હવે ઈન્ટરનેટની સ્પીડ વધશે, મોદી સરકારે 4G પ્લેટફોર્મ માટે કેબિનેટને આપી મંજૂરી

દેશમાં 5Gનો (5G Network) માર્ગ સરળ બનાવવા માટે મોદી સરકારે (PM Modi) મોટો નિર્ણય લીધો છે. સરકારે 4G પ્લેટફોર્મ એટલે કે 4G સેવાઓ માટે કેબિનેટમાં મંજૂરી આપી દીધી છે. આ માટે સરકારે ટેન્ડર પ્રક્રિયા લંબાવી છે. ટેલિકોમ મંત્રીનું કહેવું છે કે સરકારના આ નિર્ણયથી ઈન્ટરનેટ યુઝર્સને સીધો ફાયદો થશે. તેનાથી ઈન્ટરનેટની સ્પીડ તો વધશે જ પરંતુ 5G માટેનો રસ્તો પણ સરળ બનશે. ટેલિકોમ મંત્રી અશ્વિની વૈષ્ણવે (Ashwini Vaishnav) કહ્યું છે કે આખી દુનિયા આશ્ચર્યમાં છે કે ભારતે તેનું 4G પ્લેટફોર્મ તૈયાર કર્યું છે.

આ માટે સરકાર 2જીથી 4જી સુધીના 6 હજાર ટાવરના ટેન્ડર બહાર પાડશે, સાથે જ એક લાખ સાઈટને પણ આગળ લઈ જવામાં આવશે. ટેલિકોમ મંત્રી અશ્વિની વૈષ્ણવે કહ્યું કે આનાથી ગ્રાહકોને સીધો ફાયદો મળશે. તેનાથી ઈન્ટરનેટની સ્પીડ વધશે. આવતા વર્ષ સુધીમાં એક લાખ 4G ટાવર લગાવવામાં આવશે.

વૈષ્ણવે વધુમાં જણાવ્યું હતું કે ગ્રાહકો માટે વ્યાજબી ભાવ અંગે વ્યવસ્થા કરવામાં આવી છે. આખું વિશ્વ આશ્ચર્યચકિત છે કે ભારતે પોતાનું 4G બનાવ્યું છે, કારણ કે અમે ગુણવત્તામાં વધુ સારા છીએ અને ખર્ચમાં ઓછા છીએ.

આ પણ વાંચો

5G સ્પેક્ટ્રમ વ્યવસ્થા

5Gને લઈને TRAIની ભલામણો આવી છે, રેટમાં કેટલાક ફેરફાર કરવામાં આવ્યા છે. ડીસીસીની મંજૂરી ટૂંક સમયમાં મળી જશે અને અંદાજિત સમયમાં ફાળવણીની પ્રક્રિયા શરૂ થશે. વિશ્વ માને છે કે સ્પેક્ટ્રમ એટલે સંચાર એટલે વિકાસ. 5G પર અમે રેટ અંગે ઉદ્યોગ ક્ષેત્ર સાથે સમાધાન કરીશું. સરકાર કહે છે કે 5G ફાળવણીની પ્રક્રિયા જૂનમાં શરૂ થશે અને ઓગસ્ટ-સપ્ટેમ્બર સુધીમાં 5G સ્પેક્ટ્રમની ફાળવણી પૂર્ણ કરશે.

દરરોજ 1 લાખ કનેક્શનનું વિતરણ કરવામાં આવી રહ્યું છે

BSNLએ ભારતનેટમાં નવી પદ્ધતિ અપનાવી છે. ફાઈબર કેબલ ઘર-ઘર સુધી પહોંચાડ્યા પછી તકનીકી સમસ્યાઓના નિરાકરણની જવાબદારી પ્રાદેશિક વ્યક્તિને આપવામાં આવે છે. હવે રોજના એક લાખ કનેક્શન આપવામાં આવી રહ્યા છે અને તેનાથી લોકોને રોજગારી પણ મળી રહી છે. ભારતનેટ અને BSNL ફાઈબર નેટવર્કને મર્જ કરવામાં આવ્યું છે. ત્યારથી BSNL હવે 14 લાખ કિલોમીટરનું નેટવર્ક સંભાળી રહ્યું છે. ગામડાઓમાં પ્રતિ ડેટા કનેક્શન દર મહિને 70GB થઈ ગયું છે.