ચીનમાં પણ મોદી લહેર ! PM મોદીને દુનિયાના સૌથી ખાસ નેતા માને છે ચીનીઓ, આપ્યું લાઓક્સિયન નામ, જાણો શું છે તેનો અર્થ
ચીનીઓ પીએમ મોદીની નીતિઓથી ખૂબ પ્રભાવિત છે. તેઓ માને છે કે વડાપ્રધાન મોદીની નીતિઓ ભારતમાં અગાઉની નીતિઓ કરતાં તદ્દન અલગ અને સારી છે. બંને દેશો વચ્ચે સરહદ વિવાદ હોવા છતાં કોઈ આંતરરાષ્ટ્રીય નેતા માટે આ એક દુર્લભ ગૌરવપૂર્ણ સંદર્ભ છે. મોટાભાગના ચીનીઓ માને છે કે વડાપ્રધાન મોદીના નેતૃત્વમાં ભારત વિશ્વના અગ્રણી દેશોમાં સામેલ છે અને સંતુલન જાળવી શકે છે.
અમેરિકન મેગેઝિનમાં પ્રકાશિત થયેલા એક લેખ અનુસાર, વડાપ્રધાન નરેન્દ્ર મોદી ચીનમાં નેટીઝન્સમાં ખૂબ જ લોકપ્રિય છે અને તેમને પ્રેમથી ‘મોદી લાઓક્સિયન’ કહેવામાં આવે છે. એવું કહેવામાં આવે છે, જેનો અર્થ “મોદી અમર છે” તેવો થાય છે. ચીનીઓ તેમની નીતિઓથી ખૂબ પ્રભાવિત છે. તેઓ માને છે કે વડાપ્રધાન મોદીની નીતિઓ ભારતમાં અગાઉની નીતિઓ કરતાં તદ્દન અલગ અને સારી છે. બંને દેશો વચ્ચે સરહદ વિવાદ હોવા છતાં કોઈ આંતરરાષ્ટ્રીય નેતા માટે આ એક દુર્લભ ગૌરવપૂર્ણ સંદર્ભ છે.
આ પણ વાંચો: સેટ પર એવું તો શું થયું કે આશુતોષ રાણાએ રાજકુમાર રાવને ઝીંકી દીધી થપ્પડ ? એક્ટરે કર્યો ચોંકાવનારો ખુલાસો
વ્યૂહાત્મક બાબતો પર કેન્દ્રિત સામયિક “ડિપ્લોમેટ” માં “ભારતને ચીનમાં કેવી રીતે જોવામાં આવે છે?” શીર્ષકવાળા લેખમાં પત્રકાર મુ ચુનશે લખ્યું છે કે મોટાભાગના ચીનીઓ માને છે કે વડાપ્રધાન મોદીના નેતૃત્વમાં ભારત વિશ્વના અગ્રણી દેશોમાં સામેલ છે અને સંતુલન જાળવી શકે છે. ચુનશાન ચાઈનીઝ સોશિયલ મીડિયા, ખાસ કરીને સિના વેઈબોના વિશ્લેષણ માટે પ્રખ્યાત છે. સિના વેઇબો એ ચીનમાં ટ્વિટર જેવું જ એક સોશિયલ મીડિયા પ્લેટફોર્મ છે અને તેના 582 મિલિયનથી વધુ વપરાશકર્તાઓ છે.
અમેરિકન મેગેઝિન ‘ડિપ્લોમેટ’માં પ્રકાશિત થયેલો લેખ
આ દાવો અમેરિકન મેગેઝિન ‘ડિપ્લોમેટ’માં પ્રકાશિત એક લેખમાં કરવામાં આવ્યો છે. તેમાં કહેવામાં આવ્યું છે કે પીએમ મોદી ચીનમાં ઈન્ટરનેટ યુઝર્સ (નેટીઝન્સ)માં ખૂબ જ લોકપ્રિય છે. બંને દેશો વચ્ચે સરહદી વિવાદ હોવા છતાં ચીનમાં નેટીઝન્સમાં વડાપ્રધાનની લોકપ્રિયતા વધુ છે. ચીનમાં ભારતને કેવી રીતે જોવામાં આવે છે?
આ અંગે ડિપ્લોમેટમાં એક લેખ પ્રકાશિત થયો છે. લેખના લેખક પત્રકાર મુ ચુનશાને પણ લખ્યું છે કે મોટાભાગના ચીનીઓ માને છે કે મોદીના નેતૃત્વમાં ભારત વિશ્વના મોટા દેશો વચ્ચે સંતુલન જાળવી શકશે. ચુનશાન ચાઇનીઝ સોશિયલ મીડિયા, ખાસ કરીને સિના વેઇબોના વિશ્લેષણ માટે જાણીતી છે. સિના વેઇબો એ ચીનમાં ટ્વિટર જેવું જ એક સોશિયલ મીડિયા પ્લેટફોર્મ છે.
લાઓક્સિયનનો અર્થ શું છે
લેખ મુજબ “વડાપ્રધાન મોદીનું ચાઈનીઝ ઈન્ટરનેટ પર એક અસામાન્ય ઉપનામ છેઃ મોદી લાઓક્સિયન. લાઓક્સિયન ચોક્કસ વિશેષ ક્ષમતાઓ ધરાવતા વૃદ્ધ અમર માણસનો ઉલ્લેખ કરે છે. હુલામણા નામનો અર્થ એ છે કે ચીનમાં ઈન્ટરનેટ યુઝર્સ માને છે કે મોદી અન્ય નેતાઓની સરખામણીમાં અલગ છે અને આશ્ચર્યજનક પણ.” તેમણે લખ્યું છે કે ચીનના લોકો મોદીના ડ્રેસ અને બોડી લેંગ્વેજ બંને તરફ ઈશારો કરે છે અને તેમની કેટલીક નીતિઓને ભારતની અગાઉની નીતિઓથી અલગ માને છે.
કેટલાક ચીની નાગરિકો માને છે કે ભારતના રશિયા, અમેરિકા સહિતના વિવિધ મોટા દેશો સાથે મૈત્રીપૂર્ણ સંબંધો હોઈ શકે છે. તેમણે કહ્યું કે ‘Laoxian’ શબ્દ મોદી પ્રત્યે ચીનના લોકોની જટિલ ધારણાને દર્શાવે છે, જેમાં જિજ્ઞાસા, વિસ્મય વગેરેનો સમાવેશ થાય છે. તેમણે એમ પણ લખ્યુ હતું કે યુક્રેન-રશિયા યુદ્ધ, જેણે યુએસ અને પશ્ચિમને રશિયા સામે ઉભા કર્યા છે. દરમિયાન, મોટા ભાગના ચીનીઓને લાગે છે કે વિશ્વના મોટા દેશો વચ્ચે માત્ર ભારત જ સંતુલન જાળવી શકે છે.
