યુનિફોર્મ સિવિલ કોડના સમર્થનમાં DELHI HIGH COURT ની ટીપ્પણી, કહ્યું જાતિ-ધર્મથી બહાર આવી રહ્યાં છે દેશના લોકો
Uniform Civil Code : દિલ્હી હાઈકોર્ટના ન્યાયાધીશ પ્રતિભા એમ.સિંહે ડિવોર્સના એક કેસમાં સુનાવણી દરમિયાન કહ્યું કે હવે સમય આવી ગયો છે કે દેશમાં સમાન નાગરિકસંહિતા કાયદો એટલે કે યુનિફોર્મ સિવિલ કોડ લાગુ કરવામાં આવે.
DELHI : દેશમાં અવારનવાર યુનિફોર્મ સિવિલ કોડ (Uniform Civil Code) ની ચર્ચા અને સાથે વિવિધ સામાજિક સંગઠનો દ્વારા તેને લાગુ કરવાની માંગ પણ કરવામાં આવે છે. આ દરમીયાન દિલ્હી હાઈકોર્ટે (DELHI HIGH COURT) યુનિફોર્મ સિવિલ કોડના સમર્થનમાં ટીપ્પણી કરી છે. દિલ્હી હાઈકોર્ટના ન્યાયાધીશ પ્રતિભા એમ.સિંહ(Justice Pratibha M. Singh) એ ડિવોર્સના એક કેસમાં સુનાવણી દરમિયાન કહ્યું કે હવે સમય આવી ગયો છે કે દેશમાં સમાન નાગરિકસંહિતા કાયદો એટલે કે યુનિફોર્મ સિવિલ કોડ લાગુ કરવામાં આવે.
જસ્ટિસ પ્રતિભા સિંહે કહ્યું કે આજનું ભારત બદલાઇ રહ્યું છે, લોકો ધીમે ધીમે જાતિ, ધર્મ અને પરંપરાગત અવરોધોમાંથી બહાર આવી રહ્યા છે, આવી સ્થિતિમાં યુવાનોને કેટલાક કિસ્સાઓમાં લગ્ન પછી છૂટાછેડા લેવામાં મુશ્કેલીનો સામનો કરવો પડી રહ્યો છે, જેના માટે દેશમાં યુનિફોર્મ સિવિલ કોડ (Uniform Civil Code)લાગુ કરવાની જરૂર છે.
The Delhi High Court backs the need for a Uniform Civil Code (UCC) observing that “there is the need for a Code – ‘common to all’ in the country and asked the Centre government to take the necessary steps in this matter.”
— ANI (@ANI) July 9, 2021
શું છે સમગ્ર મામલો ? યુનિફોર્મ સિવિલ કોડ (Uniform Civil Code) અંગે દિલ્હી હાઈકોર્ટ (DELHI HIGH COURT) નું આ નિરીક્ષણ છૂટાછેડા માટે આવેલા એક કેસમાં ચુકાદો આપતી વખતે આપવામાં આવ્યું હતું. મીણા આદિજાતિ સાથે જોડાયેલા દંપતીના છૂટાછેડાનો મામલો ન્યાયાધીશ પ્રતિભા એમ સિંઘની કોર્ટમાં આવ્યો હતો. કોર્ટ સમક્ષ સવાલ એ હતો કે શું જૂન 2012માં હિન્દુ રિવાજો પ્રમાણે લગ્ન કરનાર દંપતીના છૂટાછેડાના કિસ્સામાં હિન્દુ મેરેજ એક્ટ-1955 ની જોગવાઈઓ લાગુ થશે કે નહીં.
પતિએ ફેમિલી કોર્ટમાં છૂટાછેડા માટે અરજી કરી હતી. છૂટાછેડાની અરજીનો વિરોધ કરતાં પત્નીએ અપીલ કરી હતી કે તે રાજસ્થાનની મીણા જાતિમાંથી આવે છે, આથી હિન્દુ મેરેજ એક્ટ તેમને લાગુ પડતો નથી. ફેમિલી કોર્ટે પતિની અરજી નામંજૂર કરી દીધી હતી, ત્યારબાદ પતિએ ફેમીલી કોર્ટના આ નિર્ણયને પડકારતા દિલ્હી હાઈકોર્ટમાં અરજી કરી હતી.
ફેમીલી કોર્ટના આદેશ પર રોક લગાવાઈ આ કેસમાં કોર્ટ સમક્ષ આ સવાલ ઉભો થયો કે શું છૂટાછેડાનો નિર્ણય હિંદુ મેરેજ એક્ટ મુજબ કરવો જોઇએ કે મીણા આદિજાતિના નિયમો અનુસાર. કોર્ટે નોધ્યું કે મીણા આદિજાતિના કેસોના નિવારણ અને સમાધાન માટે કોઈ અલગ અને વિશેષ અદાલત નથી, આવી સ્થિતિમાં યુનિફોર્મ સિવિલ કોડ (Uniform Civil Code)લાગુ કરવાની જરૂર છે.
દિલ્હી હાઈકોર્ટે ફેમિલી કોર્ટના આદેશ પર રોક લગાવતા ટ્રાયલ કોર્ટને હિંદુ મેરેજ એક્ટ-1955ની કલમ (13) (1) હેઠળ છ મહિનાની અંદર આ કેસમાં યોગ્યતા અંગે નિર્ણય કરવાનો આદેશ આપ્યો હતો.