ઓળખથી લઈને હથિયારો સુધીના પુરાવાઓ સાબિત કરે છે કે, પાકિસ્તાની આતંકીઓએ જ પહેલગામમાં કર્યો હતો હુમલો

જમ્મુ અને કાશ્મીરના પહેલગામના બૈસરનમાં ગત 22 એપ્રિલે આતંકવાદીએ પ્રવાસે આવેલાઓને ધર્મ પુછી પુછીને હુમલો કર્યો હતો. આ પછી સુરક્ષા દળોએ ઓપરેશન ‘મહાદેવ’ થકી ત્રણ આતંકવાદીઓને ઠાર માર્યા હતા. આ એ જ આતંકવાદી હતા જેમણે પહેલગામમાં લોકોને ધર્મ પુછી પુછીને ગોળીએ ઠાર માર્યા હતા. ઓપરેશન મહાદેવમાં ઠાર મરાયેલા આતંકવાદીઓ પાસેથી મળેલા બધા પુરાવા સ્પષ્ટ કરે છે કે આ આતંકવાદીઓ પાકિસ્તાની હતા.

28 જુલાઈના રોજ, જમ્મુ અને કાશ્મીરના દાચીગામ-હરવન જંગલમાં એક મોટા ઓપરેશન ‘મહાદેવ’માં, સુરક્ષા દળોએ પહેલગામ હુમલાના ત્રણ આતંકવાદીઓને ઠાર માર્યા હતા. આ આતંકવાદીઓએ 22 એપ્રિલ 2025ના રોજ બૈસરનની ખીણોમાં 26 નિર્દોષ નાગરિકોની ગોળી મારીને હત્યા કરી હતી. માર્યા ગયેલાઓમાં મોટાભાગના લોકો હિન્દુ પ્રવાસીઓ હતા.

ઓપરેશન મહાદેવમાં ઠાર મરાયેલા આતંકવાદીઓ પાસેથી નક્કર પુરાવા મળી આવ્યા છે, તેનાથી સ્પષ્ટ થઈ ગયું છે કે આ ત્રણેય આતંકવાદીઓ પાકિસ્તાની નાગરિકો અને લશ્કર-એ-તૈયબાના કમાન્ડરો હતા.

આ આતંકવાદીઓ કોણ હતા?

ત્રણેય આતંકવાદીઓ લશ્કર-એ-તૈયબાના ટોચના કમાન્ડર હતા

સાચુ નામ અને તેમના કોડનેમ

• સુલેમાન શાહ @ ફૈઝલ જટ્ટ….રેન્ક-એ++ કમાન્ડર…
• ભૂમિકા—માસ્ટરમાઇન્ડ અને મુખ્ય શૂટર
• અબુ હમઝા– અફઘાન, રેન્ક-એ ગ્રેડ
• ભૂમિકા—બીજો શૂટર
• યાસિર-જિબ્રાન, રેન્ક એ ગ્રેડ
• ભૂમિકા—ત્રીજો શૂટર અને પાછળનો સુરક્ષાબળ

કયા પુરાવા મળ્યા?

• પાકિસ્તાની ઓળખ કાર્ડ
• બે મતદાર ઓળખ કાર્ડ મળી આવ્યા, એક લાહોરની મતદાર યાદી સાથે જોડાયેલું અને એક ગુજરાત (પાકિસ્તાન)નું.
• સેટેલાઇટ ફોનમાંથી સ્માર્ટ આઈડી ચિપ મળી આવી હતી અને ત્રણેયનો બાયોમેટ્રિક ડેટા NADRA (પાકિસ્તાની નેશનલ ડેટા બેઝ) સાથે જોડાયેલો હતો, જે માઇક્રો-એસડીમાં મળી આવ્યો હતો.
• કરાચીમાં બનેલા કેન્ડીલેન્ડ અને ચોકોમેક્સના ચોકલેટ રેપર પણ એ જ બેગમાંથી મળી આવ્યા હતા જેમાં વધારાની ગોળીઓ હતી. રેપરનો બેચ નંબર મે 2024 માં મુઝફ્ફરાબાદ મોકલવામાં આવેલા કન્સાઇનમેન્ટનો ભાગ હતો.

ફોરેન્સિક તપાસ

• બૈસરનમાં મળેલા 7.62×39 mm કારતૂસ ઓપરેશનમાં મળેલા એ જ AK-103 રાઇફલ્સ સાથે મેળ ખાય છે.
• મૃત આતંકવાદીઓના DNA પ્રોફાઇલ 22 એપ્રિલના રોજ ઘટનાસ્થળે ફાટેલા શર્ટ પર મળેલા લોહી સાથે મેળ ખાય છે.

ડિજિટલ પુરાવા

• આતંકવાદીઓ પાસેથી મળેલા ગાર્મિન GPS ડિવાઇસ હુમલાના દિવસે તેઓએ જે રસ્તો અપનાવ્યો હતો તે જ બતાવે છે.
• તેમનો Huawei સેટેલાઇટ ફોન 22 એપ્રિલથી 25 જુલાઈ સુધી દરરોજ રાત્રે સક્રિય રહેતો હતો, જે હરવન જંગલના 4 કિમી વિસ્તારમાં તેમની હાજરીને ટ્રેક કરતો હતો.

આ આતંકવાદીઓ ક્યારે અને કેવી રીતે આવ્યા?

• મે 2022 LOC પાર કરીને ગુરેઝ સેક્ટરમાં પ્રવેશ કર્યો.. IBનો રેડિયો ઇન્ટરસેપ્ટ
• 21 એપ્રિલ, 2025 બસરાન ખીણ નજીક છુપાયેલા બે સ્થાનિક લોકોએ કબૂલાત કરી હતી કે તેઓ તેમને આખી રાત ખોરાક આપતા હતા.
• 22 એપ્રિલ 2025 (સવારે) બૈસરન પહોંચ્યો.. GPS વેપોઇન્ટ અને સાક્ષીઓના નિવેદનો
• 22 એપ્રિલ 2025 (બપોરે 2-30 વાગ્યે) ગોળીબાર કર્યા પછી ભાગી ગયા, ઘટનાસ્થળેથી કારતૂસના મેળ ખાતા અને પછીથી મળેલા હથિયારો

ખોટી ઓળખ પહેલા કેવી રીતે થઈ?

• હુમલા પછી જમ્મુ અને કાશ્મીર પોલીસે જાહેર કરેલા લોકોના સ્કેચ ખરેખર જૂના કેસના ફોટોગ્રાફ્સ પર આધારિત હતા. NIAએ જુલાઈમાં સ્પષ્ટતા કરી હતી કે તે ફોટોગ્રાફ્સ ડિસેમ્બર ૨૦૨૪માં થયેલા એક અલગ એન્કાઉન્ટર સાથે સંબંધિત હતા.

પાકિસ્તાનનો હાથ સ્પષ્ટ છે

• સાજિદ સૈફુલ્લાહ જટ્ટ, જે લશ્કરનો દક્ષિણ કાશ્મીરનો વડા છે, તે પાકિસ્તાની બાજુથી આતંકવાદીઓને ચલાવી રહ્યો હતો.
• રાવલકોટ (પીઓકે) માં લશ્કરનું મોટું નામ રિઝવાન અનીસ, માર્યા ગયેલા આતંકવાદીઓના ઘરે જતો અને ગેરહાજરીમાં નમાઝ (નમાઝ-એ-જનાઝા) કરાવતો જોવા મળ્યો હતો. આ વીડિયો હવે ભારતની તપાસ એજન્સીઓ પાસે છે.

પુરાવાઓની કડી – પરિણામ

• ઓળખ- NADRA ડેટા + મતદાર ID ની પુષ્ટિ
• નાગરિકતા- ભાષાકીય પ્રોફાઇલિંગ + દસ્તાવેજની પુષ્ટિ
• હથિયાર- રાઇફલ અને કારતૂસ મેળ ખાય છે તેની પુષ્ટિ
• મદદગરમાં બે કાશ્મીરીઓની ધરપકડ,
• નિવેદનો અને સહાયક પુરાવા-
• ટેકનિકલ GPS + સેટફોન લોગ

પાકિસ્તાન અંગેના તમામ નાના મોટા મહત્વના સમાચાર જાણવા માટે આપ અહીં ક્લિક કરો.