ્યા બાદ શેર હવે રૂ. 218 પર ટ્રેડ કરી રહ્યો છે. કંપનીનું માર્કેટ કેપ 3889 કરોડ રૂપિયા પર પહોંચી ગયું છે.
Enviro Infra Engineers Limited નો IPO 22 નવેમ્બરે ખુલ્યો અને 27 નવેમ્બર 2024 ના રોજ બંધ થયો. કંપનીએ રૂ. 10ની ફેસ વેલ્યુ ધરાવતા શેર માટે રૂ. 140 થી 148 પ્રતિ શેરની પ્રાઇસ બેન્ડ નક્કી કરી છે અને કંપનીએ આઇપીઓ દ્વારા રૂ. 650.43 કરોડ ઊભા કર્યા છે.
કંપનીના કર્મચારીઓને IPOમાં શેર દીઠ 13 રૂપિયાનું ડિસ્કાઉન્ટ આપવામાં આવ્યું છે. જેમાં ફ્રેશ ઈશ્યુ દ્વારા રૂ. 572.46 કરોડ અને ઓફર ફોર સેલ દ્વારા રૂ. 77.97 કરોડ એકત્ર કરવામાં આવ્યા છે.
Enviro Infra Engineers Limited IPOને રોકાણકારો તરફથી જોરદાર પ્રતિસાદ મળ્યો છે. IPO કુલ 89.90 ગણા સબ્સ્ક્રિપ્શન સાથે બંધ થયો છે, જેમાં સંસ્થાકીય રોકાણકારો માટે અનામત ક્વોટા 157.05 વખત સબ્સ્ક્રાઇબ કરવામાં આવ્યો છે, બિન-સંસ્થાકીય રોકાણકારો માટેનો ક્વોટા 153.80 વખત સબ્સ્ક્રાઇબ થયો છે અને રિટેલ રોકાણકારો માટે અનામત ક્વોટા 24.48 ગણો સબસ્ક્રાઇબ થયો છે.
જો આપણે કંપનીના નાણાકીય પ્રદર્શન પર નજર કરીએ તો, નાણાકીય વર્ષ 2023-24માં કંપનીની આવક 738 કરોડ રૂપિયા રહી છે, જે ગયા વર્ષની સરખામણીમાં 116 ટકા વધુ છે. નાણાકીય વર્ષમાં કંપનીનો ચોખ્ખો નફો રૂ. 110.54 કરોડ હતો, જે અગાઉના નાણાકીય વર્ષ કરતાં 110 ટકા વધુ છે.
એન્વિરો ઇન્ફ્રા એન્જિનિયર્સની રચના 2009માં કરવામાં આવી હતી. કંપની ડિઝાઇન, બાંધકામ, વેસ્ટ-વોટર ટ્રીટમેન્ટ પ્લાન્ટના સંચાલન અને સરકારી એજન્સીઓના પાણી પુરવઠાના પ્રોજેક્ટમાં સંકળાયેલી છે.