Tamil Nadu Election 2021: 7મેના રોજ એમ.કે.સ્ટાલિન લેશે સીએમ પદના શપથ
ચાર રાજ્યો અને એક કેન્દ્રશાસિત પ્રદેશમાં વિધાનસભા ચૂંટણીના પરિણામ સામે આવી ચૂક્યા છે. તમિલનાડુમાં છ એપ્રિલે થયેલી ચૂંટણીમાં DMKએ સતારુઢ AIADMKની ખુરશી છીનવી લીધી અને એક દશક સુધી વિપક્ષમાં રહ્યા બાદ DMK સત્તામાં પાછી આવી રહી છે.
![Tamil Nadu Election 2021: 7મેના રોજ એમ.કે.સ્ટાલિન લેશે સીએમ પદના શપથ](https://images.tv9gujarati.com/wp-content/uploads/2021/05/Untitled-design-23.jpg?w=1280)
Tamil Nadu Election 2021: ચાર રાજ્યો અને એક કેન્દ્રશાસિત પ્રદેશમાં વિધાનસભા ચૂંટણીના પરિણામ સામે આવી ચૂક્યા છે. તમિલનાડુમાં છ એપ્રિલે થયેલી ચૂંટણીમાં DMKએ સતારુઢ AIADMKની ખુરશી છીનવી લીધી અને એક દશક સુધી વિપક્ષમાં રહ્યા બાદ DMK સત્તામાં પાછી આવી રહી છે.
એમકે સ્ટાલિનના નેતૃત્વમાં DMK ગઠબંધને 151 બેઠકો પર જીત હાસિલ કરી છે. આ સાથે સ્ટાલિન તમિલનાડુના મુખ્યમંત્રી તરીકે 7 મેના રોજ શપથ લેવા જઈ રહ્યા છે. એમકે સ્ટાલિનને શુક્રવારે સવારે 11 વાગે તમિલનાડુના મુખ્યમંત્રી તરીકે શપથ અપાવવામાં આવશે.
તમિલનાડુમાં 2મેના રોજ 234 બેઠક પર પરિણામ આવી ચૂક્યા છે. DMK ગઠબંધનને 151 બેઠકો પર AIADMK ગઠબંધનને માત્ર 70 બેઠકો પર જીત નોંધાવી છે. આ સાથે રાજ્યમાં 10 વર્ષ બાદ એમકે સ્ટાલિનના નેતૃત્વમાં સરકાર બનાવવા જઈ રહ્યા છે.
2016ની વિધાનસભા ચૂંટણીમાં AIADMKને 136 બેઠકો અને મુખ્ય વિપક્ષી પાર્ટી DMKને 89 બેઠકો મળી હતી. તમિલનાડુની સત્તા પર છેલ્લા 10 વર્ષથી AIADMK હતી. આ વર્ષે DMKએ કોંગ્રેસ સાથે અને AIDMK, ભાજપ સાથે મળીને ચૂંટણી લડ્યા છે.
તમિલનાડુના પૂર્વ મુખ્યમંત્રી રહેલા એમ કરુણાનિધિની પાર્ટી DMK છેલ્લા 10 વર્ષથી પ્રદેશની મુખ્ય વિપક્ષી પાર્ટી રહી છે. ઓગષ્ટ 2018ના રોજ એમ કરુણાનિધિ પોતના મૃત્યુ સુધી આના અધ્યક્ષ રહ્યા હતા.તે બાદ પાર્ટીની કમાન તેમના દિકરા એમકે સ્ટાલિનના હાથમાં આવી ગઈ.
68 વર્ષના એમકે સ્ટાલિન પહેલીવાર 14 વર્ષની ઉંમરમા પાર્ટી માટે મત માગતા નજરે ચડ્યા હતા અને આ વખતે તેમની નજર મુખ્યમંત્રી પદ પર હતી. સ્ટાલિને પોતાની પહેલી ચૂંટણી વર્ષ 1991 લડી હતી અને ત્યારથી લઈ અત્યાર સુધી તેઓ 6 વાર વિધાનસભા માટે ચૂંટાઈ ચૂક્યા છે.
આ પણ વાંચો: અંતરિક્ષમાં ખોરવાયું 21 ટન ભારે ચીની રોકેટનું નિયંત્રણ, ધરતી પર ગમે ત્યાં મચાવી શકે છે તબાહી