Accident: જેસલમેરમાં મોટો અકસ્માત, સેનાની ટ્રક પલટી, એક જવાન શહીદ, 13 ઘાયલ

Rajasthan: રાજસ્થાનના જેસલમેરમાં એક મોટો અકસ્માત થયો છે. શનિવારે અહીં સેનાની એક ટ્રક પલટી ગઈ હતી, જેમાં એક જવાન શહીદ થયો હતો જ્યારે 16 ઘાયલ થયા હતા. પોલીસના જણાવ્યા અનુસાર આ ઘટના જેસલમેરના શાહગઢમાં બની હતી.

આ પણ વાંચો: Breaking News: રાજસ્થાનના હનુમાનગઢમાં એરફોર્સનું MiG-21 પ્લેન ક્રેશ, 4 ગ્રામજનોના મોત, બંને પાયલોટ સુરક્ષિત

સેનાની ટ્રક બીએસએફ જવાનોને લઈને જઈ રહી હતી. પોલીસે જણાવ્યું કે એક જવાનનું ઘટનાસ્થળે જ મોત નીપજ્યું હતું, જ્યારે ઘાયલ જવાનની જેસલમેરની જવાહર હોસ્પિટલમાં સારવાર ચાલી રહી છે. મૃતક જવાનની ઓળખ એસકે દુબે તરીકે થઈ છે. તેમણે કહ્યું કે મૃતકના પરિવારને જાણ કરવામાં આવી છે અને તેઓ આવ્યા બાદ પોસ્ટમોર્ટમ કરવામાં આવશે.

#WATCH | Rajasthan: Priyanka Kumawat, Deputy Superintendent of Police Jaisalmer says, “A truck belonging to BSF’s Battalion 149, was going to the border. It met with an accident near Langtala village, a total of 16 BSF personnel were travelling in the truck, out of which 13 got… pic.twitter.com/HAmMhHXY8n

— ANI (@ANI) August 12, 2023

ટ્રકમાં BSFના કુલ 16 જવાન સવાર હતા

જેસલમેરના ડીએસપી પ્રિયંકા કુમાવતે જણાવ્યું કે BSFની બટાલિયન 149ની એક ટ્રક સરહદ તરફ જઈ રહી હતી. તે લંગતાલા ગામ પાસે અકસ્માત થયો હતો. ટ્રકમાં BSFના કુલ 16 જવાન હતા. જેમાં 13 ઘાયલ થયા હતા અને એકનું મોત થયું હતું. ઘાયલોની સારવાર ચાલુ છે. અકસ્માત પાછળનું કારણ તપાસવામાં આવશે.

પહેલા પણ રાજસ્થાનના હનુમાનગઢમાં એરફોર્સનું MiG-21 પ્લેન ક્રેશ થયું હતું

રાજસ્થાનના હનુમાનગઢમાં મિગ-21 ક્રેશ થયું છે. આ અકસ્માત બહલોલનગર નગરમાં થયો હતો. જોકે, આ અકસ્માતમાં પાયલોટ અને કો-પાયલોટે સમયસર મિગ-21માંથી છલાંગ લગાવી દીધી હતી અને તેમનો જીવ બચી ગયો હતો. આ અકસ્માતમાં 4 ગ્રામજનોના મોતના સમાચાર છે.