Deadliest Train Accident: સૌથી દર્દનાક ટ્રેન દુર્ઘટના 42 વર્ષ પહેલા જૂન મહિનામાં બની હતી, ભેંસના કારણે થયા હતા 800 લોકોના મોત

Deadliest Train Accident in India: ઓડિશા ટ્રેન દુર્ઘટનાના સમાચારે સમગ્ર દેશને આંચકો આપ્યો છે. શુક્રવારે સાંજે લગભગ સાત વાગ્યે આવેલા આ સમાચાર પર માત્ર ભારત જ નહીં પરંતુ વિશ્વના ઘણા દેશોએ શોક વ્યક્ત કર્યો છે. બાલાસોર કોરોમંદર એક્સપ્રેસ ટ્રેન દુર્ઘટનામાં અત્યાર સુધીમાં 233 થી વધુ લોકોના મોત થયા છે, જ્યારે હજારો લોકો ઘાયલ હોવાનું કહેવાય છે.

આ પણ વાંચો : Odisha Train Accident: ઓડિશા ટ્રેન દુર્ઘટનાના ભયાનક દૃશ્યો, જુઓ Video

અમેરિકા, સિંગાપોર, માલદીવ સહિત ઘણા દેશોના નેતાઓએ આ ઘટના પર શોક વ્યક્ત કર્યો છે. જૂન મહિનામાં બનેલી આ દુર્ઘટનાએ 42 વર્ષ પહેલાની ટ્રેન દુર્ઘટનાની યાદ અપાવી દીધી, જેને દેશનો સૌથી દર્દનાક ટ્રેન અકસ્માત કહેવામાં આવે છે. 6 જૂન 1981ના રોજ બિહારમાં આ ટ્રેન દુર્ઘટનામાં લગભગ 800 લોકોના મોત થયા હતા. આ દુર્ઘટના બિહારના સહરસામાં ત્યારે થઈ જ્યારે એક પેસેન્જર ટ્રેન બાગમતી નદીમાં પડી.

Web Stories View more

સરકારી બેંક SBI પાસેથી 5 વર્ષ માટે 13 લાખની કાર લોન પર કેટલી EMI આવશે?

જાહ્નવી કપૂર બની અપ્સરા, ચાહકો એ કહ્યું એક દમ શ્રીદેવી લાગે છે

જલદી વપરાઈ જાય છે તમારા ફોનનું ઈન્ટરનેટ ? તો બસ આટલું કરી લો સેટિંગ

ઈશા અંબાણીએ નાની દીકરીને ખોળામાં લઈને કર્યો ક્યૂટ ડાન્સ, વાયરલ થયો વીડિયો

વિરાટ કોહલીના કપડાં કેમ પહેરે છે અનુષ્કા શર્મા જાણો

Neighbour of Mukesh Ambani : આ છે મુકેશ અંબાણીના પાડોશી, પિતાને અને પત્નીને ઘરની બહાર કાઢ્યા

ભેંસને કારણે સેંકડોના જીવ ગયા હતા

આ અકસ્માત અંગે ઘણા લોકોના અનેક મંતવ્યો છે. કેટલાક કહે છે કે આ અકસ્માત ચક્રવાતને કારણે થયો હતો, જ્યારે કેટલાક કહે છે કે તે અચાનક આવેલા પૂરને કારણે થયો હતો. જ્યારે કોઈ કહે છે કે જોરદાર વરસાદ પડી રહ્યો હતો ત્યારે અચાનક એક ભેંસ પુલ પર આવી ગઈ અને ડ્રાઈવરે અચાનક બ્રેક મારતા ટ્રેન નદીમાં પડી ગઈ.

આ ઘટનાઓ પર એક નજર નાખો

1. ફિરોઝાબાદ રેલ અકસ્માત (20 ઓગસ્ટ 1995): 20 ઓગસ્ટ 1995ના રોજ ફિરોઝાબાદમાં એક મોટો રેલ અકસ્માત થયો હતો. દિલ્હી જઈ રહેલી પુરુષોત્તમ એક્સપ્રેસ ઉત્તર પ્રદેશના ફિરોઝાબાદમાં કાલિંદી એક્સપ્રેસ સાથે અથડાઈ હતી. આ અકસ્માતમાં 358 લોકોના મોત થયા હતા. કહેવાય છે કે આ અકસ્માત મેન્યુઅલ મિસ્ટેકને કારણે થયો હતો. ગાય સાથે અથડાઈને કાલિંદી એક્સપ્રેસની બ્રેક જામ થઈ ગઈ. આ પછી ટ્રેન પાટા પર જ રોકાઈ ગઈ. બીજી તરફ પુરુષોત્તમ એક્સપ્રેસને પણ આ જ ટ્રેક પર દોડવાની મંજૂરી આપવામાં આવી હતી. આ દરમિયાન પુરૂષોત્તમ એક્સપ્રેસે કાલિંદી એક્સપ્રેસને પાછળથી ટક્કર મારી હતી, જેના કારણે આ અકસ્માત થયો હતો.
2. અવધ-આસામ એક્સપ્રેસ અને બ્રહ્મપુત્રા મેલની ટક્કર (2 ઓગસ્ટ 1999): અવધ-આસામ એક્સપ્રેસ અને બ્રહ્મપુત્રા મેલ બિહારના કટિહાર ડિવિઝનના ગેસલ ખાતે અથડાયા હતા. આ અકસ્માતમાં 268 લોકોના મોત થયા હતા જ્યારે 359 લોકો ઘાયલ થયા હતા. બ્રહ્મપુત્રા મેલ ભારતીય સૈન્ય અને સૈનિકોને આસામથી સરહદ તરફ લઈ જઈ રહ્યો હતો, જ્યારે અવધ આસામ એક્સપ્રેસ ગુવાહાટી જઈ રહી હતી. આસામ એક્સપ્રેસ ગુવાહાટી નજીક ગેસલ નામના સ્ટેશન પર ઉભી હતી. આ અકસ્માત પણ સિગ્નલ ફેલ થવાના કારણે થયો હતો. મેન્યુઅલ મિસ્ટેકને કારણે બ્રહ્મપુત્રા મેલને પણ તે જ ટ્રેક પર જવા માટે લીલી ઝંડી આપવામાં આવી હતી. બ્રહ્મપુત્રા મેલ સામેથી આસામ એક્સપ્રેસને ટક્કર મારી હતી.
3. ખન્ના ટ્રેન દુર્ઘટના (26 નવેમ્બર 1998): 26 નવેમ્બર 1998ના રોજ, પંજાબના ખન્ના ખાતે જમ્મુ તાવી-સિયાલદાહ એક્સપ્રેસ અમૃતસરથી જતી ફ્રન્ટિયર ગોલ્ડન ટેમ્પલ મેલના ત્રણ પાટા પરથી ઉતરેલા કોચ સાથે અથડાઈ ત્યારે 212 લોકોના મોત થયા હતા. તૂટેલા ટ્રેકને કારણે ગોલ્ડન ટેમ્પલ મેલ પાટા પરથી ઉતરી ગયો હતો અને તે જ સમયે પાછળથી આવતી જમ્મુ તાવી-સિયાલદહ એક્સપ્રેસ તેની સાથે અથડાઈ હતી.
4. જ્ઞાનેશ્વરી એક્સપ્રેસ ટ્રેન અકસ્માત (28 મે 2010): 13 વર્ષ પહેલા જ્ઞાનેશ્વરી એક્સપ્રેસ ટ્રેન અકસ્માત થયો હતો. મુંબઈ જતી હાવડા કુર્લા લોકમાન્ય તિલક જ્ઞાનેશ્વરી સુપર ડીલક્સ એક્સપ્રેસ વિસ્ફોટના કારણે પશ્ચિમ મિદનાપુરના ખેમાશુલી અને સરદિહા વચ્ચે પાટા પરથી ઉતરી ગઈ હતી. આ પછી અડધી રાત્રે એક માલગાડીએ ટક્કર મારી. આ અકસ્માતમાં 170 લોકોના મોત થયા હતા.