સોફા પર બેસવુ, જોરથી હસવું અને ગપ્પા મારવા પર પ્રતિબંધ, વિદેશ વિભાગે જાહેર કરી આચારસંહિતા
વિદેશ મંત્રાલયે તેના કર્મચારીઓ માટે નોટિસ જાહેર જણાવ્યું છે કે, 'તમારે ઓફિસમાં કેવી રીતે આવીને ડેકોરમ કેવી રીતે જાળવવું'. સોફા પર બેસી શકાશે નહી, મોટેથી હસી પણ શકાશે નહી. આવી વાતો પત્રમાં લખવામાં આવી છે.
જો તમારા મનમાં એવું આવે કે સરકારી નોકરીમાં ડ્રેસ કોડ નથી અને તે ગમે તેવી રીતે જઈ શકાય છે, તો ધ્યાન આપો. વિદેશ મંત્રાલયે (Ministry of External Affairs) એક પત્ર જાહેર કરીને સ્પષ્ટ કર્યું છે કે ઓફિસની અંદર તમારે કેવું વર્તન કરવું જોઈએ, શું પહેરવું અને શું ન પહેરવું ? તમારે મોટેથી હસવું કે મંદ મંદ સ્મિત કરવું. વિદેશ મંત્રાલય દ્વારા જાહેર કરવામાં આવેલા પત્રમાં મુદ્દાદીઠ સમજાવવામાં આવ્યું છે કે ઓફિસમાં કેવી રીતે આવવું અને કેવું વર્તન દાખવવું ?
સામાન્ય રીતે, તમે જ્યાં પણ કામ કરો છો, તમે માત્ર ઔપચારિક ડ્રેસ પહેરો છો. પરંતુ વિદેશ મંત્રાલયે તેના કર્મચારીને શું કરવું અને શું ન કરવું તે જાહેર કર્યું છે એટલે કે ઓફિસમાં કેવી રીતે રહેવું પડશે. તે કહે છે કે તમે શર્ટ, પેન્ટ, બ્લેઝર, શૂઝ જેવા યોગ્ય ફોર્મલ ડ્રેસ પહેરીને જ આવી શકો છો. મહિલાઓ માટે સેન્ડલ અથવા શૂઝ પહેરવાનું પણ કહેવામાં આવ્યું છે. આ સિવાય કર્મચારીઓ મોટેથી હસી શકતા નથી કે બગાસું પણ નથી લઈ શકતા. તેમાં લખેલું છે કે તમે સ્પોર્ટ્સ શૂઝ, ટી-શર્ટ, ડેનિમ નહીં પહેરી શકો.
સ્વચ્છતા પર વિશેષ ધ્યાન આપવું પડશે
મંત્રાલય દ્વારા ડેકોરમ અને ડ્રેસ કોડને લઈને કર્મચારીઓને આપવમાં આવેલી સૂચનાઓમાં એવું પણ કહેવામાં આવ્યું છે કે અધિકારીઓએ બિનજરૂરી રીતે આસપાસ ન ફરવું જોઈએ અને સોફા પર બેસવાની મનાઈ કરવામાં આવી છે. સ્વચ્છતા પર વિશેષ ધ્યાન આપવું પડશે. તમારા નખ, કપડાં, પગરખાં બધું જ સુઘડ અને સ્વચ્છ હોવા જોઈએ અને આઈકાર્ડ હંમેશા ગળામાં લટકાવેલું જોઈએ.
ગળામાં I-CARD લટકાવવું
મંત્રાલયે પોતાના આદેશમાં કહ્યું, ‘ઓફિસની અંદર ક્યાંય પણ જોરથી હસવું નહી, મોટેથી વાત કરવી નહી, સોફા પર અને તમારી સીટ પર બેસતી વખતે બગાસું પણ ના ખાવું. ઓફિસ પરિસરમાં ધૂમ્રપાન પર સખત પ્રતિબંધ છે. ઓફિસની અંદર રહેલા સિક્યોરિટી ગાર્ડ્સ અને બોર્ડર સિક્યુરિટી ફોર્સના જવાન તમારા આઈડી કાર્ડની તપાસ કરી શકે છે અને તેમને તેમની ફરજ કોઈપણ પ્રકારે દખલ નહીં કરી શકાય.