BBC ડોક્યુમેન્ટરી પર પ્રતિબંધના મામલમાં સુપ્રીમ કોર્ટે નોટિસ જાહેર કરી, કેન્દ્ર સરકાર પાસેથી 3 અઠવાડિયામાં જવાબ માંગ્યો
સુપ્રીમ કોર્ટે (Supreme Court) કેન્દ્ર સરકારને પ્રતિબંધના આદેશનો અસલ રેકોર્ડ રજૂ કરવાનો પણ નિર્દેશ આપ્યો છે. બેન્ચે કહ્યું, અમે નોટિસ જાહેર કરી રહ્યા છીએ. કાઉન્ટર એફિડેવિટ 3 અઠવાડિયાની અંદર દાખલ કરવી જોઈએ. જવાબ 3 અઠવાડિયા પછી આપવો જોઈએ.
ગુજરાત રમખાણોમાં નરેન્દ્ર મોદીની ભૂમિકા અને દેશમાં મુસ્લિમોની સ્થિતિ પર BBC ડોક્યુમેન્ટરી પર પ્રતિબંધના કેસમાં સુપ્રીમ કોર્ટે નોટિસ જાહેર કરી છે. કોર્ટે કેન્દ્ર પાસેથી 3 સપ્તાહમાં જવાબ માંગ્યો છે. આઈટીના નિયમને કોર્ટમાં પડકારવામાં આવ્યો છે, જે અંતર્ગત ડોક્યુમેન્ટરી પર પ્રતિબંધ મુકવામાં આવ્યો છે. કોર્ટે અરજદારોને પૂછ્યું કે તેઓ પહેલા હાઈકોર્ટમાં કેમ ન ગયા? કેન્દ્ર સરકારે આ ડોક્યુમેન્ટરીને યુટ્યુબ સહિત તમામ પ્લેટફોર્મ પરથી તેના પર પ્રતિબંધ લગાવી દીધો હતો.
આગામી સુનાવણી એપ્રિલ મહિનામાં થશે
અરજદારના વકીલ દ્વારા કોર્ટને કહેવામાં આવ્યું હતું કે ઈમરજન્સી પાવરનો ઉપયોગ કરીને સ્ટે લાદવામાં આવ્યો હતો અને સ્ટે ઓર્ડર પણ જાહેર ક્ષેત્રમાં નથી. સરકારે વડાપ્રધાન નરેન્દ્ર મોદી પર બીબીસીની ડોક્યુમેન્ટરી પર આઈટી એક્ટની કલમ 69A હેઠળ સોશિયલ મીડિયા પર બ્લોક કરવાનો આદેશ આપ્યો હતો. પત્રકાર એન રામ, ટીએમસી નેતા મહુઆ મોઇત્રા, એડવોકેટ પ્રશાંત ભૂષણ અને એમએલ શર્માએ સુપ્રીમ કોર્ટમાં અરજી દાખલ કરી હતી. કેન્દ્રનો જવાબ દાખલ કર્યા બાદ આ મામલે આગામી સુનાવણી એપ્રિલ મહિનામાં થશે.
આ પણ વાંચો : BBCની ડોક્યુમેન્ટરી ઉપર લગાવેલા પ્રતિબંધને પડકારતી અરજી પર આજે સુપ્રીમકોર્ટમાં થશે સુનાવણી
સુપ્રીમ કોર્ટે કેન્દ્ર સરકારને પ્રતિબંધના આદેશનો અસલ રેકોર્ડ રજૂ કરવાનો પણ નિર્દેશ આપ્યો છે. બેન્ચે કહ્યું, અમે નોટિસ જાહેર કરી રહ્યા છીએ. કાઉન્ટર એફિડેવિટ 3 અઠવાડિયાની અંદર દાખલ કરવી જોઈએ. જવાબ 3 અઠવાડિયા પછી આપવો જોઈએ.
BBC ડોક્યુમેન્ટરી પર પ્રતિબંધના સમર્થનમાં અરજી
બીબીસી ડોક્યુમેન્ટરી પર સરકારના પ્રતિબંધના સમર્થનમાં સુપ્રીમ કોર્ટમાં અરજીઓ પણ દાખલ કરવામાં આવી છે. ચીફ જસ્ટિસ ડીવાય ચંદ્રચુડની અધ્યક્ષતાવાળી બેંચે પણ આ મામલાની સુનાવણી કરી હતી અને શુક્રવારે આ મામલાને ફરીથી લિસ્ટ કરવામાં આવ્યો હતો. હિન્દુ સેનાના પ્રમુખ વિષ્ણુ ગુપ્તા અને ખેડૂત બિરેન્દ્ર કુમાર સિંહે પ્રતિબંધના સમર્થનમાં અરજી કરી છે. અરજીમાં બીબીસી અને તેના કર્મચારીઓ સામે તપાસની પણ માગ કરવામાં આવી છે.
પીએમ નરેન્દ્ર મોદી વિરુદ્ધ મોટું ષડયંત્ર
પ્રતિબંધના સમર્થનમાં દાખલ કરાયેલી અરજીઓમાં જણાવાયું છે કે BBC ભારત સરકાર સામે ભેદભાવપૂર્ણ છે અને નરેન્દ્ર મોદી પરની ડોક્યુમેન્ટરી ભારતમાં અને વૈશ્વિક સ્તરે વડાપ્રધાન નરેન્દ્ર મોદીના વધતા કદ સામે કાવતરાનું પરિણામ છે. આ કેસની સુનાવણી દરમિયાન 30 જાન્યુઆરીએ કોર્ટે કહ્યું હતું કે તે સોમવારે આ મામલે સુનાવણી કરશે.
