VIDEO : ‘અમે અશક્યને શક્ય બનાવીએ છીએ’, ભારતીય સેનાનો વધુ એક વીડિયો થયો વાયરલ
ભારતીય સેનાના બહાદુર જવાનો 14000 ફૂટની ઉંચાઈ પર ક્રિકેટ રમતા જોવા મળ્યા હતા. આજે જે વીડિયો સામે આવ્યો છે તેમાં જવાનો ઘોડા પર પેટ્રોલિંગ કરતા જોવા મળી રહ્યા છે.
પૂર્વ લદ્દાખની ગાલવાન ઘાટીમાં ક્રિકેટ રમ્યા બાદ હવે ભારતીય સેનાનો વધુ એક વીડિયો સોશિયલ મીડિયા પર ઝડપથી વાયરલ થઈ રહ્યો છે. આ વીડિયોમાં જોવા મળી રહ્યું છે કે ગાલવાન ખીણમાં LAC પાસે તૈનાત ભારતીય સેનાએ ઘોડા અને ખચ્ચર પરના વિસ્તારોનું સર્વેક્ષણ કર્યું હતું. એટલું જ નહીં, ભારતીય સેના સ્થિર પેંગોંગ તળાવ પર હાફ મેરેથોન જેવી પ્રવૃત્તિઓ કરતી પણ જોવા મળી હતી.
જુઓ વીડિયો
#WATCH | Indian Army formations deployed near the Galwan valley have undertaken extreme activities such as surveying the areas near the Line of Actual Control on horses and ponies and half marathon over the frozen Pangong lake in recent months pic.twitter.com/81rwqPdUnH
— ANI (@ANI) March 4, 2023
14000 ફૂટની ઊંચાઈએ જવાનોના ચોકા-છક્કા !
ઉલ્લેખનીય છે કે ગઈકાલે ગલવાનની કેટલીક તસવીરો પણ સામે આવી હતી જેમાં ભારતીય સેનાના બહાદુર જવાનો 14000 ફૂટની ઉંચાઈ પર ક્રિકેટ રમતા જોવા મળ્યા હતા. પટિયાલા બ્રિગેડના ત્રિશુલ વિભાગે આ ક્રિકેટ ટૂર્નામેન્ટનું આયોજન ઊંચાઈવાળા વિસ્તારમાં કર્યું હતુ. ભારતીય સેનાના જવાનો માઈનસ ઝીરો ડિગ્રી તાપમાનમાં પણ પૂરા જોશ અને ઉત્સાહ સાથે ક્રિકેટ રમ્યા હતા. ભારતીય સેનાએ ટ્વીટ કર્યું હતુ કે અમે અશક્યને શક્ય બનાવીએ છીએ.
આપને જણાવી દઈએ કે ગલવાન અથડામણમાં 20 ભારતીય સૈનિકો અને 42 ચીની સૈનિકો શહીદ થયા હતા. આ ઘટના ત્યારે બની જ્યારે રાત્રે ગાલવાન ઘાટી પાસે બંને દેશો વચ્ચે વાતચીત બાદ સ્થિતિ સામાન્ય થઈ રહી હતી.
