Lavrov India Visit: યુક્રેન યુદ્ધ વચ્ચે રશિયાના વિદેશ મંત્રી સર્ગેઈ લાવરોવ બે દિવસની ભારતની મુલાકાતે, આવતીકાલે દિલ્હી પહોંચશે

રશિયાના (Russia)  વિદેશ મંત્રી સર્ગેઈ લાવરોવ (Russian Foreign Minister Sergey Lavrov)  બે દિવસીય ભારતની મુલાકાતે આવી રહ્યા છે. આ અંગેની સત્તાવાર જાહેરાત વિદેશ મંત્રાલય દ્વારા કરવામાં આવી છે. લાવરોવનો ભારત પ્રવાસ ગુરુવારથી શરૂ થઈ રહ્યો છે. આવતીકાલે તેઓ દિલ્હી પહોંચશે. જો કે વડાપ્રધાન નરેન્દ્ર મોદી સાથેની મુલાકાત અંગે કંઈ કહેવામાં આવ્યું નથી. જ્યારે રશિયાના વિદેશ મંત્રી છેલ્લે ભારતની મુલાકાતે આવ્યા હતા ત્યારે વડાપ્રધાને બંગાળમાં રેલી કરી હતી. ગયા અઠવાડિયે ચીનના વિદેશ પ્રધાન વાન યી સહિત અન્ય ઘણા વિદેશ પ્રધાનોની ભારત મુલાકાત દરમિયાન પીએમ મોદી તેમને મળી શક્યા ન હતા.

રશિયાના વિદેશ મંત્રી 1 એપ્રિલે વિદેશ મંત્રી એસ જયશંકર સાથે વાતચીત કરશે. એજન્ડામાં રૂપિયા-રુબલ મિકેનિઝમ હેઠળ બિઝનેસ કરવા સહિતની ઘણી બાબતો સામેલ હશે. પશ્ચિમી દેશો દ્વારા તેના પર લાદવામાં આવેલા પ્રતિબંધોને કારણે રશિયાનું ચલણ ખૂબ પ્રભાવિત થયું છે. જે દિવસે બ્રિટિશ વિદેશ મંત્રી એલિઝાબેથ ટ્રુસ વિદેશ મંત્રી જયશંકર સાથે વાતચીત કરવા માટે ભારતની રાજધાનીમાં હશે તે દિવસે રશિયન વિદેશ મંત્રી પણ દિલ્હીમાં હશે. વિદેશ મંત્રાલયે એક નિવેદનમાં જણાવ્યું હતું કે, “ટ્રસ પરસ્પર હિતના દ્વિપક્ષીય, પ્રાદેશિક અને વૈશ્વિક મુદ્દાઓ પર વિદેશ મંત્રી ડૉ એસ જયશંકર સાથે દ્વિપક્ષીય ચર્ચા કરશે.”

ટ્રસ સ્ટ્રેટેજિક ફ્યુચર્સ ફોરમમાં ભાગ લેશે

ટ્રસ ભારત-યુકે સ્ટ્રેટેજિક ફ્યુચર્સ ફોરમની ઉદ્ઘાટન આવૃત્તિમાં પણ ભાગ લેશે. જેનું આયોજન ઈન્ડિયા કાઉન્સિલ ઓફ વર્લ્ડ અફેર્સ એન્ડ પોલિસી એક્સચેન્જ, યુકે દ્વારા કરવામાં આવી રહ્યું છે. લાવરોવની મુલાકાત 24 ફેબ્રુઆરી પછી કોઈ રશિયન અધિકારીની ભારતની પ્રથમ ઉચ્ચ સ્તરીય મુલાકાત હશે. જ્યારે યુક્રેન પર આક્રમણ શરૂ થયુ હતું. આક્રમણ પછી, પશ્ચિમી દેશો અને રશિયા એકબીજાની સામે આવી ગયા છે. ભારતે રશિયા અને યુક્રેન યુદ્ધ વચ્ચે કોઈ પણ પક્ષનું સમર્થન કર્યું નથી. તેના બદલે તેને રાજદ્વારી માધ્યમથી ખતમ કરવાનું કહ્યું છે.

Web Stories View more

આજનું રાશિફળ તારીખ : 23-11-2024

યુદ્ધના ભણકારા વચ્ચે કિમ જોંગે મોકલ્યા સૈનિક, બદલામાં પુતિને આપી ખાસ 70 ભેટ, જુઓ

23 નવેમ્બર, કાલ ભૈરવ જયંતીના દિવસે કરો આ બે કામ, જીવનની નકારાત્મકતા થશે દૂર, ઈચ્છાઓ થશે પૂરી

અદિતિ મિસ્ત્રીની બહેન દિવ્યા મિસ્ત્રી પણ ખુબ હોટ છે, જુઓ ફોટો

Winter Tips : ધાબળામાં આવતી વાસ થશે છૂમંતર, અપનાવો આ ટિપ્સ

જર્મનીમાં ન્યૂઝ9 ગ્લોબલ સમિટની શાનદાર શરૂઆત, જુઓ તસવીરોમાં ત્યાંની ઝલક