Sikh Games: ઓસ્ટ્રેલિયા શીખ ગેમ્સના અવસર પર PM નરેન્દ્ર મોદીનો સંદેશ, કહ્યું- આપણે એકબીજાના મજબૂત સાથીદાર
પીએમ મોદીએ ઓસ્ટ્રેલિયાને પોતાનો મજબૂત ભાગીદાર ગણાવ્યો છે. પીએમ મોદીએ 35મી ઓસ્ટ્રેલિયન શીખ ગેમ્સના અવસર પર એક લાંબો સંદેશ મોકલ્યો છે. જેમાં તેમણે બંધારણથી લઈને પરંપરાઓનો ઉલ્લેખ કર્યો છે. ઓસ્ટ્રેલિયામાં ખાલિસ્તાની સમર્થકોએ હંગામો મચાવ્યો છે. આવા અવસર પર પીએમનો સંદેશ ખૂબ જ મહત્વપૂર્ણ છે.
ભારત દેશમાં ખાલિસ્તાનના મુદ્દાને ધ્યાનમાં રાખીને માંગ ઉઠતી રહે છે. તાજેતરના દિવસોમાં જ્યારે અમૃતપાલ સિંહ પંજાબમાં પ્રવેશ્યો ત્યારે તેમણે લોકોને ગેરમાર્ગે દોરવાનું શરૂ કર્યું.
આ પણ વાચો: ખાલિસ્તાન સમર્થક સંગઠનની 40 વેબસાઈટ પ્રતિબંધિત, સંગઠનના વડા સામે ગુન્હો દાખલ
સમય જતાં, રાજ્ય સરકારે ચેતી અને અમૃતપાલની ધરપકડ કરવા સમગ્ર પંજાબમાં દરોડા પાડવાનું શરૂ કર્યા છે. જોકે તે હજુ સુધી અમૃતપાલ પોલીસના હાથે ઝડપાયો નથી. જ્યારે તપાસ એજન્સીઓએ તપાસ શરૂ કરી તો જાણવા મળ્યું કે તેનું નેટવર્ક ઘણા દેશોમાં ફેલાયેલું છે.
શીખ ગેમ્સ 2023ને લઈને એક સંદેશ આપ્યો
આ પછી ખાલિસ્તાનીઓએ અમેરિકા, બ્રિટન, કેનેડા અને ઓસ્ટ્રેલિયામાં ભારે ખળભળાટ મચાવ્યો હતો. મંદિરોમાં તોડફોડ કરવામાં આવી હતી. દૂતાવાસની ઓફિસોમાં હોબાળો શરૂ થયો. જેના કારણે ભારત અને અન્ય દેશોના સંબંધો પર પણ અસર પડી હતી. હવે પીએમ મોદીએ ઓસ્ટ્રેલિયન શીખ ગેમ્સ 2023ને લઈને એક સંદેશ આપ્યો છે.
હિંદુ મંદિરો અને દૂતાવાસો પર હુમલા કરે છે ખાલિસ્તાનીઓ
ઓસ્ટ્રેલિયા અને કેનેડામાં મોટી સંખ્યામાં શીખ નાગરિકો રહે છે. અહીંના રાજકારણમાં પણ તેમનું વર્ચસ્વ છે. પરંતુ થોડા સમય માટે ખાલિસ્તાની સમર્થકોએ ઉપદ્રવ સર્જ્યો હતો. ભારત વિરુદ્ધ સૂત્રોચ્ચાર કરવામાં આવ્યા હતા. ભારતીય હાઈ કમિશનની ઓફિસોને નિશાન બનાવવામાં આવી હતી. ઓસ્ટ્રેલિયાના પીએમ એન્થોની અલ્બેનીઝ જ્યારે ભારતની મુલાકાતે હતા ત્યારે પીએમ મોદીએ પણ તેમની સાથે આ મુદ્દો ઉઠાવ્યો હતો. હવે પીએમ મોદીનો સંદેશ બંને દેશો વચ્ચેના તંગ વાતાવરણને ઓછો કરી શકે છે. પીએમએ લખ્યું કે ભારત અને ઓસ્ટ્રેલિયા મજબૂત ભાગીદાર છે. પીએમે આ સંદેશ 35મી ઓસ્ટ્રેલિયન શીખ ગેમ્સ માટે મોકલ્યો હતો.
ભારત-ઓસ્ટ્રેલિયા વચ્ચે ઘણી સમાનતાઓ છે – પીએમ મોદી
આ ગેમ્સ બ્રિસ્બેનમાં થઈ રહી છે. ઓસ્ટ્રેલિયાના પીએમ એન્થોની અલ્બેનીઝ ભારત આવ્યા હતા. તેમણે પીએમ મોદી સાથે ભારત અને ઓસ્ટ્રેલિયા વચ્ચેની ટેસ્ટ મેચ જોઈ હતી. તેને યાદ કરીને પીએમ મોદીએ લખ્યું કે ભારત અને ઓસ્ટ્રેલિયા વિકાસ અને પ્રગતિમાં મજબૂત ભાગીદાર છે. પીએમએ પત્રમાં કહ્યું કે ભારત અને ઓસ્ટ્રેલિયા વચ્ચે ઘણી સમાનતાઓ છે. આપણો એક બીજા સાથે જોડાયેલો ઈતિહાસ છે, આપણા મૂલ્યો, લોકશાહી અને નિયમો સમાન છે. PMએ લખ્યું કે શીખ સમુદાય હંમેશા રમતગમત, ટીમવર્ક અને ફિટનેસ પ્રત્યે સજાગ રહે છે.
ગુજરાતના તમામ સમાચાર અને બ્રેકિંગ ન્યૂઝ ગુજરાતીમાં વાંચો tv9gujarati.com પર
દુનિયાના તમામ જિલ્લાના સમાચાર વાંચવા માટે જોડાયેલા રહો…
