CWCની મીટિંગ પહેલા આજે સોનિયા ગાંધીએ બોલાવી CPPની બેઠક, ચૂંટણીમાં થયેલી હાર અને પાર્ટીની રણનીતિ અંગે થઈ શકે છે ચર્ચા

પાંચેય રાજ્યોની વિધાનસભા ચૂંટણીમાં કોંગ્રેસને કારમી હારનો સામનો કરવો પડ્યો છે. એટલું જ નહીં પંજાબની સત્તા પણ હાથમાંથી નીકળી ગઈ છે. આ પછી પાર્ટી નેતૃત્વ પર સતત સવાલો ઉઠી રહ્યા છે.

Sonia Gandhi (File Image)

TV9 Gujarati | Edited By: Kunjan Shukal | Updated on: Mar 13, 2022 | 7:42 AM

કોંગ્રેસ કાર્યકારી સમિતિ (CWC)ની બેઠક પહેલા કોંગ્રેસ સંસદીય દળના (CPP) પ્રમુખ સોનિયા ગાંધી (Sonia Gandhi)એ આજે સવારે 10.30 વાગ્યે 10 જનપથ ખાતે પાર્ટીના સંસદીય વ્યૂહરચના જૂથની બેઠક બોલાવી છે. તમને જણાવી દઈએ કે આજે સાંજે 4 વાગ્યે કોંગ્રેસ વર્કિંગ કમિટીની બેઠક પણ મળવાની છે. આ બંને બેઠકમાં પાંચ રાજ્યોમાં કોંગ્રેસની કારમી હાર અંગે મંથન થઈ શકે છે. આ સાથે આગામી વિધાનસભાની ચૂંટણી માટે કોંગ્રેસ કેવી તૈયારી કરશે તેની પણ ચર્ચા થઈ શકે છે. આ બેઠકમાં પાંચ રાજ્યોની તાજેતરમાં પૂર્ણ થયેલી વિધાનસભા ચૂંટણીમાં કોંગ્રેસનું ખરાબ પ્રદર્શન, હારના કારણો અને પાર્ટીની વર્તમાન રાજકીય સ્થિતિની સમીક્ષા કરવામાં આવી શકે છે.

પાંચેય રાજ્યોની વિધાનસભા ચૂંટણીમાં કોંગ્રેસને કારમી હારનો સામનો કરવો પડ્યો છે. એટલું જ નહીં પંજાબની સત્તા પણ હાથમાંથી નીકળી ગઈ છે. આ પછી પાર્ટી નેતૃત્વ પર સતત સવાલો ઉઠી રહ્યા છે. તમને જણાવી દઈએ કે વર્ષ 2017માં 10 વર્ષ બાદ કોંગ્રેસ સત્તામાં આવી હતી.

Web Stories View more

નીતા અંબાણી સવાર થી સાંજ સુધી આખો દિવસ શું કરે છે? જાણો તેમનું શેડ્યૂલ

પાકિસ્તાની યુવતીના શરીરમાં ધબક્યું ભારતીય હ્રદય, કહ્યું- થેંક્યું ઈન્ડિયા

એલિસ પેરીને ભૂલી જશો, જુઓ મુંબઈ ઈન્ડિયન્સની ખૂબસૂરત ક્રિકેટર એમેલિયા કેરની તસવીરો

તમારી પાસે કોઈ સરકારી અધિકારી કે કર્મચારી લાંચ માગે તો સૌથી પહેલા કરો આ કામ

3 વર્ષમાં આપ્યું 35% થી વધુ રિટર્ન, જાણો આ Top 5 Equity Mutual Funds વિશે

Congress Parliamentary Party (CPP) chairperson Sonia Gandhi has called a meeting of the party’s parliamentary strategy group at 10.30 am at 10 Janpath tomorrow

— ANI (@ANI) March 12, 2022

ગઈકાલે યોજાઈ હતી G-23 ગ્રુપના નેતાઓની બેઠક

તમને જણાવી દઈએ કે પાંચ રાજ્યોમાં મળેલી કારમી હારને કારણે કોંગ્રેસનું ભવિષ્ય લટકતું જોવા મળી રહ્યું છે. આ હાર બાદ શુક્રવારે પાર્ટીના જી-23 જૂથના ઘણા નેતાઓએ બેઠક યોજી હતી. આ બેઠકમાં વધુ વ્યૂહરચના અંગે ચર્ચા કરવામાં આવી હતી. કપિલ સિબ્બલ, આનંદ શર્મા અને મનીષ તિવારીએ રાજ્યસભાના ભૂતપૂર્વ નેતા વિપક્ષ ગુલામ નબી આઝાદના નિવાસસ્થાને આયોજિત બેઠકમાં હાજરી આપી હતી. આ બેઠકમાં શું ચર્ચા થઈ તે અંગે હાલમાં આ નેતાઓ તરફથી કોઈ જાહેર નિવેદન આવ્યું નથી.

તમને જણાવી દઈએ કે કોંગ્રેસના G-23 નેતાઓનું જૂથ એ જ હતું, જેણે ઓગસ્ટ 2020માં પાર્ટી અધ્યક્ષ સોનિયા ગાંધીને પત્ર લખીને કોંગ્રેસમાં સક્રિય અધ્યક્ષ અને સંગઠનમાં ફેરફારની માંગ કરી હતી. ગઈકાલે આનંદ શર્મા, અખિલેશ પ્રસાદ સિંહ, કપિલ સિબ્બલ, હુડ્ડા અને મનીષ તિવારી સહિત 6 નેતાઓ ગુલામ નબી આઝાદના ઘરે મળ્યા હતા, જેઓ દિલ્હીમાં હાજર હતા.