ગામ અને નાના શહેરોમાં પણ થઈ શકશે કોરોના ટેસ્ટ, સરકારે લોન્ચ કરી મોબાઈલ લેબ
દેશભરમાં કોરોના વાઈરસના કેસમાં સતત ઉછાળો જોવા મળી રહ્યો છે. સરકાર પણ કોરોના ટેસ્ટની કિંમત ઘટાડી રહી છે અને તેના લીધે વધારેમાં વધારે ટેસ્ટ થઈ શકે તેના પર જોર આપવામાં આવી રહ્યું છે. ગુરુવારના રોજ કેન્દ્રીય સ્વાસ્થ્ય મંત્રી ડૉ. હર્ષવર્ધને એક મોબાઈલ લેબ લોંચ કરી છે. આ લેબમાં કોરોના ટેસ્ટ થઈ શકશે અને તે દેશના […]
દેશભરમાં કોરોના વાઈરસના કેસમાં સતત ઉછાળો જોવા મળી રહ્યો છે. સરકાર પણ કોરોના ટેસ્ટની કિંમત ઘટાડી રહી છે અને તેના લીધે વધારેમાં વધારે ટેસ્ટ થઈ શકે તેના પર જોર આપવામાં આવી રહ્યું છે. ગુરુવારના રોજ કેન્દ્રીય સ્વાસ્થ્ય મંત્રી ડૉ. હર્ષવર્ધને એક મોબાઈલ લેબ લોંચ કરી છે. આ લેબમાં કોરોના ટેસ્ટ થઈ શકશે અને તે દેશના કોઈપણ વિસ્તારમાં જઈને ટેસ્ટ કરી શકશે. દેશમાં આ પ્રકારે પ્રથમ મોબાઈલ લેબ બનાવવામાં આવી છે.
https://twitter.com/drharshvardhan/status/1273478034851368960?s=20
આધુનિક સુવિધાઓ સાથે સજ્જ છે આ મોબાઈલ લેબ
સરકારે જાણકારી આપી તે મુજબ આ લેબની મદદથી દરરોજ 25 કોરોના વાઈરસના ટેસ્ટ RT-PCR ટેકનોલોજીથી, 300 ટેસ્ટ ELISA ટેકનોલોજીથી કરી શકાશે. આ સિવાય ટીબી અને એચઆઈવીનું પણ પરીક્ષણ આ મોબાઈલ લેબમાં થઈ શકશે. આ મોબાઈલ લેબ આધુનિક સુવિધાઓ સાથે તૈયાર કરવામાં આવી છે.
ભારત સરકારે જાણકારી આપી કે આ મોબાઈલ લેબનો એવી જગ્યા પર ઉપયોગ કરવામાં આવશે જ્યાં કોઈ માળખાકીય મેડિકલ સુવિધા ઉપલબ્ધ નથી. આથી ગામ, નાના શહેરોમાં સારી રીતે મેડિકલ સુવિધા લોકોને મળી શકશે. આ દરમિયાન કેન્દ્રીય સ્વાસ્થ્ય મંત્રી ડૉ.હર્ષવર્ધને જાણકારી આપી કે ફેબ્રુઆરી,2020માં ભારતની પાસે કોરોનાને લઈને એક જ લેબ કાર્યરત હતી.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો
આજે દેશમાં 953 લેબ કોરોના ટેસ્ટ માટે કાર્યરત છે. જેમાં 700 સરકારી લેબ છે. આમ વધુમાં વધુ સંખ્યામાં કોરોના વાઈરસના ટેસ્ટ કરી શકાશે. ઉલ્લેખનીય છે કે ભારતમાં કોરોના વાઈરસ સામેની લડાઈમાં 63 લાખ ટેસ્ટ થઈ ચૂક્યાં છે. દરરોજ ભારતમાં કોરોનાના 1 લાખથી વધારે ટેસ્ટ કરવામાં આવી રહ્યાં છે.
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]