Wrestlers Protest: બ્રિજભૂષણ શરણસિંહની ધરપકડ માટે કુશ્તીબાજોએ આપી ‘ડેડલાઈન’, કેન્ડલ માર્ચ પણ કાઢી
વિનેશે કહ્યું કે જો 21 મે સુધીમાં બ્રિજ ભૂષણની ધરપકડ કરવામાં નહીં આવે તો વિરોધ કરી રહેલા કુસ્તીબાજો મોટું પગલું ભરશે. કુસ્તીબાજોએ બ્રિજ ભૂષણ પર યૌન શોષણનો આરોપ લગાવ્યો હતો અને તેની ધરપકડની માંગણી સાથે છેલ્લા ઘણા દિવસોથી ધરણા પર બેઠા હતા.
વિનેશ ફોગાટ, સાક્ષી મલિક, બજરંગ પુનિયા સહિત ઘણા સ્ટાર ભારતીય કુસ્તીબાજો જંતર-મંતર ખાતે વિરોધ પ્રદર્શન કરી રહ્યા છે, જેમાં રેસલિંગ ફેડરેશન ઓફ ઈન્ડિયાના પ્રમુખ બ્રિજભૂષણ શરણ સિંહની ધરપકડની માંગ કરવામાં આવી છે. કુસ્તીબાજોએ રવિવારે જંતર-મંતર ખાતે કેન્ડલ માર્ચ પણ કાઢી હતી. આ દરમિયાન કોમનવેલ્થ ગેમ્સ મેડલ વિજેતા વિનેશ ફોગાટે પણ ચેતવણી આપી છે.
VIDEO | Protesting wrestlers hold candle march at Delhi’s Jantar Mantar today. pic.twitter.com/v8Q2Tw3mt0
— Press Trust of India (@PTI_News) May 7, 2023
વિનેશે કહ્યું કે જો 21 મે સુધીમાં બ્રિજ ભૂષણની ધરપકડ કરવામાં નહીં આવે તો વિરોધ કરી રહેલા કુસ્તીબાજો મોટું પગલું ભરશે. કુસ્તીબાજોએ બ્રિજ ભૂષણ પર યૌન શોષણનો આરોપ લગાવ્યો હતો અને તેની ધરપકડની માંગણી સાથે છેલ્લા ઘણા દિવસોથી ધરણા પર બેઠા હતા.
હડતાલ વચ્ચે તાલીમ
વિરોધની વચ્ચે કુશ્તીમાં તેની આગળની તૈયારીઓ પર વિનેશે કહ્યું કે તે રમશે. જો તક મળશે તો તે ચોક્કસ રમશે. તેઓ વિરોધ વચ્ચે પણ વધુમાં વધુ પ્રેક્ટિસ કરવાનો પ્રયત્ન કરી રહ્યા છે. તે સમય કાઢે છે અને શેડ્યૂલ મુજબ તાલીમ લઈ રહ્યા છે. દેશભરમાં કુસ્તીબાજોનો મુદ્દો ગરમાયો છે. જાન્યુઆરીમાં તેઓ પહેલીવાર ધરણા પર બેઠા હતા. આ પછી 23 એપ્રિલે બજરંગ, વિનેશ અને સાક્ષી ફરીથી ધરણા પર બેઠા.
ધરપકડ થાય ત્યાં સુધી ધરણાં
કુસ્તીબાજોનો આરોપ છે કે 7 મહિલા કુસ્તીબાજો બ્રિજ ભૂષણ વિરુદ્ધ કેસ દાખલ કરવા પોલીસ સ્ટેશન ગઈ હતી, પરંતુ દિલ્હી પોલીસે એફઆઈઆર નોંધી ન હતી. આ પછી કુસ્તીબાજોએ સુપ્રીમ કોર્ટનો સંપર્ક કર્યો અને એફઆઈઆર નોંધવા માટે અરજી કરી. કોર્ટની સૂચના બાદ પોલીસે 28 એપ્રિલે FIR નોંધી હતી. કુસ્તીબાજોનું કહેવું છે કે જ્યાં સુધી રેસલિંગ ફેડરેશન ઓફ ઈન્ડિયાના પ્રમુખની ધરપકડ નહીં થાય ત્યાં સુધી તેઓ હડતાળ પરથી ઉઠશે નહીં.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
દેશના તમામ સમાચાર વાંચવા માટે જોડાયેલા રહો…
