Election 2021 : કેરળમાં 140 બેઠકો માટે એક જ ચરણમાં યોજાશે મતદાન

Election 2021 : કેરળમાં 140 વિધાનસભા બેઠકો માટે એક જ ચરણમાં મતદાન યોજાશે.

  • Tv9 webdesk42
  • Published On - 17:51 PM, 26 Feb 2021
Election 2021 : કેરળમાં 140 બેઠકો માટે એક જ ચરણમાં યોજાશે મતદાન

Election 2021 : કેન્દ્રીય ચૂંટણીપંચે કેરળ સહીત પાંચ રાજ્યોમાં થનારી વિધાનસભા ચૂંટણીની તારીખો અને વિગતવાર કાર્યક્રમ જાહેર કરી દીધો છે. દેશમાં  કેરળ, તમિલનાડુ, આસામ, પશ્ચિમ બંગાળ અને પુડુચેરીમાં વિધાનસભા ચૂંટણી યોજાવાની છે. 

કેરળ વિધાનસભા ચૂંટણી 2021
કેરળ વિધાનસભા ચૂંટણી 2021 (kerala Assembly Election 2021)ની સમગ્ર વિગતો જોઈએ તો કેરળમાં 140 વિધાનસભા બેઠકો માટે એક જ ચરણમાં, એટલે કે એક જ દિવસમાં 6 અપ્રિલના રોજ મતદાન યોજાશે. અને 2જી મેના રોજ ચૂંટણી પરિણામ આવશે. 

કેરળ: ડાબેરી સામે રાજકીય અસ્તિત્વ બચાવવા પડકાર
દેશમાં કેરળ એકમાત્ર એવું રાજ્ય છે જ્યાં ડાબેરીઓ સત્તામાં છે. ગત ચૂંટણીમાં, ડાબેરી ગઠબંધન એલડીએફએ 140 માંથી 91 બેઠકો જીતીને સરકારની રચના કરી હતી. કેરળમાં એલડીએફને કોંગ્રેસના નેતૃત્વવાળી યુડીએફની સાથે અનેક જગ્યાએ ભાજપ તરફથી પડકારનો સામનો કરવો પડી રહ્યો છે.