Aravalli: બાયડ વિસ્તારમાં ભારે વરસાદને લઈ ખેતી પાક નિષ્ફળ, વરસાદી પાણીથી ધોવાણ થતા ખેતરોમાં કોતરો સર્જાઈ ગઈ! જુઓ Photo
અરવલ્લી જિલ્લાના બાયડ વિસ્તારમાં ભારે વરસાદે મોટુ નુક્સાન ખેતીમાં પહોંચાડ્યુ છે. ખેડૂતો એક સપ્તાહ અગાઉ મુરઝાતા પાકને લઈ વરસાદ વિના ચિંતા અનુભવતા હતા એ ખેડૂતો હવે ભારે વરસાદની સ્થિતિએ સર્જેલી સમસ્યાથી ચિંતા અનુભવી રહ્યા છે. જિલ્લામાં ખેતીના પાકોમાં ભારે નુક્સાન વરસાદને લઈ સર્જાયુ છે. ક્યાંક ખેતરોમાં પાણી ભરાઈ રહેવાને લઈ પાક કોહ્વાઈ જવાને લઈ નુક્શાન સર્જાયુ છે, ક્યાં ખેતરના ધોવાણ થઈ જવાને લઈ નુક્સાન સર્જાયુ છે. બાયડના અનેક વિસ્તારમાં ખેતરોમાં થયેલા ધોવાણને લઈ ખેતરોમાં ખાઈ જેવા ખાડા સર્જાયા છે. પાંચ પાંચ ફુટ ઉંડા ખાડા વરસાદી પાણીને લઈ સર્જાયા છે.
ક્યાંક ખેતરોમાં પાણી ભરાઈ રહેવાને લઈ પાક કોહ્વાઈ જવાને લઈ નુક્શાન સર્જાયુ છે, ક્યાં ખેતરના ધોવાણ થઈ જવાને લઈ નુક્સાન સર્જાયુ છે. બાયડના અનેક વિસ્તારમાં ખેતરોમાં થયેલા ધોવાણને લઈ ખેતરોમાં ખાઈ જેવા ખાડા સર્જાયા છે. પાંચ પાંચ ફુટ ઉંડા ખાડા વરસાદી પાણીને લઈ સર્જાયા છે.
તો આસપાસ થી મસ મોટી પાઈપ પણ પાણીમાં તણાઈને ખેતરમાં આવી પહોંચી છે. પાણીનો પ્રવાહ એટલો ધસમસતો ખેતરોમાંથી વહ્યો હતો કે, ખેતરનો પાક તો ધોવાઈ ગયો હતો, પરંતુ ખેતરમાં પણ ભારે સામાન ખેંચાઈ આવ્યો હતો.
બાયડના બોરટીંબા, અરજણવાવ, બોરમઠ, વારેણા, વાસણા મોટા, પેન્ટરપુરા, છભૌ, માધવકંપા, શણગાલ, રેલ અને વાસણી રોલ સહિત બાયડ શહેરના આસપાસના વિસ્તારમાં ખેતર પ્રભાવિત થયા છે.
કપાસ, સોયાબીન, દિવેલા, મગફળી સહિતના પાકમાં મોટુ નુક્સાન છે. તસ્વીરમાં જોઈ શકાય છે કે, જે રીતે પાક પાણીમાં કોહ્વાઈને સુકાઈ ગયો છે એ જોતા ખેડૂતોની મહેનત પાણીમાં ગયાની ચિંતા વર્તાઈ રહી છે.
સ્થાનિક ખેડૂતોએ હવે લાચાર થઈને ધોવાણ થયેલા ખેતરોનુ અને પાક નિષ્ફળ જવા અંગે સર્વે હાથ ધરવામાં આવે અને સરકાર દ્વારા સહાય કરવામાં આવે. એક સપ્તાહનો સમય વીતવા આવવા છતાં કોઈ જ અધિકારીઓ સ્થળ પર ફરક્યા નથી. જ્યારે અધિકારીઓની કચેરીથી થી આ તસ્વીરો માત્ર એક થી ત્રણ કિલોમીટર જ દૂર છે. નજીકમાં જ નાયબ ક્લેકટર, મામલતદાર, તાલુકા વિકાસ અધિકારી સહિતના અધિકારીઓની કચેરીઓ મોજૂદ હોવા છતાં તેમની પાસે ખેડૂતની તકલીફ જોવાનો સમય નથી.
