જજે ક્રિકેટ કીટની ખરીદીથી લઈ જીમ મેમ્બરશિપનો ખર્ચો પોલીસકર્મીઓ પાસે કરાવ્યો, દિલ્હી પોલીસના SHOએ લગાવ્યા આરોપ

દિલ્હી પોલીસના એક SHO એ સાકેત કોર્ટના જજ પર ગંભીર આરોપ લગાવ્યા છે. હઝરત નિઝામુદ્દીન પોલીસ સ્ટેશનમાં તૈનાત એસએચઓ પંકજ કુમારે દાવો કર્યો હતો કે, જજ કાર્તિક ટપરિયાએ કોર્ટમાં તેમની સાથે ગેરવર્તણૂક કરી હતી. પરંતુ મામલો ફક્ત ગેરવર્તણૂક પૂરતો મર્યાદિત નહોતો. SHO એ પણ કેટલીક એવી વાતો કહી હતી જેના પછી દિલ્હી હાઈકોર્ટે જજ સામે કાર્યવાહી કરી અને તેમને સાકેત કોર્ટમાંથી હટાવી દીધા.

મીડિયા રિપોર્ટમાં જણાવ્યા અનુસાર, SHOએ આરોપ લગાવ્યો છે કે ન્યાયાધીશે તેમને અને અન્ય પોલીસ કર્મચારીઓ પાસેથી ‘વ્યક્તિગત કામ’ પણ કરાવ્યું હતું. SHO એ દાવો કર્યો છે કે જજ ટપરિયાએ ગયા વર્ષે તેમના લગ્નમાં પોલીસકર્મીઓને કામ પર બોલાવ્યા હતા. પંકજ કુમારના જણાવ્યા અનુસાર, જજ કાર્તિક ટાપરિયાના લગ્ન ગયા વર્ષે ડિસેમ્બર મહિનામાં થયા હતા. તેમણે આરોપ લગાવ્યો કે જજના લગ્ન રાજસ્થાનમાં થયા હતા અને નિઝામુદ્દીન પોલીસ સ્ટેશનના કેટલાક પોલીસકર્મીઓ તેમનું કામ કરવા માટે ત્યાં ગયા હતા.

દિલ્હી પોલીસના SHOએ લગાવ્યા આરોપ

જજ કાર્તિક ટાપરિયા જંગપુરા એક્સટેન્શનમાં રહે છે. તેઓ સાકેત કોર્ટમાં ન્યાયાધીશ હતા. હઝરત નિઝામુદ્દીન પોલીસ સ્ટેશન તેમના હેઠળ આવે છે. પંકજે દાવો કર્યો હતો કે પોલીસ સ્ટેશનના બધા કેસ તેમની કોર્ટમાં આવતા હોવાથી, કેટલાક કિસ્સાઓમાં તે અમને હેરાન કરી રહ્યા છે. એસએચઓના મતે, આ બધું એક વર્ષથી ચાલી રહ્યું હતું.

આ ઉપરાંત, SHO એ જણાવ્યું કે જજ ટપરિયાએ તેમની પાસેથી ક્રિકેટ કીટના પૈસા પણ મેળવ્યા હતા. તેણે તેને જીમ મેમ્બરશિપનો ખર્ચ પણ કરાવ્યો.

એસએચઓ પંકજ કુમારે દૈનિક ડાયરીમાં આવી ઘણી ઘટનાઓનો ઉલ્લેખ કર્યો છે. તેમના આરોપો સામે આવ્યા બાદ, દિલ્હી હાઈકોર્ટે જજ કાર્તિક ટાપરિયા સામે કાર્યવાહી કરી છે. તેમને સાકેત કોર્ટમાંથી દૂર કરવામાં આવ્યા છે. દિલ્હી હાઈકોર્ટે 15 જુલાઈના રોજ આ સંદર્ભમાં એક આદેશ પસાર કર્યો હતો.

દેશ અને દુનિયાના તમામ સમાચારો વાંચવા માટે અહીં ક્લિક કરો