Hijab Row: શાળાઓ અને કોલેજોમાં હિજાબ પહેરવાની છૂટ આપવામાં આવશે કે કેમ ? ટૂંક સમયમાં લેવાશે નિર્ણય, કર્ણાટક હાઈકોર્ટે અનામત રાખ્યો આદેશ

TV9 GUJARATI

TV9 GUJARATI | Edited By: Bhavesh Bhatti

Updated on: Feb 25, 2022 | 5:14 PM

આ મામલાની સુનાવણી કર્ણાટક હાઈકોર્ટની બેન્ચે ચર્ચા પૂરી થયા બાદ આ મામલે પોતાનો નિર્ણય અનામત રાખ્યો છે. ગુરુવારે, હાઈકોર્ટે હિજાબ કેસમાં વકીલોને શુક્રવાર સુધીમાં તેમની દલીલો પૂર્ણ કરવા કહ્યું હતું.

Hijab Row: શાળાઓ અને કોલેજોમાં હિજાબ પહેરવાની છૂટ આપવામાં આવશે કે કેમ ? ટૂંક સમયમાં લેવાશે નિર્ણય, કર્ણાટક હાઈકોર્ટે અનામત રાખ્યો આદેશ
Hijab Controversy - Symbolic Image

શાળા અને કોલેજોમાં હિજાબ (Hijab) પહેરવાની છૂટ આપવામાં આવશે કે કેમ તે અંગે કર્ણાટક હાઈકોર્ટ (Karnataka High Court) ટૂંક સમયમાં પોતાનો ચુકાદો આપશે. આ મામલાની સુનાવણી કર્ણાટક હાઈકોર્ટની બેન્ચે ચર્ચા પૂરી થયા બાદ આ મામલે પોતાનો નિર્ણય અનામત રાખ્યો છે. ગુરુવારે, હાઈકોર્ટે હિજાબ કેસમાં વકીલોને શુક્રવાર સુધીમાં તેમની દલીલો પૂર્ણ કરવા કહ્યું હતું. કોર્ટે સંકેત આપ્યો હતો કે તે આ કેસમાં જલ્દી જ પોતાનો ચુકાદો સંભળાવશે. હાઈકોર્ટના ચીફ જસ્ટિસ રિતુ રાજ અવસ્થીએ વકીલોને કહ્યું કે શુક્રવાર સુધીમાં દલીલો પૂરી થઈ જવી જોઈએ. ચીફ જસ્ટિસ સહિત ત્રણ જજોની બેન્ચે આ મામલે સુનાવણી કરી હતી. મુખ્ય ન્યાયાધીશે સંબંધિત પક્ષકારોને બેથી ત્રણ દિવસમાં તેમની લેખિત રજૂઆતો રજૂ કરવા પણ કહ્યું હતું.

દરમિયાન એડવોકેટ દેવદત્ત કામતે જણાવ્યું હતું કે તેમના ક્લાયંટ સહ-શૈક્ષણિક કૉલેજમાં અભ્યાસ કરે છે, જ્યાં તેણે બે વર્ષ પહેલાં પ્રવેશ લીધો હતો. કામતના કહેવા પ્રમાણે, તે કોલેજમાં જોડાઈ ત્યારથી તે હિજાબ પહેરતી હતી, પરંતુ અચાનક તેના પર પ્રતિબંધ લાદી દેવામાં આવ્યો.

કામતે કોર્ટને જણાવ્યું હતું કે તેઓ હિજાબ પર કોઈ સામાન્ય ઘોષણા માટે પૂછતા ન હતા કે તે આવશ્યક ધાર્મિક પ્રથાનો ભાગ છે, પરંતુ તેમની દલીલ 5 ફેબ્રુઆરીના સરકારી આદેશથી સંબંધિત છે જે તમામ વિદ્યાર્થીઓને આવા કપડાં પહેરવા પર પ્રતિબંધ મૂકે છે જેનાથી શાંતિ, સંવાદિતા અને જાહેર વ્યવસ્થામાં ખલેલ પડવાની શક્યતા છે.

કામતે કહ્યું કે આ ઓર્ડર રદ થવો જોઈએ. વકીલે દલીલ કરી, જો સરકારી આદેશને બાજુ પર રાખવામાં આવે છે, તો કલમ 25 હેઠળ મૂળભૂત અધિકારના ઉપયોગ પર કોઈ પ્રતિબંધ રહેશે નહીં. કોર્ટે કહ્યું, શૈક્ષણિક સંસ્થામાં નિર્ધારિત યુનિફોર્મ છે, તો પછી હિજાબ પહેરવાનો આગ્રહ કેવી રીતે કરી શકીએ?

તેના જવાબમાં ચીફ જસ્ટિસ એ જાણવા માગતા હતા કે નિર્ધારિત યુનિફોર્મ ધરાવતી શૈક્ષણિક સંસ્થામાં તેઓ હિજાબ પહેરવાનો આગ્રહ કેવી રીતે કરી શકે અને અરજદારનો મૂળભૂત અધિકાર શું છે? તેમણે કામતને એ પણ સ્થાપિત કરવા કહ્યું કે હિજાબ ધાર્મિક પ્રથાનો એક ભાગ છે.

જસ્ટિસ અવસ્થીએ કહ્યું, અમે કોઈ પ્રતિબંધની વાત નથી કરી રહ્યા. અમે ફક્ત તમારા અધિકારની વાત કરી રહ્યા છીએ, જેના માટે તમે આગ્રહ કરી રહ્યા છો. જવાબમાં કામતે બેન્ચેને કહ્યું કે આ અધિકાર કુરાન અને હદીસમાંથી લેવામાં આવ્યો છે. તાજેતરમાં, ઉડુપીની એક કોલેજમાં હિજાબ પહેરેલી છોકરીઓને ક્લાસમાં પ્રવેશતા અટકાવ્યા બાદ મામલો શરૂ થયો હતો. બાદમાં વિદ્યાર્થિનીઓ કોર્ટમાં ગઈ હતી.

આ પણ વાંચો : દેશમાં કોરોના સંક્રમણના કેસ ઘટતા ગૃહ મંત્રાલયે રાજ્યોને લખ્યો પત્ર, શાળા-કોલેજ અને જીમ ખોલવાની આપી સૂચના

આ પણ વાંચો : મહારાષ્ટ્ર : નવાબ મલિકની કરવામાં આવશે મેડિકલ તપાસ, આટલા દિવસ સુધી મંત્રી રહેશે કસ્ટડીમાં

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati