કેન્દ્રએ કોરોના માર્ગદર્શિકાને 30 નવેમ્બર સુધી લંબાવી, રાજ્યોને કડક સૂચના- નિયમોનું પાલન નહીં કરવામાં આવે તો મોંઘી પડશે બેદરકારી
કોરોના ગાઈડલાઈન્સમાં કહેવામાં આવ્યું છે કે, જે કાર્યક્રમોમાં મોટી સંખ્યામાં લોકો સામેલ હોય તેમાં ખાસ સાવધાની રાખવી જોઈએ, જેથી કરીને કોરોનાના કેસ વધવાની શક્યતાને ટાળી શકાય.
દેશમાં તહેવારોની સિઝન ચાલી રહી છે. બજારોમાં લોકોની ભારે ભીડ જોવા મળી રહી છે. આ સ્થિતિમાં કેન્દ્ર સરકારે (Central Government) કોવિડ 19 પ્રોટોકોલને (Covid-19 Protocol) 30 નવેમ્બર સુધી લંબાવવાનો નિર્ણય લીધો છે. સરકારે અગાઉ 31 ઓક્ટોબર સુધીમાં કોરોના નિયમો (Corona Rules) લાગુ કરવાનો આદેશ આપ્યો હતો. જોકે, હવે તેને વધુ એક મહિના માટે એટલે કે 30 નવેમ્બર સુધી લંબાવવામાં આવ્યો છે.
રાજ્યો અને કેન્દ્રશાસિત પ્રદેશોને આપવામાં આવી વિશેષ સૂચનાઓ કોરોના ગાઈડલાઈન્સમાં (Corona Guidelines) કહેવામાં આવ્યું છે કે જે કાર્યક્રમોમાં મોટી સંખ્યામાં લોકો સામેલ હોય તેમાં ખાસ સાવધાની રાખવી જોઈએ, જેથી કરીને કોરોનાના કેસ વધવાની શક્યતાને ટાળી શકાય. આ સિવાય રાજ્યો અને કેન્દ્રશાસિત પ્રદેશોને દરેક જિલ્લામાં ચેપ દર, હોસ્પિટલની સ્થિતિ અને ICU માં બેડની ઉપલબ્ધતા પર નજર રાખવા માટે સૂચના આપવામાં આવી છે.
આ સાથે, સૂચનાઓમાં એવું પણ કહેવામાં આવ્યું છે કે જે સ્થળોએ હજી પણ કોરોનાના વધુ કેસ છે ત્યાં કેસોમાં વધારો અટકાવવા માટે સક્રિય પગલાં લેવામાં આવે. આ સાથે, સરકારે ‘ટેસ્ટ-ટ્રેક-ટ્રીટ- વેક્સિનેટ’ અને કોવિડ યોગ્ય વર્તનની પાંચ-પોઇન્ટ વ્યૂહરચના પર ધ્યાન કેન્દ્રિત કરવા કહ્યું છે.
વિશ્વના ઘણા દેશોમાં ફરી જોવા મળી રહ્યો છે કોરોનાનો ખતરો
એક તરફ દેશમાં કોરોનાના કેસ ઓછા થઈ રહ્યા હોય તેવું લાગી રહ્યું છે, તો બીજી તરફ વિશ્વના ઘણા દેશોમાં કોરોના વાયરસ (Corona Virus) ફરી પાછો જોવા મળી રહ્યો છે. બ્રિટનમાં એક દિવસમાં 40 હજારથી વધુ નવા કેસ સામે આવી રહ્યા છે. મોટા ભાગના કેસ કોરોનાના ડેલ્ટા વેરિઅન્ટના છે. રશિયામાં પણ આવી જ સ્થિતિ છે. રશિયામાં દરરોજ મૃત્યુઆંક 1000 થી વધુ થઈ ગયો છે. જ્યાંથી કોરોનાના વિદાયનો દાવો કરવામાં આવ્યો હતો તે ચીનમાં પણ વાયરસે પુનરાગમન કર્યું છે. ઘણા શહેરોમાં ફરીથી લોકડાઉન લાગુ કરવામાં આવ્યું છે.
કોરોનાને ખુલ્લું આમંત્રણ આપી રહી છે ભીડ ભીડ કોરોનાને ખુલ્લું આમંત્રણ આપી રહી છે. આ એવા લોકોનો મેળાવડો છે જેઓ માનવા લાગ્યા છે કે કોરોના હવે તેમને નુકસાન પહોંચાડી શકશે નહીં, તો સોશિયલ ડિસ્ટન્સિંગ અને માસ્કની શું જરૂર છે. એવા લોકોને યાદ કરાવવાની જરૂર છે કે જેમણે કોરોનાને હળવાશથી લઈને મોટી ભૂલ કરી હતી, તે દિવસોની યાદ અપાવવાની જ્યારે આવી બેદરકારીને કારણે દેશમાં બીજી લહેરમાં કટોકટી આવી હતી.
આ પણ વાંચો : Corona Vaccine: 11 કરોડ લોકોએ નથી લીધો કોરોના રસીનો બીજો ડોઝ, 2 નવેમ્બરથી ઘરે-ઘરે રસીકરણ કરાશે
આ પણ વાંચો : ASEAN-India Summit: PM મોદીએ ASEAN-ભારત સમિટમાં હાજરી આપી, દક્ષિણ ચીન સાગર-આતંકવાદ સહિત અનેક મુદ્દાઓ પર વાત કરી
