ગોવા પહોંચતા જ મમતા બેનર્જીનું કાળા ઝંડા સાથે સ્વાગત કરવામાં આવ્યું, ‘જય શ્રી રામ’ ના નારા લાગ્યા
એરપોર્ટ પર અનેક લોકો તેમનું સ્વાગત કરવા માટે હાજર હતા. એરપોર્ટથી મમતા બેનર્જીનો કાફલો રાજધાની પણજી જવા રવાના થયો હતો. આ દરમિયાન સૂત્રોચ્ચાર કરવામાં આવ્યા હતા. મમતા બેનર્જીનો ગોવામાં ત્રણ દિવસનો કાર્યક્રમ છે.
પશ્ચિમ બંગાળના સીએમ અને તૃણમૂલ સુપ્રીમો મમતા બેનર્જી (Mamata Banerjee) ગુરુવારે સાંજે ત્રણ દિવસની મુલાકાતે ગોવા પહોંચ્યા હતા, પરંતુ ગોવાની ધરતી પર પગ મૂકતા જ મુખ્યમંત્રીનું કાળા ઝંડા સાથે સ્વાગત કરવામાં આવ્યું હતું. સીએમ મમતા બેનર્જી સાંજે ડાબોલિમ એરપોર્ટ પર પહોંચ્યા હતા. ડાબોલિમથી પણજી તરફ પ્રયાણ કરતા સમયે કેટલાક યુવાનોના ટોળાએ મમતાના કાફલાની સામે કાળા ઝંડા બતાવવાનું શરૂ કર્યું અને ‘જય શ્રી રામ’ ના નારા લગાવવાનું શરૂ કર્યું. આ લોકોએ મમતા બેનર્જી ગો બેકના નારા પણ લગાવવા લાગ્યા. પોલીસે તેમને તાત્કાલિક ત્યાંથી હટાવ્યા હતા.
પૂર્વ-આયોજિત કાર્યક્રમના ભાગ રૂપે, મમતા બેનર્જી ગુરુવારે સવારે ઉત્તર બંગાળની મુલાકાત પછી સીધા ગોવા પહોંચ્યા. એરપોર્ટ પર અનેક લોકો તેમનું સ્વાગત કરવા માટે હાજર હતા. એરપોર્ટથી મમતા બેનર્જીનો કાફલો રાજધાની પણજી જવા રવાના થયો હતો. આ દરમિયાન સૂત્રોચ્ચાર કરવામાં આવ્યા હતા. મમતા બેનર્જીનો ગોવામાં ત્રણ દિવસનો કાર્યક્રમ છે.
પ્રાપ્ત માહિતી અનુસાર, સીએમનું ડબોલિમ એરપોર્ટ પર આગમન સમયે સ્વાગત કરવામાં આવ્યું હતું. પરંતુ જેવી જ મમતા બેનર્જીનો કાફલો ડાબોલિમ એરપોર્ટથી બહાર આવ્યો. કેટલાક લોકો કાફલાની સામે સૂત્રોચ્ચાર કરવા લાગ્યા. તેઓ ‘જય શ્રી રામ’ અને ‘મમતા બેનર્જી પાછા જાઓ’ના નારા લગાવી રહ્યા હતા.
એક પ્રદર્શનકારીએ કહ્યું કે, ગોવામાં મમતા બેનર્જીની જરૂર નથી. આખો દેશ જાણે છે કે તે પશ્ચિમ બંગાળમાં કેવા પ્રકારની રાજનીતિ કરે છે. ગોવામાં તેની પાસે કોઈ કામ નથી. તમને જણાવી દઈએ કે મમતા બેનર્જીની આ પહેલી ગોવાની મુલાકાત છે. તૃણમૂલ કોંગ્રેસે ફેબ્રુઆરી 2022માં યોજાનારી વિધાનસભા ચૂંટણી લડવાનો નિર્ણય કર્યો છે. આ કારણથી મમતા બેનર્જીની આ મુલાકાતને ખૂબ જ મહત્વપૂર્ણ માનવામાં આવે છે.
બીજેપીના રાજ્ય એકમે પશ્ચિમ બંગાળના મુખ્યમંત્રી મમતા બેનર્જીની ગોવાની મુલાકાત પર કટાક્ષ કર્યો છે અને કહ્યું છે કે અન્ય લોકો જે રીતે ગોવાની મુલાકાતે જાય છે તે રીતે મમતા પણ ગોવા જઈ રહી છે. તેઓએ ત્યાં જઈને વિપક્ષને માન આપતા શીખવું જોઈએ. જ્યારે પૂર્વ પ્રદેશ અધ્યક્ષ દિલીપ ઘોષને બેનર્જીની ગોવા મુલાકાત વિશે પૂછવામાં આવ્યું ત્યારે તેમણે કહ્યું કે તૃણમૂલ કોંગ્રેસ એવી રીતે પ્રચાર કરી રહી છે કે મમતા ગોવામાં પગ મૂકતાની સાથે જ ભૂકંપ આવી જશે, પરંતુ એવું કંઈ થવાનું નથી. ગોવામાં તેમના જવાથી રાજકીય રીતે કોઈ બદલાવ નહીં આવે. જે રીતે અન્ય લોકો ગોવાની મુલાકાતે જાય છે, તે જ રીતે તે પણ જઈ રહી છે.
આ પણ વાંચો : UP Assembly Election: અમિત શાહ ચૂંટણીની વ્યૂહરચના પર કરશે ચર્ચા, 100 ધારાસભ્યોની કપાઈ શકે છે ટિકિટ
