ગીરના જંગલમાં માતૃત્વનો અદ્ભુત નઝારો, સિંહણે હરણના માસૂમ બચ્ચાનો જીવ બચાવ્યો – જુઓ Video

જૂનાગઢના ગીર અભયારણ્યમાંથી માતૃત્વની લાગણી દર્શાવતો એક અદ્ભુત વીડિયો સામે આવ્યો છે, જેને વાઇલ્ડ લાઇફ ફોટોગ્રાફર મિહિર પટેલે પોતાના કેમેરામાં કેદ કર્યો છે. સામાન્ય રીતે સિંહ હરણને જોતાં જ તેનો શિકાર કરી લેતો હોય છે. જો કે, આ કિસ્સામાં એક સિંહણે હરણના માસૂમ બચ્ચાનો શિકાર કરવાને બદલે તેને પોતાના મોંમાં ઊંચકીને જંગલમાં સુરક્ષિત જગ્યાએ દૂર મૂકી આવી હતી.

આટલું જ નહીં, જ્યારે બીજો સિંહ તે બચ્ચાની નજીક આવ્યો ત્યારે સિંહણે ઘૂરકીને તેને પણ ત્યાંથી ભગાડી દીધો હતો. આ દ્રશ્યો પરથી કવિતાની પંક્તિ “જનનીની જોડ સખી નહીં જડે રે લોલ” સાચી ઠરે છે, કારણ કે માતાનો પ્રેમ નિઃસ્વાર્થ હોય છે.

ફોટોગ્રાફર મિહિર પટેલે આ અનુભવ વર્ણવતા જણાવ્યું હતું કે, માતૃત્વની લાગણીથી ભરેલા આવા દ્રશ્યો ભાગ્યે જ જોવા મળે છે અને તેને જીવનમાં ક્યારેય ભૂલી શકાય તેમ નથી.

Breaking News : ભાજપના મેન્ડેટ પહેલાં જ ચેરમેન નક્કી કરવાની કવાયત? સાબર ડેરીમાં બાબુ બારદાનની ભૂમિકા ચર્ચામાં