Land for job scam: જમીન નોકરી કૌભાંડ કેસમાં તેજસ્વી યાદવની પુછપરછ, લાલુની દિકરી મિસા પણ ED ઓફિસ પહોંચી
લેન્ડ ફોર જોબ કૌભાંડ કેસમાં તેજસ્વી યાદવની પૂછપરછ કરવામાં આવી રહી છે. આ કેસમાં EDએ બિહારના પૂર્વ સીએમ લાલુ યાદવની પુત્રી મિસા ભારતીને પણ સમન્સ જારી કર્યું છે.
બિહારના ડેપ્યુટી સીએમ તેજસ્વી યાદવની જમીન નોકરી કૌભાંડ કેસમાં આજે CBI પુછપરછ કરી રહી છે. આ માટે ડેપ્યુટી સીએમ સીબીઆઈ ઓફિસ પહોંચ્યા છે. લેન્ડ ફોર જોબ કૌભાંડ કેસમાં તેજસ્વી યાદવની પૂછપરછ કરવામાં આવી રહી છે. આ કેસમાં EDએ બિહારના પૂર્વ સીએમ લાલુ યાદવની પુત્રી મિસા ભારતીને પણ સમન્સ જારી કર્યું છે.
ED મીસા ભારતીની પૂછપરછ કરી રહી છે. સીબીઆઈ સમક્ષ હાજર થતા પહેલા તેજસ્વીએ કહ્યું કે અમે લડીશું અને જીતીશું. આપણે જાણીએ છીએ કે આપણે લડવું પડશે.
લાલુની દીકરી મિસા પણ ED ઓફિસ પહોંચી
તમને જણાવી દઈએ કે RJD સુપ્રીમો લાલુ યાદવ, તેમની પત્ની રાબડી દેવી અને પુત્રી મીસા ભારતીને નોકરી બદલ જમીન કેસમાં દિલ્હીની કોર્ટમાં રજૂ કરવામાં આવ્યા હતા. જેમાં તેને જામીન મળ્યા હતા. હવે સીબીઆઈ નોકરી કૌભાંડ કેસમાં તેજસ્વી યાદવની પૂછપરછ કરી રહી છે. નોકરીના બદલામાં જમીન કૌભાંડમાં લાલુ યાદવના પરિવારની મુશ્કેલીઓ ઓછી થવાનું નામ નથી લઈ રહી. એક તરફ સીબીઆઈ આજે આરજેડી સુપ્રીમો લાલુ યાદવના પુત્ર અને બિહારના નાયબ મુખ્યમંત્રી તેજસ્વી યાદવની પૂછપરછ કરવા જઈ રહી છે, તો બીજી તરફ લાલુ યાદવની પુત્રી મીસા ભારતીને એન્ફોર્સમેન્ટ ડિરેક્ટોરેટ (ED) દ્વારા સમન્સ પાઠવવામાં આવ્યું છે. મીસા ભારતી આ પૂછપરછ માટે હમણાં જ ED ઓફિસ પહોંચી છે.
કૌભાંડના પૈસાથી પ્રોપટી ખરીદવાનો આરોપ
સવાલોના જવાબ આપવા માટે તેણે શનિવારે જ ED ઓફિસમાં હાજર થવું પડશે. CBI આ મામલે તપાસ કરી રહી છે, પરંતુ ED આ કૌભાંડમાં મની લોન્ડરિંગની તપાસ કરી રહી છે. આ પહેલા ગયા વર્ષે જુલાઈ અને ડિસેમ્બર મહિનામાં પણ EDએ મીસા ભારતી અને તેના પતિ શૈલેષને પૂછપરછ માટે બોલાવ્યા હતા.ઈડીના એક અધિકારીના જણાવ્યા અનુસાર મિસા ભારતીએ આ કૌભાંડમાંથી મળેલી રકમથી દિલ્હીના બિજવાસનમાં પ્રોપર્ટી ખરીદી હતી.
આ મામલે શું તેજસ્વીની થશે ધરપકડ?
જોકે, સીબીઆઈએ કોર્ટને ખાતરી આપી હતી કે તે તેજસ્વી યાદવની ધરપકડ નહીં કરે. આ શરતે તેજસ્વી યાદવે 25 માર્ચ એટલે કે આજે વ્યક્તિગત રીતે સીબીઆઈ સમક્ષ હાજર થવાની ખાતરી આપી હતી. સીબીઆઈએ કોર્ટમાં કહ્યું હતું કે તેજસ્વી યાદવને અગાઉ પણ સમન્સ પાઠવવામાં આવ્યા હતા. આ કેસમાં અમારી ચાર્જશીટ લગભગ પૂર્ણ થઈ ગઈ છે. અમે આ મહિને રિપોર્ટ રજૂ કરવાની તૈયારી કરી રહ્યા છીએ. આ પછી નક્કી થયું કે આજે બિહારના ડેપ્યુટી સીએમ તેજસ્વી યાદવ પૂછપરછ માટે સીબીઆઈ હેડક્વાર્ટર પહોંચ્યા છે.
