MCD Amendment Bill 2022: દિલ્હી મ્યુનિસિપલ કોર્પોરેશન એમેન્ડમેન્ટ બિલ 2022 લોકસભામાં પસાર થયું, ત્રણેય એમસીડીને એક કરવાની યોજના

MCD Amendment Bill 2022: દિલ્હી મ્યુનિસિપલ કોર્પોરેશન એમેન્ડમેન્ટ બિલ 2022 લોકસભામાં પસાર થયું, ત્રણેય એમસીડીને એક કરવાની યોજના
MCD Amendment Bill 2022 - Lok Sabha

આ પહેલા ચર્ચા દરમિયાન, કેન્દ્રીય ગૃહ પ્રધાન અમિત શાહે કહ્યું કે કલમ 239AA 3B મુજબ, સંસદને કેન્દ્ર શાસિત પ્રદેશ દિલ્હી અથવા તેના કોઈપણ ભાગને લગતી કોઈપણ બાબત પર કાયદો બનાવવાનો અધિકાર છે.

TV9 GUJARATI

| Edited By: Bhavesh Bhatti

Mar 30, 2022 | 10:39 PM

દિલ્હી મ્યુનિસિપલ કોર્પોરેશન (Delhi Municipal Corporation) (સુધારા) બિલ, 2022 બુધવારે લોકસભા દ્વારા પસાર કરવામાં આવ્યું હતું. આ પહેલા ચર્ચા દરમિયાન, કેન્દ્રીય ગૃહ પ્રધાન અમિત શાહે (Amit Shah) કહ્યું કે કલમ 239AA 3B મુજબ, સંસદને કેન્દ્ર શાસિત પ્રદેશ દિલ્હી અથવા તેના કોઈપણ ભાગને લગતી કોઈપણ બાબત પર કાયદો બનાવવાનો અધિકાર છે. એમ પણ કહ્યું કે અહીં અલગ રીતે વાત કરવામાં આવી છે. જો તમને રાજ્ય અને સંઘ રાજ્ય વચ્ચેનો તફાવત ખબર નથી, તો બંધારણને ધ્યાનથી વાંચવું જોઈએ. એમ પણ કહ્યું કે બંધારણને રાજકીય લેન્સથી જોશો તો કશું જ દેખાશે નહીં.

અમિત શાહે કહ્યું કે હું તમને જણાવવા માંગુ છું કે આ બિલ બંધારણ મુજબ છે અને તે સંપૂર્ણપણે બંધારણીય બિલ છે. દિલ્હી કેન્દ્રશાસિત પ્રદેશ હોવાથી અને ભારત સરકારને તેની સાથે સંબંધિત કોઈપણ કાયદો લાવવાનો અધિકાર છે. આ બિલ બંધારણના અનુચ્છેદ 239AA મુજબ સંસદને આપવામાં આવેલી સત્તાની અંદર છે. અમિત શાહે કહ્યું કે અમે ચૂંટણીથી ડરતા નથી.

દિલ્હી સરકાર મહાનગરપાલિકા સાથે સાવકી માતા જેવું વર્તન કરી રહી છે – અમિત શાહ

અમિત શાહે કહ્યું હતું કે દિલ્હી સરકાર મ્યુનિસિપલ કોર્પોરેશન સાથે સાવકી માતા જેવું વર્તન કરી રહી છે, જેના કારણે ત્રણેય નગર નિગમોને પૂરતા સંસાધનો નથી મળી રહ્યા. તેમણે કહ્યું કે તેથી જ હું આ બિલ લાવ્યો છું, જેના હેઠળ ત્રણેય નગરપાલિકાઓને એક બનાવવામાં આવશે. હવે સમગ્ર દિલ્હીનું કામ માત્ર એક મ્યુનિસિપલ કોર્પોરેશન જોશે. દિલ્હીના કાઉન્સિલરોની સંખ્યા 272 થી મહત્તમ 250 સુધી મર્યાદિત કરવાનો પ્રસ્તાવ છે.

અમિત શાહે કહ્યું કે પહેલા દિલ્હીમાં માત્ર એક જ મ્યુનિસિપલ કોર્પોરેશન હતી, જે બાદમાં ત્રણ મ્યુનિસિપલ કોર્પોરેશન બનાવવામાં આવ્યા હતા. તેમણે જણાવ્યું કે 1883થી દિલ્હી મ્યુનિસિપલ કોર્પોરેશન પંજાબ ડિસ્ટ્રિક્ટ બોર્ડ એક્ટ હેઠળ ચાલી રહી હતી. તેની સ્થાપના 1957 દિલ્હી મ્યુનિસિપલ કોર્પોરેશન એક્ટ હેઠળ કરવામાં આવી હતી અને 1991 અને 2011માં તેમાં સુધારો કરવામાં આવ્યો હતો અને દિલ્હીમાં ત્રણ મ્યુનિસિપલ કોર્પોરેશનની રચના કરવામાં આવી હતી.

અમિત શાહે કહ્યું કે ગૃહને ખબર હોવી જોઈએ કે આ મહાનગરપાલિકાઓને શા માટે ત્રણ ભાગમાં વહેંચવામાં આવી. શાહે કહ્યું કે જે વિભાજન થયું હતું તે ઉતાવળમાં કરવામાં આવ્યું હતું. તેમણે કહ્યું કે કોઈ રાજકીય હેતુસર મહાનગરપાલિકાને ત્રણ ભાગમાં વહેંચવામાં આવી હતી.

આ પણ વાંચો : સુરક્ષા અંગેની કેબિનેટ સમિતિએ 3,887 કરોડ રૂપિયાના 15 લાઇટ કોમ્બેટ હેલિકોપ્ટરની ખરીદીને મંજૂરી આપી

આ પણ વાંચો : Lavrov India Visit: યુક્રેન યુદ્ધ વચ્ચે રશિયાના વિદેશ મંત્રી સર્ગેઈ લાવરોવ બે દિવસની ભારતની મુલાકાતે, આવતીકાલે દિલ્હી પહોંચશે


Follow us on

Related Stories

Most Read Stories

Click on your DTH Provider to Add TV9 Gujarati