China: કોરોનાના કેસ વધતા ચીનમાં કડકાઈ, બેઈજિંગમાં લોકોને ઘરમાં જ રહેવા આદેશ

China: કોરોનાના કેસ વધતા ચીનમાં કડકાઈ, બેઈજિંગમાં લોકોને ઘરમાં જ રહેવા આદેશ
Increase Corona Cases in China (File Photo)

ચીનમાં વધતા કોવિડ કેસ પાછળ ઓમિક્રોન વેરિઅન્ટનો (Omicron Variant) હાથ છે. તમને જણાવવુ રહ્યુ કે કોરોના સામે લડવા માટે ચીને ઝીરો કોવિડ પોલિસી અપનાવી છે.

TV9 GUJARATI

| Edited By: Mamta Gadhvi

Mar 13, 2022 | 7:28 AM

Corona Cases in China: ચીનમાં વધતા સંક્રમણને (Corona Case) પગલે શાંઘાઈમાં શાળા બંધ કરવામાં આવી છે, સાથે જ બેઈજિંગમાં રહેણાંક વિસ્તારોમાં પ્રવેશ પર પ્રતિબંધ  મૂકવામાં આવ્યો છે. કોરોનાના નવા કેસ સામે આવ્યા બાદ બેઈજિંગમાં (Beijing City) વહીવટીતંત્રે લોકોને ઘરની બહાર ન નીકળવા માટે પણ કહ્યું છે. બીજી તરફ હોંગકોંગમાં પણ કોરોનાએ માથુ ઉંચક્યુ છે, ત્યારે કેરી લેમે ચેતવણી આપી હતી કે આ પ્રદેશમાં કોવિડ સંક્રમણની લહેર કદાચ તેની ટોચ પર પહોંચી નથી. તેમણે કહ્યું કે આ સમયે એવું કહેવું સરળ નહીં હોય કે આપણે સંક્રમણના ટોચના તબક્કાને પાર કરી ગયા છીએ, આપણે ખૂબ કાળજી રાખવી જોઈએ.

ચીનમાં કોરોના સંક્રમણમાં અંશત: વધારો

તમને જણાવી દઈએ કે ચીનમાં શુક્રવારે માત્ર 24 કલાકમાં કોવિડના 588 નવા કેસ નોંધાયા છે, જો કે કોઈ કોવિડ દર્દીનું મૃત્યુ થયું નથી. અન્ય દેશોની તુલનામાં આ સંખ્યા ઘણી ઓછી છે, પરંતુ અધિકારીઓનું કહેવું છે કે જો સંક્રમણ વધે છે તો તેઓ લોકડાઉન કરવા માટે તૈયાર છે. શનિવારે શાંઘાઈ શહેરમાં કોરોનાના 22 નવા કેસ સામે આવતા સરકારે જાહેરાત કરી કે શાળાઓમાં ફરી ઓનલાઈન શિક્ષણ (Online Education) શરૂ કરવામાં આવે. જ્યારે બેઈજિંગમાં કોરોનાના પાંચ નવા કેસ મળી આવ્યા છે.

ઉલ્લેખનીય છે કે બેઈજિંગના ઉત્તરપૂર્વીય જિલ્લા શુનીમાં સંક્રમણને ધ્યાનમાં રાખીને હાઉસિંગ કોમ્પ્લેક્સનો એક ભાગ બંધ કરી દેવામાં આવ્યો હતો. સાથે જ લોકોને લક્ષણ જણાય તો પરીક્ષણ કરાવવાનો પણ આદેશ આપવામાં આવ્યો છે. કોમ્યુનિસ્ટ પાર્ટી કમિટીના પ્રવક્તા ઝુ હેજિયનને કહ્યું હતુ કે મહેરબાની કરીને જ્યાં સુધી જરૂરી ન હોય ત્યાં સુધી બેઈજિંગ છોડશો નહીં.

ચીનની કડકાઈથી કોરોના નિયંત્રિત

ચીનમાં વધતા કોવિડ કેસ પાછળ ઓમિક્રોન વેરિઅન્ટનો (Omicron Variant) હાથ છે. તમને જણાવવુ રહ્યુ કે કોરોના સામે લડવા માટે ચીને ઝીરો કોવિડ પોલિસી અપનાવી છે. ડિસેમ્બર 2019માં ચીનમાં કોરોના વાઈરસનો પહેલો કેસ નોંધાયો હતો, પરંતુ તે પછી ચીને કડક રીતે પ્રતિબંધો લાદતા આજે ચીનમાં કોરોના નિયંત્રણમાં છે. ચીનમાં વધતા સંક્રમણને પગલે મોટાપાયે પરીક્ષણ કરવામાં આવ્યું હતું અને સરહદો પણ બંધ કરી દેવામાં આવી હતી.

આ પણ વાંચો  : યુક્રેનમાં 79 બાળકોના મોત, 100થી વધુ ઘાયલ, હોસ્પિટલોને તોપથી ઉડાવી રહ્યું છે રશિયા, આકાશમાંથી સતત વરસી રહ્યા છે બોમ્બ

Follow us on

Related Stories

Most Read Stories

Click on your DTH Provider to Add TV9 Gujarati