Jyoti Maurya Case Effect : એક કેસની થઇ રહી છે ખરાબ અસર ! સ્પર્ધાત્મક પરીક્ષાની તૈયારી કરી રહેલી પરણિત મહિલાઓને પાછા બોલાવી રહ્યા છે તેમના પતિ
જ્યોતિ મૌર્ય કેસ બાદ દેશભરમાં અસર જોવા મળી રહી છે, ઘણા પુરુષોએ સ્પર્ધાત્મક પરીક્ષાની તૈયારી કરતી તેમની પત્નીઓને શંકાની નજરે જોવાનું શરૂ કર્યું છે,કોચિંગ ક્લાસના સંચાલકોનો દાવો છે કે મહિલાઓના પતિઓ તેમને કોચિંગ માંથી પાછા બોલાવી રહ્યા છે.
પ્રયાગરાજના જ્યોતિ મૌર્ય કેસ બાદ દેશભરમાં ઘણા પુરુષોએ સ્પર્ધાત્મક પરીક્ષાની તૈયારી કરતી તેમની પત્નીઓને શંકાની નજરે જોવાનું શરૂ કર્યું છે, તાજેતરમાં સમાચાર આવ્યા હતા કે પ્રયાગરાજમાં પીસીએસની તૈયારી કરી રહેલી ઘણી મહિલાઓને તેમના પતિ દ્વારા ઘરે જવા માટે મજબૂર કરવામાં આવી હતી. કોચિંગ ક્લાસના સંચાલકોનો દાવો છે કે મહિલાઓના પતિઓ તેમને કોચિંગ માંથી પાછા બોલાવી રહ્યા છે.
બિહારના બક્સરમાંથી એક કિસ્સો સામે આવ્યો છે
બિહારના બક્સરમાંથી એક કિસ્સો પ્રકાશમાં આવ્યો છે, જ્યાં પિન્ટુ નામના વ્યક્તિએ તેની પત્ની ખુશ્બુનું કોચિંગ છોડાવ્યું હતું. તેણે કહ્યું કે તે તેની પત્નીને પ્રેમ કરે છે અને નથી ઈચ્છતો કે તે વરિષ્ઠ અધિકારી બન્યા પછી જ્યોતિ મૌર્યની જેમ તેને છોડી દે. તેણે જ્યોતિના ઘણા વીડિયો જોયા છે. બીજી તરફ ખુશ્બુનું કહેવું છે કે તે BPSC કોચિંગ કરીને ઓફિસર બનવા માંગે છે. પરંતુ જ્યોતિનો વીડિયો વાયરલ થયા બાદ તેનો પતિ તેને કોચિંગમાં ભણવા દેતો નથી.
बिहार के बक्सर में पति ने पत्नी की पढ़ाई रुकवायी,बोला दूसरी ज्योति मौर्या बनने की ज़रूरत नहीं.!
यूपी में मौर्या पति -पत्नी विवाद के बाद ग़ज़ब का दहशत है देश के पतियों में …! pic.twitter.com/rt0Z7CW7Py
— Mukesh singh (@Mukesh_Journo) July 5, 2023
ખાન સરના કોચિંગમાંથી 93 વિદ્યાર્થીનીઓના પતિએ તેમના નામ પાછા લેવડાવ્યા
SDM #JyotiMaurya के कांड होने के बाद खान सर के कोचिंग में से 93 स्टूडेंट के पति ने नाम कटा कर वापस ले गया#JyotiMaurya #TejRan #AbhishekIsTheBoss #Chandrayaan3 #UnRivalledThalapathyVIJAY #SalaarTeaser#JyotiMaurya pic.twitter.com/8UbVCwqiiq
— Malvar Kumar (@MalvarKumar) July 5, 2023
જ્યોતિ મૌર્યની ઘટના પછી સતત પરણિત વિદ્યાર્થીનીઓના પતિ કોચિંગ ક્લાસમાંથી પત્નિઓના નામ પાછા લેવડાવી લીધા છે. આ દરિયાનમાં ફેમસ યુટ્યુબર અને કોચિંગ ચલાવતા ખાનસરના કોચિંગ માંથી 93 વિદ્યાર્થીનીઓના પતિએ નામ પાછા ખેચાવી લેવાનો વીડિયો સામે આવ્યો છે.
કોણ છે જ્યોતિ મૌર્ય
જ્યોતિ મૌર્ય ઉત્તર પ્રદેશના બનારસની રહેવાસી છે. તેના પિતા નાની દુકાન ચલાવે છે. જ્યોતિના લગ્ન વર્ષ 2010માં આલોક સાથે થયા હતા. તે સમયે તે ગ્રેજ્યુએશન કરી રહી હતી. આલોક મૌર્ય સાથે લગ્ન બાદ જ્યોતિએ પોતાનું ગ્રેજ્યુએશન પૂરું કર્યું.
જ્યોતિ મૌર્ય અને આલોક વચ્ચે શું છે વિવાદ
જ્યોતિ મૌર્ય અને આલોક વચ્ચેનો વિવાદ વર્ષ 2020નો છે. હકીકતમાં, આલોક મૌર્ય ઉત્તર પ્રદેશના પંચાયતી રાજ વિભાગમાં પોસ્ટ કરાયેલા વર્ગ 4 નો કર્મચારી છે, જ્યારે તેમની પત્ની જ્યોતિ મૌર્ય બરેલીમાં પોસ્ટેડ PCS અધિકારી છે. આલોકનો એક વીડિયો વાયરલ થયો છે જેમાં તેણે તેની પત્ની એસડીએમ જ્યોતિ અને તેના પ્રેમી મનીષ દુબે (હોમગાર્ડ કમાન્ડન્ટ) પર તેની હત્યાનું કાવતરું ઘડવાનો આરોપ લગાવ્યો છે. આલોકનો આરોપ છે કે ગાઝિયાબાદમાં હોમગાર્ડ કમાન્ડન્ટ તરીકે તૈનાત મનીષ સાથે જ્યોતિનું અફેર છે. તેણે લખનૌની એક હોટલમાં બંનેને સાથે પકડી લીધા હતા. હાલમાં SDM જ્યોતિ અને આલોક મૌર્ય વચ્ચેનો આ વિવાદ આ દિવસોમાં ખૂબ ચર્ચામાં છે.
