વડાપ્રધાન નરેન્દ્ર મોદીની ફેસબુક પોસ્ટને કામચલાઉ રીતે દૂર કરવા અંગે કેન્દ્ર સરકારે કડક વલણ અપનાવ્યું છે. આ ઘટના બાદ, ઇલેક્ટ્રોનિક્સ અને માહિતી ટેકનોલોજી મંત્રાલય એ મેટા ઇન્ડિયાના વરિષ્ઠ અધિકારીઓને સમન્સ પાઠવ્યા હતા અને સ્પષ્ટતા માંગી હતી.

IT મીનિસ્ટ્રીએ મેટાને પાઠવ્યુ સમન્સ

તમને જણાવી દઈએ કે વડાપ્રધાન મોદીએ સોશિયલ મીડિયા પર પેપર લીક કેસમાં કડક કાર્યવાહી થશે તે અંગે એક વીડિઓ શેર કર્યો હતો, જેમાં યુવાનોને સંબોધિત કરવામાં આવ્યા હતા અને પેપર લીક સામે સરકારની કડક કાર્યવાહીની જાણ કરવામાં આવી હતી. જોકે, પોસ્ટ થોડા સમય પછી ફેસબુક પરથી ગાયબ થઈ ગઈ હતી, જેના કારણે વિવાદ થયો હતો.

મેટાએ સ્પષ્ટતા કરતા શું કહ્યું હતુ?

આ ઘટના પ્રકાશમાં આવ્યા પછી, મેટાએ સ્પષ્ટતા કરી હતી કે ટેકનિકલ ભૂલને કારણે પોસ્ટ દૂર કરવામાં આવી હતી. કંપનીએ દાવો કર્યો હતો કે આ કોઈ નીતિ કે ઇરાદાપૂર્વકની કાર્યવાહીનો ભાગ નથી, અને પોસ્ટ પછીથી પુનઃસ્થાપિત કરવામાં આવી હતી.

જોકે, સરકાર મેટાના ખુલાસોથી સંતુષ્ટ નથી. સૂત્રોના જણાવ્યા અનુસાર, આઇટી મંત્રાલયે કંપનીને પૂછ્યું છે કે વડા પ્રધાનની પોસ્ટ કેવી રીતે દૂર કરવામાં આવી, તેનું કારણ શું હતું અને ભવિષ્યમાં આવી ઘટનાઓને રોકવા માટે શું પગલાં લેવામાં આવશે.

સરકારે મેટા પાસેથી વિગતવાર રિપોર્ટ માગ્યો

સરકાર આ બાબતને ગંભીરતાથી લઈ રહી છે અને મેટા પાસેથી વિગતવાર રિપોર્ટ માંગ્યો છે. કંપનીએ તેની સામગ્રી મધ્યસ્થતા પ્રક્રિયા અને તકનીકી સિસ્ટમ અંગે પણ જવાબો આપવા પડશે. આ ઘટના એવા સમયે બની છે જ્યારે સરકાર સોશિયલ મીડિયા પ્લેટફોર્મની જવાબદારી અને પારદર્શિતા પર વધુને વધુ કડક વલણ અપનાવી રહી છે.

ITR Last Date: 31 જુલાઈ કે 31 ઓગસ્ટ? જાણો કઈ છે આવકવેરા રિટર્ન ફાઇલ કરવાની અંતિમ તારીખ, આ સ્ટોરી વાંચવા અહીં ક્લિક કરો