UP Assembly Election 2022 Opinion Poll: યુપીમાં ફરી ખીલશે કમળ, સપા બની શકે છે બીજી સૌથી મોટી પાર્ટી

UP Assembly Election 2022 Opinion Poll: ઉત્તર પ્રદેશમાં વિધાનસભાની ચૂંટણી (Uttar Pradesh Assembly Election)આવી રહી છે. સપા, બસપા અને કોંગ્રેસ સતત ભાજપ પર નિશાન સાધી રહી છે. તો ત્યાં જ મુખ્યમંત્રી યોગી આદિત્યનાથ પીએમ મોદીની સાથે તેમના વિકાસના કામો જનતા સમક્ષ ગણાવવામાં વ્યસ્ત છે. જો કે કોની સરકાર બનશે તે તો ચૂંટણી બાદ જ નક્કી થશે. પરંતુ એક્ઝિટ પોલ પરથી કેટલીક બાબતો સ્પષ્ટ જણાય છે. 

મંગળવારે આવેલા ટાઈમ્સ નાઉ-પોલસ્ટ્રેટ ઓપિનિયન પોલમાં ભાજપ ફરી સત્તામાં આવી શકે છે. જો કે સીટોના ​​હિસાબે ભાજપને મોટું નુકસાન થશે. 2017ની વિધાનસભા ચૂંટણીમાં 312 બેઠકો જીતનાર ભાજપને 2022ની વિધાનસભા ચૂંટણીમાં માત્ર 239-245 બેઠકો મળવાની સંભાવના છે. આટલી બધી બેઠકો સાથે ભાજપ પૂર્ણ બહુમતની સરકાર બનાવવામાં સફળ થઈ શકે છે. 403 બેઠકોની વિધાનસભામાં બહુમતી માટે 202 બેઠકો હોવી જરૂરી છે. 

સપા બીજી સૌથી મોટી પાર્ટી બની શકે છે

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

સમાજવાદી પાર્ટી (SP) 119-125 બેઠકો સાથે બીજા સ્થાને રહી શકે છે. 2017ની સરખામણીમાં એસપી માટે આ એક ધાર હશે. 2017માં તેને માત્ર 47 બેઠકો મળી હતી. જ્યારે બસપાને માત્ર 19 બેઠકો મળી હતી. ઓપિનિયન પોલ અનુસાર બહુજન સમાજ પાર્ટી (BSP) 28-32 સીટો વચ્ચે જીત મેળવી શકે છે. પ્રિયંકા ગાંધી વાડ્રાના પ્રયાસો છતાં, કોંગ્રેસ 2022ની ઉત્તર પ્રદેશ વિધાનસભા ચૂંટણીમાં યુપીના મતદારોને પ્રભાવિત કરવામાં સફળ થતી જણાતી નથી.

વિસ્તાર મુજબ બેઠકનો અંદાજ

બુંદેલખંડ પ્રદેશમાં કુલ 19 બેઠકો છે, જેમાંથી ભાજપને 15-17 બેઠકો મળવાની ધારણા છે. સપાને 0-1 સીટથી સંતોષ માનવો પડી શકે છે. બસપાને 2-5 બેઠકો મળી શકે છે, જ્યારે કોંગ્રેસ પાર્ટીને માત્ર 1-2 બેઠકો મળી શકે છે. દોઆબ ક્ષેત્રમાં ભાજપ કુલ 71 બેઠકોમાંથી 37-40 બેઠકો કબજે કરે તેવું અનુમાન છે. સમાજવાદી પાર્ટીને 26-28 બેઠકો મળી શકે છે, ત્યારબાદ BSPને 4-6 બેઠકો મળી શકે છે. બીજી તરફ કોંગ્રેસને માત્ર 0-2 બેઠકોથી સંતોષ માનવો પડી શકે છે. 

પૂર્વાંચલની 92 બેઠકોમાંથી ભાજપને 47-50 બેઠકો મળી શકે છે, જ્યારે પૂર્વાંચલમાં સપાને 31-35 બેઠકો મળી શકે છે. પશ્ચિમ ઉત્તર પ્રદેશમાં ભાજપને 40-42 બેઠકો, SPને 21-24 બેઠકો વચ્ચે, BSPને 2-3 બેઠકો વચ્ચે જીત મળે તેવી શક્યતા છે. અવધમાં 101 સીટો પર સમાજવાદી પાર્ટી (SP) અને BJP વચ્ચે મુકાબલો છે. સર્વેમાં ભાજપને 69-72, સપાને 23-26 અને બસપાને 7-10 બેઠકો મળી છે. ગત વિધાનસભા ચૂંટણીમાં ભાજપને 84 બેઠકો મળી હતી. બીજી તરફ સપાને માત્ર છ બેઠકો મળી છે. 

સીવોટર અને અન્યનાં સર્વેમાં ભાજપ આગળ

તાજેતરમાં ABP-Cvoterનો સર્વે આવ્યો હતો. આ સર્વેના પરિણામોમાં પણ ભાજપ ઉત્તર પ્રદેશમાં ફરી સત્તામાં આવી શકે છે. તે જ સમયે, સપા અને તેના ગઠબંધન ભાગીદારો બીજા સ્થાને આવી શકે છે. આ સર્વેમાં ભાજપને 213-221, સપાને 152-160, બસપાને 16-20, કોંગ્રેસને 6-10 અને અન્યને 2-6 બેઠકો મળી છે.