કેનેડાથી લઈને પાકિસ્તાન સુધી ઠાર કરવામાં આવી રહ્યા છે ભારતના દુશ્મનો, જાણો સમગ્ર વિગત
કૈસર ફારૂક કરાચીના પોર્ટ કાસિમમાં આવેલી જામિયા મસ્જિદનો ઈમામ હતો. જ્યારે તેના પર હુમલો થયો ત્યારે તે કરાચીના સોહરાબ ગોથ વિસ્તારમાં હતો. ફારૂક ખૈબર પખ્તુનખ્વાના ડેરા ઈસ્માઈલ ખાનનો રહેવાસી હતો. તે ભારતના મોસ્ટ વોન્ટેડ આતંકવાદીઓની યાદીમાં સામેલ હતો. કરાચીમાં તેની હત્યા બાદ કોઈ સંગઠને આ હુમલાની જવાબદારી લીધી નથી.
ખાલિસ્તાની આતંકવાદી હરદીપ સિંહ નિજ્જર, પરમજીત સિંહ પંજવાર, અવતાર સિંહ ઉર્ફે ખંડા, પાકિસ્તાની આતંકવાદી મુફ્તી કૈસર ફારૂક એ આતંકવાદના ચાર ચહેરા છે જેઓ છેલ્લા 6 મહિનામાં માર્યા ગયા છે. મુફ્તી કૈસર ફારૂક પાકિસ્તાનનો મોસ્ટ વોન્ટેડ આતંકવાદી હતો. આ આતંકી હાફિઝ સઈદના સંગઠન લશ્કર-એ-તૈયબાનો કમાન્ડર હતો અને તે કરાચીમાં માર્યો ગયો હતો. 30 સપ્ટેમ્બરની સાંજના સીસીટીવી વીડિયોમાં 10 લોકો જોવા મળી રહ્યા છે. ગોળીનો અવાજ સાંભળીને પાછળથી ચાલતો વ્યક્તિ અચાનક નીચે ઝૂકી ગયો. તે મુફ્તી કૈસર ફારૂક હતો.
આ પછી નાસભાગ મચી ગઈ હતી. કેટલાક બાળકો અને નજીકમાં ચાલતો એક માણસ ભાગવા લાગ્યો. પાછળ ચાલી રહેલા ફારૂક કૈસર જમીન પર પડ્યો હતો. આ પછી તેના પર ફરીથી ગોળીબાર કરવામાં આવ્યો અને તે માર્યો ગયો. કરાચી પોલીસના જણાવ્યા અનુસાર બાઇક સવારોએ ફારૂક પર ગોળીબાર કર્યો હતો. બાઇક સવારોની ઓળખ થઇ નથી. ફારુકને હત્યા માટે ટાર્ગેટ કરવામાં આવ્યો છે. ફાયરિંગમાં ફારૂકની સાથે રહેલો એક બાળક થોડો ઘાયલ થયો હતો.
લશ્કર-એ-તૈયબાના કમાન્ડર હાફિઝ સઈદ માટે આ બેવડો ફટકો છે, કારણ કે એવો દાવો કરવામાં આવી રહ્યો છે કે હાફિઝ સઈદનો એક પુત્ર પણ ઘણા દિવસોથી ગુમ છે અને હવે માર્યો ગયેલો કૈસર ફારૂક હાફિઝ સઈદનો નજીક હતો. હાફિઝ સઈદ હાલમાં જેલમાં છે અને તેના સૌથી નજીકના કમાન્ડરની અજાણ્યા હુમલાખોરો દ્વારા હત્યા કરવામાં આવી છે.
કૈસર ફારૂક કરાચીના પોર્ટ કાસિમમાં આવેલી જામિયા મસ્જિદનો ઈમામ હતો. જ્યારે તેના પર હુમલો થયો ત્યારે તે કરાચીના સોહરાબ ગોથ વિસ્તારમાં હતો. ફારૂક ખૈબર પખ્તુનખ્વાના ડેરા ઈસ્માઈલ ખાનનો રહેવાસી હતો. તે ભારતના મોસ્ટ વોન્ટેડ આતંકવાદીઓની યાદીમાં સામેલ હતો. કરાચીમાં તેની હત્યા બાદ કોઈ સંગઠને આ હુમલાની જવાબદારી લીધી નથી. કરાચી પોલીસ બાઈક સવારો વિશે કોઈ માહિતી મેળવી શકી નથી. કરાચી પોલીસનો દાવો છે કે ફારુક વિરુદ્ધ કોઈ એફઆઈઆર નથી અને તેનો કોઈ ગુનાહિત રેકોર્ડ નથી, પરંતુ સત્ય અલગ છે.
મુફ્તી કૈસર ફારૂક કાશ્મીરમાં ઘૂસણખોરી કરાવતો હતો
- મુફ્તી કૈસર ફારૂક લશ્કર-એ-તૈયબાનો કમાન્ડર હતો, તે 14 વર્ષની વયે લશ્કર સંગઠનમાં જોડાયો હતો.
- કરાચીમાં લશ્કર સંગઠન માટે ભરતી કરતો હતો
- તેણે જેલમાં બંધ હાફિઝ સઈદનું કામ સંભાળ્યું હતું.
- તે કાશ્મીરમાં ઘૂસણખોરી કરવાના ઓપરેશન માટે પણ જવાબદાર હતો.
- એપ્રિલ 2022માં તેણે શ્રીનગરમાં G20 કોન્ફરન્સ પર હુમલાની યોજના બનાવી હતી.
- એપ્રિલ 2022માં લશ્કરના 7 આતંકવાદીઓ ભીમ્બર ગલીમાં ઘૂસ્યા હતા.
- આ આતંકવાદીઓએ RPG સાથે રાષ્ટ્રીય રાઈફલ્સના એક ટ્રક પર હુમલો કર્યો હતો.
- આ હુમલામાં રાષ્ટ્રીય રાઈફલ્સના પાંચ જવાન શહીદ થયા હતા.
- મિકેનિક ઝહુર ઈબ્રાહીમ ઉર્ફે જમાલીની હત્યા
ભારતનો આ દુશ્મન કરાચીમાં માર્યો ગયો છે. છેલ્લા કેટલાક સમયથી પાકિસ્તાનમાં ભારત પર હુમલો કરવાની યોજના બનાવી રહેલા આતંકવાદીઓ પર રહસ્યમય હુમલાઓ થઈ રહ્યા છે અને તેમની સંખ્યા વધી રહી છે. કૈસર ફારૂક પહેલા પણ મોસ્ટ વોન્ટેડ આતંકીની આવી જ રીતે હત્યા કરવામાં આવી હતી. 1 માર્ચ, 2022 ના રોજ, પાકિસ્તાનથી સમાચાર આવ્યા કે ભારતીય એરલાઇન IC 814 હાઇજેકર મિકેનિક ઝહૂર ઇબ્રાહિમ ઉર્ફે જમાલીની હત્યા કરવામાં આવી છે. ઝહૂર મિસ્ત્રી કરાચીની અખ્તર કોલોનીમાં હાજર હતો અને તે જ સમયે બે બાઇક સવારોએ તેના પર ગોળીઓ ચલાવી.
ઝહૂર મિસ્ત્રી પાકિસ્તાનમાં આતંકવાદીઓના જૂથનો લીડર હતો, જેને ભારત ઘણા સમયથી શોધી રહ્યું હતું અને તે ISIના રક્ષણ હેઠળ જીવી રહ્યો હતો. મિસ્ત્રી જૈશ-એ-મોહમ્મદનો આતંકવાદી હતો અને 24 ડિસેમ્બર 1999ના રોજ ઈન્ડિયન એરલાઈન્સના આઈસી 814નો હાઈજેકર હતો. ભારતીય વિમાનના અપહરણમાં મિસ્ત્રીની સાથે મસૂદ અઝહરનો ભાઈ રઉફ અને ઈબ્રાહિમ અઝહર સામેલ હતો. મિસ્ત્રી એ આતંકવાદી હતો જેણે વિમાનમાં બેઠેલા ભારતીય નાગરિક રૂપિન કાત્યાલની હત્યા કરી હતી.
આ પણ વાંચો : મણિપુરમાં 2 યુવકોની હત્યાના મુખ્ય આરોપીની ધરપકડ, CM બિરેને કહી આ વાત
હાઇજેક થયેલા પ્લેનને કંદહાર લઇ જવામાં આવ્યા બાદ ભારત સરકારે મસૂદ અઝહરને છોડવો પડ્યો હતો, પરંતુ 23 વર્ષ બાદ 1 માર્ચ 2022ના રોજ મિસ્ત્રીની અજાણ્યા લોકોએ હત્યા કરી નાખી હતી. પાકિસ્તાનમાં રહેતા ઝહૂર મિસ્ત્રીએ પોતાનું નામ બદલીને ઝાહિદ અખુંદ રાખ્યું હતું. ઝહૂર કરાચીની અખ્તર કોલોનીમાં રહેવા લાગ્યો. ઝહૂર કરાચીમાં ક્રેસન્ટ ફર્નિચરના નામથી ફર્નિચરનો વ્યવસાય ચલાવતો હતો. 1 માર્ચે ઝહૂર પર બે અજાણ્યા બાઇક સવારોએ હુમલો કર્યો હતો. ઝહુરનું ઘટનાસ્થળે જ મોત થયું હતું. પોલીસને સ્થળ પરથી 5 ખાલી કારતુસ મળી આવ્યા હતા.
