બિપાશા બાસુ આ અમીર કલાકારોની પત્નીઓ પાસેથી કમાય છે કરોડો રૂપિયા
બંગાળી બ્યુટી તરીકે જાણીતી અને પ્રિય અભિનેત્રી બિપાશા બાસુ હાલમાં બોલિવૂડથી દૂર છે. જો કે અભિનેત્રી હંમેશા કોઈને કોઈ કારણોસર સમાચારમાં રહે છે. 2011માં રિલીઝ થયેલી ફિલ્મ 'અજનબી'થી બોલિવૂડમાં ડેબ્યૂ કર્યા બાદ બિપાશાએ ઘણી ફિલ્મોમાં કામ કર્યું હતું. પરંતુ અભિનેત્રીઓ માત્ર ફિલ્મોથી જ નહીં પરંતુ અન્ય માધ્યમથી પણ કરોડો કમાય છે.
આજે એટલે કે 07 જાન્યુઆરીના રોજ અભિનેત્રી બિપાશી બાસુનો જન્મદિવસ છે. અભિનેત્રી વિશે ઘણી બધી વાતો સામે આવી રહી છે. બિપાશા આજે શાહી જીવન જીવી રહી છે. બિપાશા માત્ર એક ફેમસ એક્ટ્રેસ જ નથી પરંતુ એક બિઝનેસ વુમન પણ છે. બિપાશા બાસુ બોલીવુડના પ્રખ્યાત કલાકારોની પત્નીઓ સાથે કરોડો રૂપિયા ખર્ચે છે.
બિપાશા એક્ટર અરબાઝ ખાનની પહેલી પત્ની મલાઈકા અરોરા અને એક્ટર રિતિક રોશનની પહેલી સુઝાન ખાન સાથે બિઝનેસ કરે છે. ત્રણેય મળીને કપડાંની બ્રાન્ડ ચલાવે છે. તેમની કપડાની બ્રાન્ડનું નામ 'ધ લેબલ લાઈફ' છે.
બિપાશા બાસુની નેટવર્થ વિશે વાત કરીએ તો એવું કહેવાય છે કે, અભિનેત્રી પાસે 124 કરોડ રૂપિયાની સંપત્તિ છે. અભિનેત્રી પાસે મુંબઈના બાંદ્રામાં એક આલીશાન બંગલો પણ છે. અભિનેત્રીના બંગલાની કિંમત લગભગ 16 કરોડ રૂપિયા છે.
બિપાશાના અંગત જીવનની વાત કરીએ તો અભિનેત્રીએ 2016માં અભિનેતા કરણ સિંહ ગ્રોવર સાથે લગ્ન કર્યા હતા. તેમના લગ્નમાં અનેક સેલિબ્રિટીઓએ હાજરી આપી હતી. કરણ અને બિપાશાને એક પુત્રી પણ છે. તેમની પુત્રીનું નામ દેવી છે, તે 1 વર્ષની છે.
જો કે બિપાશા હવે બોલિવૂડમાં એક્ટિવ નથી, પરંતુ તે સોશિયલ મીડિયા પર હંમેશા એક્ટિવ રહે છે. સોશિયલ મીડિયા પર પણ તેની મોટી ફેન ફોલોઈંગ છે. એક્ટ્રેસ પોતાના ફેન્સ સાથે જોડાયેલા રહેવા માટે પોતાની તસવીરો અને વીડિયો પોસ્ટ કરતી રહે છે. અભિનેત્રી પોતાની લાડલી સાથેની તસવીરો અને વીડિયો પણ સોશિયલ મીડિયા પર પોસ્ટ કરે છે.